His Jaded Heart

Green-Eyed Monster is in the House!

Drew 

Isang araw akong absent sa school. Hindi counted ang Thursday dahil wala naman akong pasok sa araw na iyon. Mahigit isang linggo na akong nakakarecover mula sa pagkakasakit ko pero hindi ko na nakikita si Troy na nagagawi sa bahay or nakakasalubong sa school. Weird. And i missed him. Sigh.  

Kahit ngayong araw na nasa bahay lahat ng kaibigan namin ni Kuya, si Troy lang ang wala. Naglalaro ng pool ang mga boys sa gameroom habang ako naman ay may nire-wrestling na assignment. Bitbit ang notebook at ballpen pumasok ako sa gameroom at hinanap si Conrad. Kailangan ko ng tulong niya.  

"Conrad, patulong naman o. Hindi ko maintindihan."  

"Just a sec Drew, turn ko tumira eh. Pa-sub na lang ako maya kay Jeff tapos tulungan kita dyan.'Aight?".  

Tumango ako at naupo sa bakanteng sofa sa may sulok. Matiyaga kong hinintay si Conrad na matapos sa pagtira. After 5 minutes lumapit siya sa kinaroroonan ko at inumpisahang ipaliwanag sa akin ang mga bagay na hindi ko naiintindihan sa assignment ko.  

"Okay na?" nakangiti niyang tanong.  

"Yeah, thanks C."  

"Anytime D." Ganti naman niya. Natawa na lang ako. Nang bigla akong may naalala. Isang linggo ko ng gustong itanong ito sa kahit na sino sa kanila kaya lang nakahiyaan kong gawin. "Bakit wala si Troy?"  

Nagkatinginan silang apat at nagkibit-balikat. Parang walang gustong sumagot. Tumingin ako kay Conrad na nasa tabi ko lang, tinaasan ko siya ng kilay.  

"May date." Tipid nitong sagot.  

Nabigla ako. Kailan pa nag-umpisang makipagdate si Troy? Kailan siya bumalik sa dating scene?  

"With who?" tanong ko ulit.  

"With Maddy. Madeleine Huelar from Nursing 3A." Si Gene na ang sumagot habang pinupuntirya ang anggulong binabalak na gamitin upang tirahin ang target na bolang gusto niyang ipasok sa isa sa anim na butas ng pool table.  

Sinikap kong hagilapin sa isipan ko ang hitsura ng nagmamay-ari ng pangalang binanggit ni Gene. She must be something kung nagkainteres si Troy na makipagdate dito. Troy doesn't just date. Hindi ito gaya ni Gene na linggo-linggo iba ang kasama.  

"Why is her name familiar? Hindi ko lang maalala ang mukha."  

"She's the reigning Miss Nursing for this year. Pamangkin ng Dean ng College of Education. Remember? Siya yung bet mo noong nanood tayo. Magkakasama tayong anim nang panoorin natin 'yun." Boses ni Jeff ang narinig ko ng sumagot.  

Kaya pala familiar. Now I remember the girl's face. Pixie like face, doll eyes, narrow lips, almost perfect nose, cheekbones to die for, etc. etc. etc. Deym. With brains thrown in the mix, the girl is an epitome of perfection.  

No wonder she managed to catch Troy's attention. Inignora ko ang pakiramdam ng panghihina. Hindi ako dapat magpaapekto, kakalimutan ko si Troy di ba? Ngayon pa lang sanayin ko na sarili ko sa mga ganito, baka sakali makatulong para mapabilis ang proseso. Tama. Ganun ang dapat gawin.  

"Oh well, good for him. It's about time. His last serious relationship was like six years ago?" I quipped.  

"Yun na nga eh, it doesn't seem like he's serious." Sabi ni Kuya.  

"Bakit?" kunot-noong tanong ko, "hindi siya seryoso?"  

"He's back in the game. At hindi ko alam kung bakit parang biglaan gusto niya makipagdate kung kani-kanino."  

"Hmmm..weird. Parang nung kakabreak lang nila ni Luchie ganito din ginawa niya ah." Naalala ni Conrad.  

"Oo nga. What happened? May idea kayo?" kahit ako hindi ko rin alam, hindi ko nga alam na nakikipagdate na naman pala siya.