<حُب خادعَ>
<بقلم مَلك >
حٍبَاً سرٍمدِيا قٌدِ تغلُِغلُِ فُي دِمي
لُِأسمرٍ ملُِيحٍ الُِوُجٍهـ وُذَوُ مبَسم فُاتن
___________________________________________
أنفتح الباب والمفاجئه !!
جانت ساره داخله وفاتحه حلكه أني شفته رأسا بعدت عن سيف وعدلت حجابي وسيف ضل يعدل بالياخه مال دشداشه بس وين ساره يروح عليه هيج موضوع مفرقت الجماعات
ساره: هلاو هلاو بعد كملوا ليش وكفتوا شو سينما وبلاش
اني ادور عليج غزل وانتي هنا تتختلين
سيف: هسه من اجلدج بالحزام أحد يكلي ليش ولج بعدنه ماأخذنه الاشاره الخضرا هجمتي علينه
ساره : ماعليه اني وبعدين ليكون ناويه تنزل هيج دمسح الحمرا من ركبتك عيني مبينه
سيف: نعلعلا على شرفج ساره اني أعلمج أني أعرف منو صكارج
رح سيف اخذ اكلنس مرطب وضل يمسح ويسب ويلعن يساره واني شردت ونزلت جوا لا أحصلي تحقيق من ساره وماخلص منه
كعدت يم ماما وصارت لمه نسوان وهاي التحجي وهاي التكول عندي هيج باختصار كذب وغيبه وتطييير فياله كعدات النساء وكلساعه وحده كايلتلي من بنات خاله سيف شتستخدمين لوجهج واني اجاوب وكلساعه سؤال حسيت نفسي بمؤتمر صحفي
صار المغرب جلبوا بينه علمود نبقى عدهم نتعشه بس بابا ماقبل لان تعبان رحنه لبيت عمو أبو فهد وأستقبلونه أحلا أستقبال
صعدت فوك بدلت ولبست من ملابسي الي بقن وعطرت نفسي ونزلت جانوا كاعدين كلهم على الاخبار ويكرزون كرزات ويسولفون كعدت بصف ساره وأخذت منه حب وضليت اكرز ساره تاكل شاميه تحط خمسه خمسه بحلكه جانوا أيهم وأحمد كاعدين ويسولفون يمنه فأحمد شاف ساره وأستلمه
أحمد: هاا ساره سالمين شبيج تأكلين جنج مطي تمطكين أكلي وحده وحده
ساره والأكل بحلكه وتحاجيه
.. بابا معليك بيه عسى ماتشبهني بالقرد ماجاوبك لان مأنزل نفسي لمستواك
أحمد: حجت الفيلسوفه بعد شيسكته
غزل: اي والله ساره صايره أبد ماتنحمل مزعجه تتدخل بكولشي
ساره باوعتلي وغمزت
.. عيني أني ماريد احجي بس الساكت عن الحق شيطان اخرس أحجي لو لاء
أفتهمت قصده طفرت وجاوبته
... ولج ساره كرمينه بسكوتج لا ادخل ال٤٥ بحلكج
.. أوووووي عيني خوفتيني
چنه كاعدين واحد يحشش على الثاني ودخل فهد أني عدلت كعدتي لان جنت كاعده بوضع وحده عفطيه وهاي العاده أبد ماأبطله سلم على ماما وبابا بعدين كعد على القنفه المقابيلنه ونضراته الي أبد مأرتاحلهن وأحس وراهن شي أحس نفسي توترت وصخنت
أنت تقرأ
حُب خادعَ
Romansa"أشتاق لقلبك القديم وتصرفاتك القديمة، أشتاق لحبنا القديم، الآن أمسك نفسي حتى لا أحادثك، أحرق قلبي حتى لا أشتاق إليك، أغلق هاتفي ايامًا وشهورًا، أمسح صورك، لكن في لحظةٍ ما يصيبني الجنون ويشوي أطرافي الشوق، أبحث حينها عن أي طريقة توصلني إليك،أريد أن...
