السلام عليكن 💐💐💐💐
يامات قلال و بلاك تاني شهر و شوية قبل مانولوا قاع إما للجامعة و إما للمدرسة ان شاء الله
بالنسبة لجماعة الجامعة كيفي ابدو تقروا و تراجعوا خاطر حقيقة مابقى والو بش نولوا نقروا
بالنسبة لصحاب الثانوية و المتوسط مزال باقيلكم هذا الشهر و نص. بلا مانقولكم بلي يفوت يطير و الفول روحكم وليتو بإذن الله
بغيت نعطيكم مجموعة من النصائح بش تفوتو بيهم هاد اليامات.
💚 ابروفيتو قد ماتنجموا، العبوا اضحكوا ديرو قاع شاراه في خاطركم،كملو قاع الانميات و لا المسلسلات لي راكم تتفرجوا فيهم بش تستقبلوا العام الدراسي بجدية ان شاء الله.
💚رتبوا الغرفة تاعكم،المكتب لي تقروا فيهم،رتبوا الادوات، رتبوا الصوالح تع العام لي فات...
💚ابدوا مذكرات و سموهم "مذكرات آخر شهر من عطلة كورونا" : غادي تكون تجربة رائعة و تتفكروها كي تعاودوا تقروها بعد مدة ان شاء الله،هادي فترة إستثنائية ماتخلوهاش تروح بلا ماتسجلوها.
💚ديروا الرياضة،خصوصا يلا كان زاد الوزن تاعكم خلال الحجر،نوضو تحركوا و تخلصوا من الدهون.
💚طوروا من عادات صحية تعاونكم كي تولوا للقراية،كيما تنظيم النوم، الرياضة،الأكل الصحي،الكتابة،قراءة القرآن،الالتزام بالأذكار....
💚اعتانوا بالبشرة تاعكم،بشعركم،ديرو خلطات العناية...
💚نقوا و نظموا التليفون تاعكم، تخلصوا من تصاوير لي ماتسحقوهمش،les captures d'écran,....
💚ديروا خلفية جديدة تع تلفون بش تتحمسوا لبداية جديدة
💚حملوا تطبيقات و ابونو في قنوات تعاونكم و تحفزكم على زيادة الانتاجية و النشاط .
هذا كان البارت تع اليوم:
رجاءا خلولي رايكم فيهم سواءا عجبكم و لا لا
يلا عجبكم ماتنسوش ⭐
نهاركم مبروك💙
سلااااااام 💚
