السلام عليكن 👋
البارت تع اليوم هو عبارة عن نصائح لزيادة الثقة بالنفس👇
✨ الاهتمام بنظافتك، كلما كنتي نقية كلما زادت ثقتك في نفسك، كل ماكان العكس كل ماقلت هاذيك الثقة و زدتي انغلقتي على روحك و بعدتي الناس عليك، بيسك هدرنا على النظافة يلاق تاني نهدرو على طريقة لبسك، لبسي لباس انيق و نظيف ما قلنا لا جديد ولا غالي المهم نظيف و مرتب،ديري في بالك بلي كاين ناس عندها بزاااااااااااف دراهم و ماتعرفش تلبس 😃
✨تطوير نفسك و زيادة ثقافتك و بالتالي زيادة نجاحاتك و تأثيرها المباشر على ثقتك في روحك، كلما طورتي من نفسك كلما كانت عندك ثقافة عامة ،كلما ولى عندك معلومات و ثقافة على أمور متعدد كلما زادت ثقتك في نفسك و انبهار من حولك بك
✨تعلمي فنون الكلام،فنون الرد، فنون الاقناع،فنون الحوار باش تولي تجيك ساهلة انك تفتحي نقاش أو موضوع مع اي واحد بكل سهولة
✨ ماتخافي من حتى واحد مدامك ماراكيش ديري حاجة تغضب الله،مدامك مقتنعة بلي راكي ديري ماتخلي حتى واحد (ماعدا والديك)يتحكم فيك و يقولك وش ديري و وش ماديريش، بصح هذا مايعنيش انك ماتسمعيش لنصيحة الآخرين خصوصا اذا كانت بناءة
✨ نعاود نأكد على نقطة كوني انت كوني عفوية كوني مرحة طلقي روحك و تصرفي براحتك طبعا بحدود
كان هذا هو البارت تع اليوم،ان شاء الله يكون فادكم و عجبكم، اذا عندكم اي سؤال او اقتراح او تعليق خلوهلي هنا 💬 ماتنسوش ديرو 🌟
دعواتكم و شكرا ❤
