مساااا لخيييييييييييييير 🥰🥰🥰🥰🥰🥰🥰
البارت هذا غادي يكون عبارة عن نصائح للدراسة بما أننا في بداية الفصل الثاني فان شاء الله النصائح هادو يعاونوكم
🌺 نقطة مهمة بزاف وهي التخطيط مشي حاجة كبيرة، غير جيبي الاستعمال الزمن تاعك و على حسابه حطي جدول يكون واقعي طبعا.
🌺نقطة وحدوخرا عاونتني و حفزتني وهي انني نجيب زوج وراقي و وحدة نكتب فيها المهام الدراسية لي يلاقلي نديرها و ورقة وحدوخراو نكتب فيها الانجازات الدراسية تاعي، بمعنى مثلا كان يلاق نحل صفحة تع تمارين تع الرياضيات و حليتهم، نحطهم في ورقة الانجازات و هكذا مع بقية المواد
🌺تاني ننصحكم ماتخلوش الدروس يتراكمو عليكم ابدا، وهاد النقطة بالذات نحسها هي لي تصنع الفرق . على الأقل ماتخلوش الدروس تتراكم كثر من سمانة، وديرو في بالكم بلي كي راكم تحفظو و تراجعو فالوقت راكم تخفوا على رواحكم ضغط كبير
🌺نقطة اخرى و هي الانتباه في القسم،ركزوا مليح مع الاستاذ، خاطر كي تفهموا من عنده غادي تسهل عليكم المراجعة فدار.
🌺 حاولوا تكونو ناشطين فالقسم، بينوا للاستاذ بلي راكم تبعوا و كي تشاركو و تقولو حاجة نيشان غادي تتحمسوا و تحسوا بالفخر.
اذا هذا هو البارت تع اليوم، مابغيتش نكثر نصائح لي ديجا تعرفوهم، انا بالنسبة ليا هذو وحدهم عاونوني بزاف خلال مساري الدراسي، ان شاء الله طبقوهم و يعاونوكم.
ماتنسوش ⭐ و 💬 و سيرتو دعاؤكم 💜 راني نمر بفترة صعبة و والله غير درت لكوراج و كتبت لبارت هادي فبليز دعاءكم 🌺
