حُب خادعَ

البارت ٣١

«حُب خادعَ»
«بقلم مَلك»
«غلسوا لان بدون مراجعه »

‏گودي روحي
و روحي لأيامي الاخيره
مختنگ گربي اديّه لصوب شَعرچ
من اصابع ايدي اتنفس وحقچ
-لو تلامست الظفيره ،

___________________________________________

دخلنه للقاعه على أغنيه للعرسان كولش حلوه جنت أباوع بالوجوه بيه الفرحانه وبيه الحاقده ومع ذلك مهتميت هذا أحلى يوم عد كل بنيه مستحيل أخربه وأسمح يخربونه كعدنه على الكوشه وبدت أجواء العرس والولد وأصدقاء سيف سسواا واهس بالقاعه وسيف مندمج وياهم ومن يركص جوبي يبووو ردت أضمه من عيون البنات ومن صاير أبدايه الرأس مال جوبي يخبش

بعدين كومونا اني وسيف نرقص رقصنه على أغنيه ( على بالي حبيبي) لأليسا ويه الاجواء مال حفله والأضواء الخافته بعدين اجت الكيكه وقطعناه بعدين بدوا يباركونه بالهدايا والتبريكات والقاعه انترست هدايا
ومن ضمنهم منى الحقيره اجت تتمختر بمشيته چنه مطي يمه تمنيت تزلك وتوكع بالكاع لا وكدام الكل تبوس سيف من خده وهذا سيف يضحكله

منى: الف مبروك سيوفي أن شاء الزواجه الثانيه الك عندي زوجه اله بشده بس كلي

غزل: ليش هوا شنو شاف مني ومن هسه تدوريله الثانيه

منى: معليج داأحجي ويه أبن خالتي حبي

غزل : ليش هوا ابن خالتج منو غير زوجي

سكتت ومجاوبتني أنطت هديه السيف واني ولاعبرتني راحت واني اتشعوط من الغيره خلصت مراسيم العرس بأعجوبه وبده العد التنازلي واني نبضاتي تتسارع بدت الزفه وجانت كلش حلوه ومنظمه مو نفس مال بعض الاعراس هوسه سيف طول الطريق يبتسملي واني أضحك بالمجامله دخلنه للشقه وسيف بقه ويه صدقائه برا دخلت وياي ماما وساره نزعت البدله وفتحت شعري من التسريحه وحتى المكياج مسحته أنطتني ماما السيت الي محضرينه الي أبيض جان تصميمه ستن ومن فوك مشبك لبسته يربي هذا مفضوح لبست فوكا الروب شويه انسترت طلعت من الحمام وماما تبوس بيه وتهديني وساره تحشش عليه تكلي هسه يجيج البعبع طلعن وشويه وسمعت أصوات هوسات قريبه على الغرفه وضحك شباب شويه ودخل سيف أبتسم بوجهي واجه
يمي

.. هلا بالكمر منور البيت

أبتسمت وماجاوبته نزع سترته والكرافه ونزع قميصه واني عيوني بالكاع أكتشف مخلوقات جديده وصافنه فززني من صفنتي صوته

.. حبيبتي غزوله رايح أسبح دقائق ماتأخر

.. براحتك

راح للحمام واني ركضت للتلفون حاجيت ساره

.. ساره رح اذب روحي من الشباك وصيتي كلشي ولا
تزوجون سيف لمنى

.. ثوله أكو وحده هيج تكول لج اني لو منج اليوم الابتسامه شاكه حلكي واني أبادر مو زوجي