السلام عليكم لبنات 😸
ليوم غادي نكملو في موضوع تطوير الذات،
اخر مرة هدرنا فيها على هاد الموضوع ،كنا قلنا بلي الإنسان لازم يدير الصوالح لي هو باغي يحققهم في حياته،مشي الصوالح لي المجتمع يفرضهم عليه.
دونك لبنات أول خطوة لازم ديروها هي تقعدو مع رواحكم، في هدووووء، بعيدا عن الهاتف، و تسقسو روحكم بصدق شاراكم باغيين في هاد الدنيا، وين باغي نكون بعد عشر أو عشرين سنة، شاهوما صوالح لي مانيش باغية نندم عليهم نهار لي نكبر و نولي عجوزة، شاهوما صوالح لي نبغي نديرهم، شاهوما صوالح لي نعرف نديرهم، شا هوما صوالح لي انا متميزة فيهم. نكتب كلشي،كلشيييييي
من بعد نبدا نقسم الأهداف:دينية، عملية،دراسية، شخصية،عائلية، تطويرية.....الخ
نحدد كل هدف شحال لازمه من وقت، نحدد الأهداف لي راني باغية نوصللهم هاد العام، هاد الشهر،هادالاسبوع، هاد نهار.قلتلكم كتابة كل شيء أمر مهم جدا. حتى نتوما تولو تحسوا برااااااااحة كبيرة .
هنا في هاد المرحلة كتبنا قاع شارانا باغيين نحقوا، و تاني وينتا غادي نحقوهم.
نكملو باذن الله فالبارت الجايين، اذا عجبكم الموضوع ماتنسوش ديرولي نجمة،و تخلولي تعليق و تقولولي وش راكم باغيين نكتب الخطرة الجاية .
شكرا على القراءة، صحا فطوركمممممممممممممممم 😸❤
