حُب خادعَ

البارت٢٧

«حُب خَادع»
«بقلم مَلك»

  لُوٕ تْعٌلُمْيُنْ ڪمْ.احبُڪ وُڪمْ. اغٍار عٌلُيُڪ اغٍار عٌلُيُڪ مْنْ

احلُامْيُ مْنْ لُﮩفُتْيُ وُاشُتْيُاقٌيُ وُمْنْ ځفُقٌاتْ

قٌلُبُيُ ......اغٍار عٌلُيُڪ مْنْ لُحظًة صًمْتْ قٌڊ تْبُعٌڊڪ

بُافُڪارڪ عٌنْيُ ⁦❤️⁩
tena00p

عيني بطريقكم غلسوا على السحك ماأوصيكم

___________________________________________

بعدني محطيت راسي على المخده أجتني رساله ومكالمه من سيف

قريت وترردتت أجاوبه لو لاء تعبانه مو مال أجاوب ويمكن اجفص من كد التعب دك عليه فتحت
الخط

فتحت الخط وسكتت كولشي محجيت وهوا هم محجه بس اسمع صوت نفس يمه وكأنه يشرب جكاير

بقينه ثلث ساعه محد يحجي بس صوت أنفاسنه تنسمع كسرت الصمت الي صار بينه

.. كافي مشبعت جكاير مو زين عليك

جر تنهيده طويله وكال
.. شنو أهمج أني وهيج تخافين عليه

.. لعد شلون متهمني أنته خطيبي وزوجي مستقبلاا

..هاي منج من الشيطان شعجب أعترفتي

.. هاي شبيك سيف أني شمسويتلك ترا أنته وحدك تزعل ويعني وذا أذا كلت كلمه ترا كل شخص وأله ماضي ومستحيل يكدر يمحي يعني انته ماتقبله عليه بس من انته تحجي على خطيبتك السابقه وكدامي لا عادي حلال عليك وحرام عليه

.. خلصتي ؟ أولا أني رجال وعادي أحجي بهيج شي سواء كدامج أو ويه غيرج بس انتي مايصير تحجين كدام رجلج على رجال ثاني كنتي ويا بعلاقه

.. أذا أحنه من هسه وهذا يزعل وذاك يزعل أعتقد مارح نتوالم والاحسن كل واحد يروح بطريقه

.. لاوالله بالله عيدي شكلتي حبيبتي هاي السالفه أنسيه أني وياج مايفرقنه بس الموت سالفه نفترك وهاي الخرابيط أبد لاتجيبيه كدامي لا أحركج حرك

.. لا والله شنو تايهتلك وبعدين بكيفي أني

.. أكلج هاي السالفه طلعيه من راسج وباجر بعد أنتي تجين ومناك نعقد محكمه الطنكوره شيليه هيه مره وحده بالعمر وفرحي مو باجر تجيني عافسه وجهج وباجر اعاقبج على هذا حجيج علمود بعد توزنين حجيج قبل لتحجين

.. يعني شنو باجر نجي شو مأدري

.. لا وثول ستوه تدري كومي حضري جنطج وكملي كل غراضج علمود يجيبوهن للمشتمل وبعدين تجين ترتبيهن

.. شنو نكعد بمشتمل يعني مو ويه أهلك

.. لا بنيت مشتمل فوك بيت أهلي صارلي هواي من ردت أخطبج وبنيته وضل متروك وهسه فتحته بس بي باب على أهلي ينزل من الدرج