___________________________________________
كعدت الصبح على صوت العصافير وهيه تزقزق رفعت ايدي وتثاوبت وكمت من الفراش واني كلي أمل على حياتي الجديده رفعت شعري سويته كبايه ولبست حجاب رحت توضيت بعدين اجيت الغرفه صليت ودعيت ربي ينسينيا
خلصت ورحت بدلت ملابسي ونزلت جوا كان الكل كاعد يتريك ماعدا وهج نايمه وعسل جانت تبجي
.. صباح الخير
الكل.. صباح النور
رحت اتقدمت وسحبت كرسي وكعدت عليه بديت اتريك بعدين خلصنه ريوك لملمنه وكعدنه نسولف اني ويقين وساره شويه ونزلت وهج اكلت نوتيلا وخلته بصمونه توست وساره تصيح عليه تكله مو زين من الصبح تسمنين وهيه تضحك
أجت عسل تزحف كعدت كدامي وفتحت أيديه يعني شيليني
شلته وضليت أبوس بيه
.. يمه يقين بتج على يوم تجلطني مو بنيه عسلللل عسللل
.. يمه على كيفج ويه بنتي رح تاكلينه
.. ولج هوا الي يشوف خدوده شلون مايتخبل عليه
ساره نطت
.. أي سبحان اللله طالعه على عمته تخبل والكل يتمناها
أحمد غص بالماي وضل يكح
.. هذا يامنعول صفحه يتمنى ساره
.. هسه انته شعليك ابو الوجهه المعفن
..خفي علينا انجلينا جولي
.. اكعد راحه براد بيت
ضلينه نضحك ونسولف وساره وأحمد بس مكافش واحد يصنف على الثاني
خلص اليوم عادي وماكو شي وفهد نفسه على مخبارته وطلعاته والرسائل الي صوته يزعجني سوي موبايلك صامت عليش هاي الشناتير
مرا اليوم الي بعده ماكو شي جديد يوم السبت اجه محمد أني مانزلت لان عيب أنزل شنو موقفي جنت بالغرفه واسمع صوت ضحكهم وشقاهم
عطشت كولش وجان البطل مال مي الي يمي مخلص نزلت جوا للمطبخ وجنت اشرب ماي بعدين رحت الثلاجه اكلت تفاحه عضيته ودرت وجهي
ردت اروح بس سمعت صوت يحمحم
.. بلا أمر عليج بس اطيني ماي من يمج
صبيت ماي بالكلاص تحت أنظاره الي تخترقني شبي هذا كبر هسه هوا جبير ليش يباوعلي اله اضوجه
اخذت الكلاص وتقدمت عليه
.. تفضل عمو
طلعت من المطبخ وسمعت صوت ضحكه تستاهل علمود بعد ماتسوي هيج
صعدت فوك لغرفتي وضليت اراسل رونق وسألته عن حالته وجانت ولادته قربت رح تدخل بشهرها مللل ماكو. شي اسوي ضليت اسوي ماسكات للبشره بعدين هم مليت رحت نمت
كعدت الصبح لكيت ساره واكفه تختار ملابس
.. هلا غزل صباح الخير يلا غسلي وجهج على السريع هم يالله نبدل
أنت تقرأ
حُب خادعَ
Romance"أشتاق لقلبك القديم وتصرفاتك القديمة، أشتاق لحبنا القديم، الآن أمسك نفسي حتى لا أحادثك، أحرق قلبي حتى لا أشتاق إليك، أغلق هاتفي ايامًا وشهورًا، أمسح صورك، لكن في لحظةٍ ما يصيبني الجنون ويشوي أطرافي الشوق، أبحث حينها عن أي طريقة توصلني إليك،أريد أن...
