السلام عليكم 💖
مرحبا بيكم في بارت جديد، بما اننا على ابواب الدخول الاجتماعي غادي يكون البارت تع اليوم عبارة عن كلام تحفيزي، ان شاء الله يأثر فيكم و يعاونكم على تحقيق أهدافكم و طموحاتكم
العطلة كملت و الراحة معاها تاني كملت، نورمالمو ريحتو مليح ، دروك جا وقت الخدمة، مهما يكون الطور الدراسي تاعكم، قاع عندكم اهداف باغيين تحققوها، و أغلبها تتعلق بالدراسة طبعا، ديرو في بالكم بلي العام راه يفوت يطير و قاع علابالكم بيها، هادو أشهر و تفوت، و كل سنة دراسية تقربكم من الحلم تاعكم درجة، على هادي لازم ماتستسلموش للصعوبات لي ممكن تواجهكم ، تفكرو غير الصعوبات لي فاتت عليكم فلعوام لي فاتو و غادي نشوفو بلي فهذاك الوقت كانت تبانلكم حاجة كبيرة و دروك ولتلكم مجرد ذكرى في حياتكم فوتوها و فاتت 👌
استمتعو بحياتكم الدراسية باش تقعدلكم ذكرى شابة، ماتقنقطعوش عن ممارسة هواياتكم(ياو لوكان تمارسوها خطرة فسمانة ولا 15 يوم)، حياتكم الدراسية راه فيها كثر من 12 سنة فهل يعقل قاع هاد السنوات ماتمارسوش فيها شاتبغوا و ماتستمتعوش بيها.
ننصحكم تبذلو جهدكم و تحطو الاهداف تاعكم نصب أعينكم ، و أبدا ماتستسلموووووووش
كان هذا هو البارت تع اليوم، ان شاء الله يكون عجبكم، ماتنسوش 🌟 و 💬
شكرا 💖
