مساء الخير
ابدي اعرفكم بيه
.
.
.
انا اسمي غزل أعيش بالبصره عمري ١٧ سنه صف سادس علمي طبعاا انا مواصفاتي بيضه بشكل مبالغ كلش بيضه
عيوني خضرهه على صفره مااعرف لونه يتغير لونه ويه البسه الي البسه خشمي صغير حلو وشفايفي منفوخه عندي غمازه وحده بخدي الأيسر شعري يوصل لحد وركي طويل انا طبعااا قزمهه كلش اكصر وحده بين صديقاتي حلمي اصير دكتوره وان شاء الله اطلع معد عالي
انا عائلتي تتكون من ماما وبابا وعندي ثلاث خوان انا المدللله اصغر وحده بيهم
(يزن) اخويه الجبير عمره ٢٨ مواصفاته طويل وضخم يشتغل بدل بابا بالشركه لان بابا كبر وميكدر بعد يروح طبعاا كلش يحبني وممدللني بس موكلش يتشاقه عود لان الجبير متزوج وزجته كلش حبابه اسمه (رونق)أخذه عن حب تصير بت عمي عمره ٢٤ماعدهم جهال لان مامفكرين بالموضوع حالياا
(أيمن)عمره ٢٥مواصفاته نفس اعيوني وطويل ويلعب حديد فعنده عضلات مخلص كليه اداره واقتصاد وحاليااا همين يشتغل بالشركه ويه يزن احب طبيعته كلش يحبني ونوعه من الي يشاقه وينكت كلش مرح
(أيهم)عمره ٢١يدرس صيدله كلش حلو احلااا من اخواني الباقين هو احلاهم وكلش مرح وشقاجي وبس ينكتت عليه
ونبدي القصه هسه :
كعدت من الساعه ٥:٠٠ صليت وقريت واجباتي صارت ب٦:٣٠بدلت ملابس المدرسه لان دوامي اليوم صباحي
كملت ونزلت جوااا لكيت ماما كاعد تسوي ريوك هيه ورونق.
غزل :صباح الخير يا احلى بنوتات
ماما ورونق:صباح العسل
كعدت على ميز الطعام وبدواا اخواني ينزلون كعدنه كلنه على ميز الطعام وبعدين اجه بابا وكعد كمت من الكرسي ورحتله
غزل : صباح العسل يااحلى اب بالدنيا وبستهه
بابا : صباح الخير غزالتي
ايهم : شوف هايه عود تتلوك البابا علمود يطيه فلوس تحلمين يطيج فلوس وبلا هل لواكه
غزل : بابا شوف هذا بس يقلد عليه ويغار مني لان انته تحبني وسويت روحي زعلانه
بابا : ولك ايهم بعد لا تزعل غزالتي هايه حبيبه ابوهه
غزل رحت كعدت على الكرسي وايمن حجه وبسمر ايهم
أيمن :يلداخل بين البصله وكشره ترى مايضركبس ريحتهه
ضليت اوزع ابتسامات لايمن واعيب لايهم وبعدين بدينه ناكل اكلت على السريع بعدين اندك الباب طلعت اركض فتحت الباب ولكيت صديقتي وروحي من الدنيا (سمر)
غزل: صباح الخير يالجكمه
سمر : صباح العسل قزمهه
وتباوسنه بعدين طلعنه ورحمه مشي للمدرسه لان انا احب امشي ومااحب السياره ماما وبابا يلحون عليه بس انا مااريد
فجنه نمشي بالشارع وناخذ غيبه ياهو يمر من عدنه فجنت امشي ومر من يمي ولد بس مبين مو يدرس اعداديه مبين طالب كليه
الولد يحجي ويه صديقه ويباوعلي : خاب شوف عيون لو سٌفن
فأنا بيه طبع كبل اجاوب كتله: سفن لو كولا وضليت اضحك وامشي ضل يخزرني بس ماهتميت اله وصلت للمدرسه وطبعاا تحاضير ودروس هواي لان طلاب سادس فتعب بتعب ورجعت للبيت واشوف سيارتين سود بالباب واكفات .......
___________________________________________
شنو رأيكم بالقصه أن شاء الله عجبتكم اذا صار تفاعل اكمل نشرهه ❤️❤️❤️
أنت تقرأ
حُب خادعَ
Romance"أشتاق لقلبك القديم وتصرفاتك القديمة، أشتاق لحبنا القديم، الآن أمسك نفسي حتى لا أحادثك، أحرق قلبي حتى لا أشتاق إليك، أغلق هاتفي ايامًا وشهورًا، أمسح صورك، لكن في لحظةٍ ما يصيبني الجنون ويشوي أطرافي الشوق، أبحث حينها عن أي طريقة توصلني إليك،أريد أن...
