မိုးသည်းညတွေဆို နာကျင်စွာ
အော်ဟစ်ညည်းညူနေတဲ့ တစ္ဆေ တစ်ကောင်ရဲ့ ငိုသံကိုကြားရတယ်။အဲ့ဒီညက စိမ်းကားစွာ တစ်ချက်လှည့်ကြည့်သွားတဲ့ ပထဝီမြေကြီးကို တွေ့လိုက်ရတဲ့အခိုက် ကမ္ဘာကြီးမှာငရဲသားတွေ ပြည့်နှက်နေသလို အော်ဟစ်သံတွေ ဆူညံသွားတော့တယ်။ရင်ဘတ်မှာရော ဦးနှောက်အသိဉာဏ်မှာပါ အမေဆိုတဲ့ နာဗ်ကြောလေး တစ်မျှင်ပြတ်တောက်သွားစေချင်လိုက်တာ။
အဖေ့ရဲ့ မျက်ရည်တွေကို အမှောင်ချထားတဲ့ အိမ်ငယ်လေးရဲ့ ပြတင်းပေါက်သေးသေးလေးက တစ်ဆင့် တစ်ချက်တစ်ချက်ဖြာထွက်သွားတဲ့ လျှပ်ပန်းလျှပ်နွယ်တွေရဲ့ မီးရောင်နဲ့ မြင်ခဲ့ရတယ်။
အချစ်ဆိုတာကို သာမာန် စိတ္တဇနာမ်လေး တစ်ခုထက်ပိုမြင်မိတဲ့သူတိုင်း ရင်ခွဲခံရမယ်ဆိုတာ ပိုက်ဆံဆိုလို့ခြူးတစ်ပြားမှ မကျန်တော့တဲ့အချိန်မှာ နဖူးတွေ့ဒူးတွေ့သိစေရမယ်။ နာမည်ကြီး ကလပ်တစ်ခုရဲ့ရှေ့မှာ ဖြစ်ခဲ့လေတယ်။ နှုတ်ခမ်းနီတွေ မိတ်ကပ်တွေ ထူပိန်းနေအောင်လိမ်းထားတဲ့
မိန်းမကြီးတစ်ယောက်ဟာ ဗိုက်ရွဲရွဲ ထိပ်ပြောင်ပြောင် အရပ်ပုပုနဲ့ ပိုက်ဆံအိတ်ဖောင်းဖောင်းကြီးကိုင်ထားတဲ့ လူကြီးရဲ့ ကားတံခါးဖွင့်ပေးမှုကို ကျေနပ်စွာတစ်ချက်
ရယ်မောလိုက်တယ်။ ခန္ဓာကိုယ်ပါ တသိမ့်သိမ့်
့တုန်ခါအောင်ရယ်လိုက်တာကြောင့်လက်ထဲက မီးညှိပြီးသား စီးကရက်ရဲ့ပြာတစ်ချို့ ဖွားကနဲ ဖွားကနဲ လွင့်စင်သွားတယ်။
အဲ့ဒီမိန်းမကြီးအနားကို နောက်ဆုံးလက်ကျန် ဘာမှန်းမသိတဲ့ စိတ်ခံစားမှုနဲ့ တိုးကပ်သွားပြီး ဇာလက်အိတ် အနက်ရောင်စွတ်ထားတဲ့ သွယ်လျှလျှ လက်တစ်ဖက်ကို ဆွဲလိုက်တော့ ရယ်နေရင်းက တစ်ချက်လှည့်ကြည့်တယ်။
သူ့ကိုမြင်တော့ ဇင်ယော်တောင်မျက်ခုံးတွေဟာ တွန့်ချိုးပြီး သွေးပျက်စွာ လက်ကို ပုတ်ထုတ်ပြစ်လိုက်တဲ့ အ..အမေ။
ဂြိုလ်ကောင်လေးဟု ပါးစပ်က ဖွဖွရေရွတ်ပြီးနောက် အဆက်မပြတ်ဆဲရေးရင်း လက်ကပါ ရိုက်ပုတ်ကာ ထွက်သွားဖို့နှင်လွှတ်နေသည်။လမ်းဘေးခွေးဝဲစား တစ်ကောင်ကို နှင်လွှတ်နေသလိုမျိုး။
