السلام عليكن 👋❤
كيما كتبت فلبارت لي فات قررت ننقل اهم الصوالح لي كنت كاتبتهم في " الوصول إلى القمر" و نجمع كلشي هنا في بلاصة وحدة.
اول حاجة قبل مانبدا، بغيت نشكر قاع لي دعموني thank you so much❤
اخيرا راني في عطلة، العطلة تاعي طويلة نوعا ما على هاذي مابغيتش نضيعها و قلت نستدرك اهداف 2019 لي مازال ماحققت والو منها و نبدا نخدم عليه مدام عندي الوقت. عندي بزااااف اهداف و بغيت هاد العطلة تكون بداية تغيري نحو الأحسن، و ثاني بغيت نشجعكم باش نخدمو في رحبا و نوصلو لاهدافنا ان شاء الله.
بون مانكثر الهدرة كثر من هاك و نشارككم الأهداف لي راني باغية نحققها في هاد الشهر لي هو جويلية.
💕نحفظ 220 جملة انجليزيه
💕نحفظ 114 جملة يابانية
💕نحفظ الهراغانا و الكاتاكانا (الحروف اليابانية)
💕نحفظ 30 بيت شعري
💕نراجع وش راني حافظة من القرآن الكريم
💕نتابع دروس تعلم الاعلام الآلي للمبتدئين
💕نمارس الرياضة بانتظام
💕نكتب فالواتباد بانتظام
هادو كانو هوما الأهداف و دوك نكتبلكم العادات لي راني باغية نتبثهم في هاد الشهر
❤ قراءة الأذكار
❤قراءة القرآن
❤صلاة ركعتين قبل الفجر
❤شرب الماء على معدة فارغة
❤قراءة 50 صفحة من كتاب
❤ التخطيط
بون باش نوصل وين راني باغية درت مخطط للاسابيع تع هاد الشهر كيفاه غادي يمشو👇
الاحد : يابانية شعر رياضة قران
الاثنين: انجليزية. شعر رياضة قران
الثلاثاء: يابانية. مراجعة الشعر رياضه
الاربعاء: انجليزية يابانية رياضة اعلام الي
الخميس: يابانية رياضة اعلام الي
الجمعه: تقييم الأهداف+ (انمي،كتابة،مشاهدة فلم وثائقي)
السبت : انجليزية +قران+ كتابة
ملاحظة 👯 باش ياماتي ماتكونش مملة دوك ندير تحديات يومية شفتها في كتاب على الواتباد نخليلكم اسمه فتعليقات
ملاحظة أخرى 👯 قولولي يلا راكم باغيين بالإضافة إلى النصائح و المحتوى لي نقدمه نزيد نهدرلكم على تقدمي اليومي في تحقيق هاد الأهداف تشجيعا لي ولكم.
هذا كان البارت تع اليوم،عطوني رايكم فيه بليييييييييييييز ،ماتنسوش نجمة و تعليق و قولولي شا هوما اهدافكم لهاد الشهر ولا للعطلة بصفة عامة
شكرا ❤
