«حُب خادعَ»
«بقلم مَلك»
حبيبتـــــــــــــــــــــــــــــــــــــــــــي
أحبك
ولآ أُرِيـد حـديثاً فقـط أُرِيـد عناقاً جنونيا يعيد إِنتظآمِ نـبض
قلبيِ ولَا أُرِيد سماعِ شيء منكِ سوى أَنفاس تعانق أنفـاسكِ
___________________________________________
رحت للديوان لكيت بابا كاعد هوا يزن وأيمن وسيف جان اكو مكان يم بابا رحت كعدت يمه ضليت افرك ابأيدي واني اسمع حجي سيف ياحجي بابا
سيف: عمي اني اريد الخميس يصير زواجنه وبذني الكم يوم غزل تجهز روحها وإذا مالحكت عادي أني ورا الزواج كلشي تريد اني جاهز
أبو يزن : هيه بعد صارت زوجتك وانته بكيفك بس خلي ناخذ رأيه ونشوفه شنو تكول
غزل: أءء بابا بس اني اريد اكمل المرحله الاولى وراها نتزوج هسه بعد وقت واني مامجهزه نفسي
سيف: تعاي ابيتي وكملي المرحله الاولى والكليه مامانعج اني
بس عمي اني ماكدر ابقيه ابيت عمه وهيه بنيه وعده ولد عم شباب
أبو يزن: اي عمي حقك اني هم ماردته تروح بس هيه عنادت وماكدرت أرفضله طلب
سيف: هاي هيه عمي الخميس اباذن الله زواجنه وان شاء الله أكون عد حسن ظنكم و دجاداريه مثل بنيتي
أبو يزن: تسلم متقصر بس تدري هاي مدللتي وصغيرتي الوحيده اريدك تفهمه ولو هيه عقله طكه ونص بس حاول تفهمه ولاتتسرع
يمه ردت الماع تنشك وتبلعني بابا لسانه مفضوح فضحني
سيف: عمي أحطه بعيني وان شاء كلشي اوفرله اذا كنت بحيلي
غزل: بابا بس ماكدر فدوه خلوها على أقل بعد أسبوعين
أبو يزن:بنيتي اذا نضل نماطل كلشي منستفاد
سكتت وصارت عبره بداخلي وعيوني دمعت وين صغيره هاي وحده ماتقرر شتسوي بزواجه لعد اذا بزواجه مو بكيفه وماله الحق تقرر لعد بزواجمن
طلعت من الديوان شفته كله فرحانه والزواج بعد كم يوم كله على وجه الفرح ماعدا منى الي كانت عيونه تريد تطلع وجهه مايكصه السيف ومن امشي تباوعلي وتكصني كص حته من نظراته وكعت وعثرت كبررر مو عيون ليزر
كعدت بالصاله يم خاله أم سيف وكله كاعده وتسولف باجر يرحون البغداد ويحضرون للعرس وساره متحمسه أكثر مني عبالك عرسه وكعدت تطلع فساتين وتختار ودكول هذا عرس حمايه وتضحك والثوره تحجيه كدام الكل الحنه بقاعه والعرس همه بقاعه
فتحت تلفوني وجانت ساره يمي تباوع بالتلفون دخلت على الواتس شفت رساله من فهد فتحته
((...گم أحسد تِلگَ الأشيآءِ التِي تَملگ حقَّ رُؤيتگ وَالإقترآبَ منگ بينَمآ أنآ هنآ لا أملك سِوَى" حقِّ الإشتِيآق إليگ ..)))
أنت تقرأ
حُب خادعَ
Storie d'amore"أشتاق لقلبك القديم وتصرفاتك القديمة، أشتاق لحبنا القديم، الآن أمسك نفسي حتى لا أحادثك، أحرق قلبي حتى لا أشتاق إليك، أغلق هاتفي ايامًا وشهورًا، أمسح صورك، لكن في لحظةٍ ما يصيبني الجنون ويشوي أطرافي الشوق، أبحث حينها عن أي طريقة توصلني إليك،أريد أن...
