حُب خادعَ

البارت٢

السلام عليكم 😍

..........................

جنت راجعه من المدرسه ومااشوف اله سيارتين سود واكفات بالباب وبساعته عرفت بيت عمي جاينه دخلت للبيت وطبعااا وجهي احمر حار من الشمس لان حاره تموت وصعدت راسأًاً لغرفتي سبحت وبدلت ونزلت
ولكيتهم كلهم كاعدين بالديوانيه.
غزل:السلام عليكم شلونك
عمو(أبو فهد): وعليكم السلام هله بنيتي
رحت بسته وبسته زوجته
وسلمت على بنات ولد عمي وبعدين وصلت الفهد
ردت مااسلم بس بعدين كلت عيب رحت يمه كالي
فهد: هاي شنو ماخلصتي سلام يلا كافي كعدي
غزل: واحد بالبدايه يسلم مو؟
فهد : يلا شلونج غزل
غزل:زينه الحمد لله وأنت
فهد: زين بشوفتج.
رحت  كعدت خلي اعرفكم على بيت عمو (ابو فهد) طبعا
همه عايشين ابغداد ابنهم الجبير الي هوه "فهد عمره(٢٩)عنده شركه نفس شركه الي يشتغلون بيه اخواني بس فرع بغداد لان الشركه جدو سلم كل ابن من أبناءه فرع بعدين يجي ورا "حيدر عم(٢٨)الي عنده معرض مال سيارات وطبعاا متزوج وزوجته حبابه وهادئه كلش اسمه "يقين وعدهم بنيه صغيره دنفوشه تجنن اسمه "عسل بعدين يجي وراه "احمد هذا طالب كليه وشقاوجي وماخذ الدنيا بعرض الحايط عمره  (٢١)يدرس قانون بعدين تجي ورا "ساره الي هيه بكدي بالسادس علمي وبعدين اخر عنقود المدلله "مريم عمره ١٤ سنه .

رحت للمطبخ اساعد ماما واجهز وياها هيه ورونق بعدين ماما كلتلي روحي ودي الأكل فرحت اودي عود ردت ادنك احطه فجاءاا اجه فهد اخذه من عندي 
فهد: بعد لادنكين ولا تجيبين الاكل واول ماتجيبينه تطينياه فاهمه لو اعيد
غزل: اكلك وانته شعليك كلشي تتدخل بيه
كبل اطاني خزره خلاني اسكت ومااحجي انخلست منه
كملنه توزيع الاكل وكعدنه ناكل ف عمو كال
أبو فهد:  أكلك ابو يزن شوكت نخطب غزل لأبني بعد كبر واحنه رايديه وشاريهه ومن هيه زغيره أحنه كايلين غزل لفهد هاي حجايه ابوي.
انا كبل شركت بالاكل
أبو يزن : على عيني وعلى راسي ونعم منكم بس تدري  هيه السنه سادس وبكلوريا وماتتحمل زواج اتخلص سادس والله كريم .
أبو فهد : واحنه ماكايلين نمنعه من الدراسه بس كدام الناس هما مخطوبين لان هيه كبرت بعد والعين عليه.
أبو يزن : أن شاء الجمعه نعقدلهم وخطوبه اتفقنه
فأنا كبل ماتحملت يقررون مستقبلي وبكيفهم يحجون 
غزل: شنو بابا اني هلكد ثكيله على قلبك وتريد تزوجني وتتخلص مني ترا اني ماقبل على هذا الزواج لان مامستعده اربط روحي ويه شخص مااطيقه
فهد : بالله ليش ماطيقيني شمسويلج كاتل ابوج .
 غزل: ترا هوا الزواج قسمه ونصيب واني مااريدك شوفلك بنيه وتزوجها شنو انته لطشتلي ماكو بنات.
فهد: انتي من هاي اللحظه صرتي نهوتي نهوه فهد علمود انشوف شلون بعد ماطيقني .
غزل : ضليت ابجي وكمت عفتهم ورحت لغرفتي وكعدت اندب بحضي  لا والاكثر من هذا اخواني وبابا الي قابلين على هذا الزواج لان يكولون نأمنج عند بيت عمج ومانزوجج زواج من غريب ومن التعب والبجي نمت ومادري بعد شصار مصار جواا نمت تقريبااا ٦  ساعات ومادري بروحي كعدت على دكه باب قويه ومااكدر اكوم افتح الباب احس روحي امصخنه مااعرف ايش كمت بالكوه فتحت الباب بس احس روحي مو طبيعيه جايتني الدوخه لكيت  أيهم وفهد بالباب  
أيهم : حبيبتي غزوله شبيج شو جنج مو على بعضج
فهد : غزل بيج شي
وبعده ماحسيت ابشي بعد دخت وكعت على أيهم كعدت ولكيت روحي بالمستشفى وبيدي مشكليلي مغذي لكيت ايهم وفهد ويزن هم جاي
فهد : ها غزالتي ايذيج شي
باوعت لعيونه شفت بيهن مثل الخوف وطنشت كلامه وماحاجيته لان ابسبه اني صار هيج بيه اجه الدكتور عندي صخونه ونقص فيتامينات وفقر دم ولازم اتغذى  جيد من ردنه نطلع ايهم شالني وصعدني بالسياره مال فهد وكعدت يم الجامع وفهد عدل المرايه وضل ايباوعلي وكل ساعه يتفحصني وانا برغم هذا كل ولامهتمه اله
وبعدين من رجعنه صعدتلي ساره اكل هيه ورونق
ساره: حبيبتي ليش هيج اكلي وتغذي
رونق: تدرين وكعتي كلوبنه عليج متنه خوف
ساره: لو تدرين فهد شلون خاف عليج نزل شايلج وخايف راد يطلع بيج بلا حجاب من خوفه بعدين تذكر انتي مالابسه شي وضل يصيح يريد عبايه وجابوله وطلع هو ايهم
غزل:اصلااا هوا ابسبه صار هيج ابو المشاكل اني ماطيقه مااحبه جانت حياتي حلوه هسه خربلياها .
وبعدين نمت وكعدت الصبح حيل شنو هاي النومه شكد نمت انا  كعدت ولكيت ساره ومريم نايمات يمي فارشات ونايمات درت ادخل الحمام لكيت بي احد ضليت اغسل وجهي بعدين طلع فهد من الحمام ولابس بس بجامه وماكو تشيريت وحاط  خاولي على صدره فأنا كبل نزلت عيني واستحيت ردت ادخل للحمام قبل جر ايدي ودخلني للغرفه وحصرني على الحايط
فهد: شبينه ست غزل ماعاجبيج
غزل: ترا انته كلش تتدخل ابحياتي وأنه أكره هذا الشي وانا ماطيقك كلش انته كلش مزعج
فهد : اهاا انا المزعج مو وضل  يأخذ بخصل شعري ويشمهه انا كبل دفعته وطلعت من الغرفه ورحت للحمام وبعدين خلصت ورحت الغرفتي بدلت ملابسي لبست تراك كلش حلو عليه يصير مخصر وكعدت ساره ومريم علمود ينزلن يتريكن نزلت من الدرج ورحت للمطبخ
ام غزل : صباح الخير حبيبتي غزوله خوفتينه امس عليج.
غزل : صباح النور ماما لاتخافين عليه مابيه شي الحمد لله صرت أحسن
بعدين كعدنه كول أحنه نتريك  وهمزين فهد ماموجود راح طالع معزوم ريوك والغده يم صديقه فأخذت راحتي كلش بالاكل ومحد يكدر يحاجيني خلصنه ريوك ولمينه الاكل وهمزين جان بوكته دوامي عصري لان اريد اداوم ومااريد اشوف وجه فهد اريد اخلص منه صعدت فوك اسولف ويه ساره
غزل: اي شلونج ويه السادس شلونج بالدروس
ساره : الدروس كلش صعبه بس الحمد لله داخله دورات وتساعدني كلش وانتي شلونج
غزل:  اي الحمد لله حتى انا زينه لان الدورات تساعد واكدر اسال عن هواي اسئله المدرس
ساره : شنو تردين اطلعين كليه
غزل: انا اريد اطلع كليه طب  وان شاء الله اطلع
ساره: حتى انا نفسج وانصير انا وياج نفس الكليه لان انتي بعد رح تزوجين وتجين يمنه لبغداد
من حجت هجي ضجت وماجاوبته ورحت بدلت ولبست تلبيستي وحجابي وانا طبيعتي من البس حجابي متعوده اطلع شعري فعدلت روحي ولكيت ساره  ومريم كاعدات يحجن سوا
ساره : الله شنو هل جمال هذا كله الاخويه هاي انتي ترحين للمدرسه وهيج حلوه
مريم ضلت تباوعلي وكالت : عادي انا اتزوجج بدل اخوي
غزل: شوف المستهتره شلون تحجي يلا باي اريد اروح المدرسه ومن ارجع احاجيجن
رحت نزلت وماما ماقبلت اداوم هيه وبابا صادف بيومه اربعاء بس انا لحيت اله اروح ومرت عليه سمر ورحنه نمشي وماعندي اي واهس اضحك نفس قبل سمر سالتني شنو بيه وسولفتله كلشي وبعدين طلعونه من وكت لان ماكو بنات هواي واحنه السادس يردون ايسرحونه فطلعت من المدرسه وجنت لازمه الكتاب واعدل بي ورفعت عيني وشفت فهد واكف ومنتجي وبيده جكاره وكاعد يورثه فكبل سمر لكزتني سمر: شوف هذا الحلو الواكف على السياره فديتك
غزل : خايبه نجبي هو هذا ابو المشاكل ولاحكني حتى على المدرسه ياربي خلصني منه
فرحت للسياره وسمر راحت ابحده لبيتهم 
فهد : ليش جايه  للمدرسه انتي مو مريضه وتعبانه انا ماجاوبته ورحت كعدت بالسياره وهوه هم كعد
غزل: اكلك انته شعليك بيه ترا انته لاابويه ولااخويه فهمت
فهد طكه بضحكه مستفزه تمنيت اموته
فهد : ترا لاتنسين انتي بعد صرتي مثل خطيبتي وبراحتي احاجيج ومده شهرين او تلث اشهر اتصيرين زوجتي فاهمه لو اعيد
غزل : لا فدوه عيد مافهمت 😂
فهد: اكلج انا ماجاي اتشاقه وياج
درت وجهي للجامه اباوع بعدين شفت هذا مو طريق البيت غزل : اكلك انته وين ماخذني رجعني للبيت ........

___________________________________________
شلونه القصه  واتمنى تعجبكم اعطوني تصويت عليه 
😍😍😍