هلاوو حبايبي أعتذر لان أتاخرت بس جنت كلش مشغوله وماعندي فراغ أكتب
.
.
.- راسـي حطيـتهۿ ؏ـلئ صدرة ،
وتيـهـت ڪـاع اللـہ ويـن 🤷🏻♀️♥️.
.__________________________________________
.
.
ردنه ندخل للبيت وجان كولش ازدحام وهوسه كوه دخلنه أيمن بعدين دخلت بغرفه ماما جنت كلش دايخه وراسي مسطور دخلت علمود ارتب روحي وساره هم وياي واجت هم وهج
وهج : لج شنو هاي طالعه صاكه لو ادري جايه وياجن للمركز معدله جهرتي
ساره: حبيبتي هاي بس للعروس واخت العريس مايستقبلون غير ناس
وهج: خاب دكومي هوا مركز الخلفوج وبكيفه اتحدد منو يروح
غزل: اكلجن فدوه سكتن راسي داياذيني فدوه وهج تكدرين تجيبيلي حبوب مال رأس
وهج: اوك هسه اجيبلج حبيبتي بس شويه ارتاحي
ضلت ساره تعدلي المكياج واجت وهج وياها ماما
ماما: حبيبتي غزوله بيج شي يحياتي
غزل: لا ماما بس شويه راسي داياذيني وكلت الوهج تجيب حبوب راس
ماما: موزينه عليج الحبوب ميصير تاخذيه ويمكن راسج اياذيج من التعب هسه شويه ويروح يعمري اانتي
بعدين طلعت كعدت على الكوشه واجتني سمر حضنتني وبوسته جنت شكد مشتاقتله
سمر: صارلي شكد مشايفتج والله اشتاقيتلج ولج شطالعه الزواج مغيرج
غزل: اكلج اني ماريد اتزوج والله تعبت ماريد احس كاعد اجذب على روحي واصطنع الفرح
اجت ساره وكعدت بيناتنه :
ساره: اكول كاعد اشتك ريحه خيانه بالموضوع من شاف أحبابه نسه أصحابه
غزل: هاي سمسم الروح والريه
ساره : يلا ماعلينه منجن ضلن تمعشكن خلي اروايج الوجوه الحقوده والي تتمنه شوفي ذيج ام الفستان الوردي القصير ذيج بت خالتي اسمه وسن جانت بس تتمنه كلمه من فهد وكلش تحبه يعني هسه هيه اتكرهج بيني كدامه انو انتي فرحانه
باوعت طلعت بنيه لابسه فستان وردي قصير شعرعه مو كلش طويل وملامحه حلوه بس تباوعلي بحقد هسه انا ميته علي خلي تأخذه اله ولحلاله بعدين اخذت صوره ويه عمه ام فهد وماما وخالتي وعماتي واني وسمر
بعدين كالوا اجه الشيخ كالوا يلا جهزي روحج رحت لبست احرام صلاة فوك ملابسي واجتني عمه ام فهد اطتني جوكليته وكلتلي حطيه جوا لسانج بس مو تاكليه بده الشيخ يسأل بالبدايه سال فهد وكله موافق وضلن النسوان يهلهلن ودايسألني اني سكتت ماجاوبت رجع كرره مرتين وهم ماجاوبت بعدين ماما كرصتني بزندي سمعته وكتله نعم وانته وكيلي ونسوان ضلن يهلهلن
رجعت دخلت جواا والنسوان نص يرقص بعدين كالوا رح يدخل العريس نص من البنات لبست حجاباتهن واكو ملبسن شفته دخل شعره مرفوع ليفوك ولحيته معدله ويباوعلي والقاط لابسه كحلي
اجه وباسني من راسي وخدي وبعدين كلي مبروك عليج انا انا سكتت وماجاوبته كعد يمي وجان اكو تناقض من كاعد يمي هو طويل وضخم من كاعد واني صايره ناعمه كولش وعماتي يقرن كولات وخالاته هم يقرن كولات بعدين لبسني الحلقه واني لبسته الحلقه ولبسني سورات ولبسني القلاده ومن يلبسنياها حراره أنفاسه تكفخ بوجهي بعدين اطوه التراجي لبسني ياهن اني كلت هسه مايعرف مين يعني يعرف لان مره رحت
لخطوبه صديقتي خطيبه مايعرف يلبسهيا طلع يعرف يلبسنياهن بعدين كالوا خلي يكعدون وحدوهم بالغرفه بعد مااخذنه كومه تصوير رحنه كعدنه بالغرفه مال ماما
بعدنه ماكعدنه شبكني قوي بحيث اضلاعي تكسرواا
بعدت نفسي من عنده
فهد: واخيراا صرتي الي تتدرين شكد جنت احلم بهذا اليوم
غزل: بس هاي يسمونه انانيه اني مااريدك كله جبرتني عليه
فهد: عوفينه من شيسمونهه من اجيتي اكو احد شافج ردت انا اجيبج بس جنت مشغول
انا جنت العب بالحللقه واجاوبه
غزل: لا محد شافني
فهد: حبيبتي مااريد يجي يوم واشوف الحلقه متنوعه من ايدج اتصرف وياج تصرف ثاني
ماجاوبته بعدين طلع من الغرفه وصارت الساعه ب٧ فبدوا يصبون العشه اني صعدت فوك ابدل ملابسي نزعت البدله ودخلت للحمام سبحت جنت كلش اريد ابجي بس كان ماابجي مايستاهل دمعه تنزل مني بسببه لبست مثل الدشداشه الخليجيه تصير كولش حلوه وبيه تطريز وحزام من الخصر وشعري نشفته وبعدين سحبته بالجهاز وحطيت كحله وحمره ونزلت
خالاته رايحات وباقييات بس عماتي الي هنه ٣ عمات جانوا كاعدين بالصاله نص على القنفات ونص بالكاع وعمامي كولهم وبابا همه بالديوان هما ولد عماتي بس ولد عمامي يدخلون بالصاله جان كاعد بالصاله أيمن ومرتضى وأحمد وايهم وفهد جان كاعد ولابس دشداشه نيلي رحت كعدت يم أيمن حط ايدي على جتفي وجرني لحضنه
أيمن : المدلله مالتي بعد مخطوبه وبعد كم شهر تتزوج
غزل: أيمن لاتكول هيج والله مأريد
أيمن : غزل شوفي كدامج خطيبج المحترم شلون يهز رجلي متوتر لان شبكتج
شفت فهد يهز رجليه وعيونه علينه من باوعتله رفعلي تك حاجب يعني عود كومي
أيمن: اكول يانسيبي ترا هاي اختي وتبقى مددللتي وبنيتي دير بالك عليه
فهد: ماكو داعي توصيني ترا اني اخاف عليه اكثر من روحي بس كافي حضن ترا اني اغار حتى من وحده من البنات تشبكه مو انته بعد
أحمد: اي بده الحماس بالموضوع كلش احب الغيره
أيهم: اي والله طلع الاخ عنده طاقات مضمومه
انا كبل بست أيمن بخده وأيمن هم باسني بخدي احب علاقتنه سوا مو أخوان اصدقاء
فهد: اكول اخوان مو جنكم رحتوا زايد تعاي غزل يمي
باوعت بعيون أيمن ياشرلي عود روحي رحت كعدت يم فهد كبل لزم ايدي حيل
فهد: هاي شنو. ست غزل طلعتي تعرفين تبوسين الولد بس انا تستحين مني
غزل: ترا والله هذا اخويه وعادي ابوسه.
..
.
.
.
.
.
.
.
.
يتبع
___________________________________________
أحبكم كومههه🎀💓💓
أنت تقرأ
حُب خادعَ
Romance"أشتاق لقلبك القديم وتصرفاتك القديمة، أشتاق لحبنا القديم، الآن أمسك نفسي حتى لا أحادثك، أحرق قلبي حتى لا أشتاق إليك، أغلق هاتفي ايامًا وشهورًا، أمسح صورك، لكن في لحظةٍ ما يصيبني الجنون ويشوي أطرافي الشوق، أبحث حينها عن أي طريقة توصلني إليك،أريد أن...
