حُب خادعَ

البارت ٢٢

«حُب خادعَ»
«بقلم مَلك»

يـ بس انتَ
الـ تعرف عيونه شتحچي
وگبل ما نحچي ،
تدري شبينه ما بينه 💜
___________________________________________

چنه نمشي وساره لكزتني بخاصرتي بأيده وتأشر بعيونه رفعت راسي شفت سيف الي صارلي اسابيع احاول اشوفه واحجي ويا الي جنت أتأمل منه ولو نص رساله

جان يمشي بهيبه والنجمات التلاثه على جتافه والبيره يمه من رحتلهم فدوه يمه طالع فاندام بزمانه فديت حبيب خطيبته أروح قربان للبدله والنظارات الي لابسهم يمه عذاااب ونار على الأرض 

جنت أحجي وساره والبنات ماتن من الضحك

باوعتلهم بأستفهام
.. شنو عليش تضحكن اكو شي يضحك

ندى : خرب بحضج تحجين وماتدرين بروحج

تحرك بحواحبه وتحجي
ساره: حبيب خطيبتك تيرااا رااا

سهى: اروح قربان لفهاوتج

غطيت وجهي بأيدي وصاره وجهي احمر وضليت اضحك

... يععع معقوله سمعتم افكاري يمه ياكاع نشكي وبلعيني

ضلوا البنات يضحكون عليه تقدم علينه وسلم على ساره والبنات ويضحك وياهن وهذا كله أني منزله راسي ماكلف نفسه يسلم عليه لا وبعد يضحك وتهز جتافه من الضحك صار الوضع متأزم بعد شويه ويطلب ايد وحده يمه غير اكتله بمكانه

رفعت راسي وشفته يباوعلي ويحجي

.. هلاوو سيف شلونك

تنهد وحجه
.. وأخيراا سمعنه صوتج ست غزل أني بخُير انتي شلونج.

جاوبته بأكثر كلمه يكرها
.. تَمام

.. غزل تعاي شويه اريد احجي وياج

حجاها وراح يمشي قبلي ردت اروح والبنات ضلن يحششن

سهى: هلا عيني بيه شويه سيوفي اخمطلك بوسه يم الشجره

ندى: احنه طاكنه جفاف وانتو تترومسون براسنه

ساره: ههههه غزيله روحي والهوى بضهرج

ضليت اضحك على كلامهم بس ماجاوبتهم مو ارجع اشبعهن كرص خصوصا سهى لان سمعه سيف

رحت هرولت خفيف لان ماشاء الله مشيه طياره صرت بصفه وأخذ شهيق وزفير

... شو بسرعه تعبتي ترا مامشيت هواي

.. مو انته ماتدري بروحك من تمشي جنك بيب بيب

.. هسه شنو مطلوب مني اضحك

حجيت بصوت ناصي
.. اووي شكد غثيث

.. على فكره سمعتج

عزا ردت ادخل بهدومي من الفشله ماجاوبته وغيرت الموضوع

.. اي سيف شعجب تذكرتني صارلك سبوعين مدري وين فص ملح وذاب

.. تسألني وين جنت هههه كدام عينه المهم ماعلينه اجيت  جبت الهديه مالتج مال نجاح لان تستاهلين