مرحبا ♥️
قصتي حتكون مميزة شوية بسبب شخصية البطله الي كلش حبيتها
والبطل كان من الاشخاص الي يستفزوني شوية ودائما هيج شخصيات تجذبني هم لان بيها غموض ف ان شاءلله تنال اعجابكم 😍😍
شخصيات الابطال
خيال : بنت صاحبة جمال مميز عيون بني كباار وبشرة حنطية طولها متوسط شعرها بني غامق وكلش طويل وفم شبه ممتلىء وناعمة ورشيقة شخصيتها قوية وعنيدة بنفس الوقت گلبها كلش طيب وعاطفية صادقة بطبعها واخلاقها ومبادئها رقم واحد بحياتها .. عدها اخ جبير قيس متزوج واخت جبيرة سرى هم متزوجة واخ اصغر منها بسنة كرار .
محمد : شاب يدرس صيدلة بالخارج تركيا تحديداً مرحلة رابعة وراح للخامسة اشقر عيونة زرق ومرات خضر عن لسان بطلتنا (حسب لون القميص😒😂) حتى الايموجي من يمها 😂
طويل بجسم رشيق ومرتب وانيق جدا شعرة مموج ولونة اشقر على بني او قهوائي شخصيتة مزاجي ومتقلب وذكي وازدواجي .. مرح كلش ويحب الضحك والشقة وكعدات الاصدقاء ويكره العزلة عندة اخت جبيرة شمس واخ اصغر منة حيدر واخت اصغر نور.
خيال : ماما والله راح اموت من التوتر هسة غير تطلع النتيجة واخلص
ام قيس :لج يوم اكعدي شوية مو خبلتيني من الصبح لهسة حتى اكل ما اكلتي
كرار : ديري مو طلعت رواحتنا من هاي القناة طلعيها عالنت وخلصينا
خيال :انت اسكت حباب ابد مو وكتك اليوم مالي خلكك
ام قيس : اذا تعاركتو اتصل بقيس هسة والله
خيال : لا ماما ما اخلي عقلي ويا الجهال
كرار : لج منو الجهال هي كلها سنة بيناتنا وبعدين انتي غير جنج جداحة ليشوفج يكول سادس ابتدائي مو اعدادي ههههههههه
خيال : جداحة ولا عامود كهرباء بس طول ماكو شي غيره 😛
كرار : راح اسكت لان ادري باعصابج هسة وانتي منا شلونح
ام قيس : اهو كرار اسكت يمة تعبتنا مو وكتك
دخل قيس
قيس : لولو شنو البشارة
خيال : رسبت !😭
كرار : ههههههههه باع العوبة يكللها بشارة تكلة رسبت
قيس : انت انجب واسكت
ام قيس : يمة عوفك منة وبشرني
دخلت دعاء مرت قيس وبيدها علاوي ابنهم عمرة سنتين وتطش جكليت
دعاء : الف مبروك حبيبتي ناجحة وبمعدل حلو
خيال : حلفي
قيس : شبيج والله ناجحة هسة اخو دعاء طلع النتايج ومعدلج ٨٣ مبروك حبيبتي
ام قيس : ماشاءلله الف مبروك ماما تعبج مضاع وتبجي
خيال : همة مكيفين ويباركون بس اني بالي بالقبول وخاصة انو طموحي اني واهلي هو الصيدلة
كرار : خيالو نمتي هاي ثالث مرة اباركلج هههههههه ولج بس لا مقابلة بالمعدل تدرين لو اني جان هسة انتحرت من الفرحة
ضحكنا كلنا ع سوالف كرار بالليل اجتي سرى هي وزوجها وبنتها يباركولي وفرحانين وقيس جابلنا عشا من برا وصار الحجي عالقبول
سرى : اي لولو صيدلة مو
قيس : اكيد ان شاءلله
يوسف زوج سرى : باعي خيال عيني معدلج حلو وانتي شاطرة بس المشكلة بالقبولات ف من هسة اكلج اذا معدلج مقبل صيدلة لتنقهرين
ام قيس : شلون لعد
يوسف :اي خالة هو دا اريد اكللكم انو بيها مجال تسافر لو لا
قيس : وين ؟
سرى : يوسف عندة معارف بتركيا وهم عمة سعاد هناك بت عم ابوية ويا قيس يا حبيبي حرامات تضيع عليها الصيدلة
دعاء : اي قيس خطية والله
قيس : يابة ليش تحجون وكانو اني رافض الموضوع بس غير لازم اسال واتاكد بنفسي واللي بي خير الله يقدمة
راحو كلهم عزلنا البيت اني ودعاء ودخلت لغرفتي اريد انام ودخل كرار فتح الباب بسرعة
كرار: هلااااو
خيال : يمة اسم الله فززتني
كرار : نزول عليج خية
خيال : هههههههههه
كرار : اي يابة منو كدج تركيا وكذا وراح تنسين كرار المسكين محد الي اصلا بس امي 😭😭
خيال : كرار تدري لو ما اعرفك جان صدكت ههههههههههه
كرار : ولج اني مكيف من زمان عاجبتني غرفتج
خيال : لا بالله باحلامك عيوني ماكو انسى
كرار : هههههه اي نشوف يلا راح ادعبل جاو
خيال : جاو
طلع جايني عالغرفة ههههههه بس هي صح كلش حلو مقسومة نصين نص سرير وتبديل ونص مكتبة واجواء دراسة وبيها بالكونة
كعدنا الصبح لكيتهم متريكين اني ما اتريك الصبح واغلب عركاتي بالبيت ع سالفة الريوك
خيال : صباح الخير
الكل صباح النور
كرار : ياصباح الساعة بـ ١١
خيال : مساء الخير ها كرار ارتاحيت هسة
كرار : لا من اخذ غرفتج ارتاح ههههههههه
قيس : لك اختك البارحة طلعت نتيجتها وانت تحجز بالغرفة
دعاء : كرار بعد ملك الخطط 😂
خيال : هسة اني رحت كولو يا الله
قيس : اليوم اسالج واشوف
ام قيس : فدوة لطولك حبيبي متعبيك ويانا
قيس : يمة ترا خيال مو بس اختي لا بنتي هم وربيتها ع ايدي يعني ماكو داعي لهذا الحجي
خيال : الله يحفظك الية
كرار : تسلمين حبيبتي اني هم
خيال : ويخليك كروري ابو لسان العسل
كرار : مو من گلبج هاي العسل
قيس : ههههههه استغفرالله ولا تبطل يلا طالع اني مع السلامة
كعدنا انظف ونرتب اني ودعاء وماما سوت الغدا وكرار راح لسرى دزت عليه ياخذها للاسواق
الضهر انجمعنا كلنا ودخل قيس كال رحت لمكتب وسالت عالسفر وانشاءلله خير
