السلام عليكم 👋💜
ليوم غادي نكملو لموضوع تع لبارح لي هو الصداقة.
باش تعرفي الصداقة هذي يلا صح حقيقة ولا لا، لازم ما تكونش المصلحة، مشي تعيطلك على صوالحها و نتي كيف كيف ، لا أبدا، الصداقة بلا مصالح مادية. فالصداقة يلاق كيما تبغي لروحك تبغي لصحبتك. و هي نفس الشي. الصداقة لازم كي تحتاجي صحبتك سواء كنتي في مشكلة،كنت زعفانة ،عيانة،فرحانة، تبكي،تضحكي، لازم صحبتك تكون معاك و تكوني معاه. الصحبة الحقيقة هي لي كي تشوفك تغلطي، تقولك لا ختي راكي فطريق الغالط، الصداقة لازم تديك لطريق لي يبغيها ربي، و لي يبغوها والديك، مشي لدعاوي الشر و المشاكل.
لازم تعرفي بلي مشي غير تهدر معاك بنت، تقربلك شوية،صايي تنسي روحك و تحكيلها حياتك، لا اياك، حتى نجربها ملييييييييح. مع اني نفضل دايما مهما تكون صحبتك و قريبة ليك، دايما كاين صوالح يبقو بينك و بين روحك حتى واحد ما يدخل فيهم و مايعرفهم.
بوون هذا كان موضوعنا لنهار اليوم،ان شاء الله تكون استفدتو، خلولي رأيكم فالتعليقات، قولولي شا راكم باغيين فالبارت الجاي،صحا فطوركمممممممممممممممم و شكرا على القراءة.
ماتنسوش تدعولي راني في مرحلة التحضير للامتحانات 🙏❤❤❤
