احبك وانت مامقسوم لا اعرف شسويلك
ولا اعرف شسويلي .
______________
خيال تروي الاحداث :
رجعت للصيدلية وبديت اشتغل واستغربت انو ممتندمة ليش هيج حجيت ويا محمد بس بقت حسرة بگلبي من منظرهم صارت الساعة ٣ الا وخلصت رحت للكراج داريد اصعد السيارة توني دا افتح الباب جان يسدة محمد انتظري
خيال : نعمم
محمد : من اصيحج بعد واكلج اوكفي توكفين وخاصة احنا بنص كومة ناس ليش تخليني اركض وراج
خيال : دكتور ماكو داعي وبعدين اني نسيت اصلا شذكرك هسة
محمد : اني منسيت وبعدين تريدين احجي بنص المستشفى مثلا ! انتظرت الدوام يخلص واكمل كلامي
خيال : دكتور خلي اروح عندي شغل
محمد : شغليش ؟
خيال : مثل متعرف عندي صيدلية ولازم اكون متواجدة
محمد : لا مو شرط يومية
خيال : شتقصد
محمد : اقصد النظام الجديد لو متعرفي
خيال : اي نظام ؟
محمد : مثل متعرفين اكو خفارة بالمستشفى للصيادلة وانتي عليج العبأ الاكبر
خيال : شلون يعني
محمد : دكتورة خيال ميصير اشرحلج واحنا بالكراج والناس داير مدايرنا
خيال : اوكي اذا الموضوع يخص الشغل عادي
محمد : زين لعد خلي نكعد بمكتبي
خيال : ماشي
وصلنا للمكتب وكعد عالكرسي المقابيلي
محمد : باعي دكتورة انتي دارسة تخصص صيدلة اكلينكية (سريرية) يعني حاليا منصبج دكتور صيدلانية وهذا التخصص موسهل لان يجمع بين الطب والصيدلة وانتي لازم تكونين موجودة ويا الاطباء لان صلاحياتج تحقلج حتى العلاج اليوصفة الدكتور تغيري وخاصة بالاورام السرطانية
خيال : انت شلون عرفت اني صيدلة سريرية
محمد : مرة اتصلت على مرتضى من جان ديكمل ماستر وكالي انو سهى تخرجت ب ٤ سنوات ونص مو خمسة لان تدرس كورسات صيفية اضافية ف اني كتلة سباعية والله مرتضى كال لعد شتكول على خيال الي قررت تدرس سريرية ومدتها ٦ سنوات مو خمسة هنا اني سالتة يعني حتبقى تكمل ٦ كال لا هي شاطرة وتنزل هواية مواد وحتسويها خمس سنوات لان تنزل ساعات دراسية هواية
خيال : اي صح بس اني بعدني ممكملتها لان لازم امارسها بالمستشفى سنتين
محمد : اعرف ولهذا راح نسويلج تدريب وخفارت بالاضافة الى شغلج المعتاد حتى تكملين اختصاصج
خيال : اي اني هم ناسية هالشي وحتى نسيت انو لازم ابقى ادرسها واسوي ابحاث واشتغل ويا الاطباء
محمد : شلون تنسين
خيال : التهيت افتح صيدلية زين ماكو احد بالمستشفى عندة هذا التخصص
محمد : للاسف لا ولذلك مدير المستشفى كيف عليج لان هذا التخصص ماموجود بكل المستشفيات وخاصة هنا بالعراق
خيال : اوك واني اصلا لازم اكمل بيها ماستر
محمد : كملي تدريب يلا لان ماستر الصيدلة صعب اسأليني الية وهسة راح انطيج جدول الخفارات
خيال : بس اني خفارة
محمد : لا ترا هنا الصيادلة عدهم مرات اني ومرات دكتور علاء وحتى سيف
خيال : والباقين ؟
محمد : الباقين الي ميلزم خفارة نزودلة ساعات عمل النهار لضروف خاصة عدهم مثلا دكتورة هند عدها ٣ اطفال وبيت ف دوامها يبدي قبلكم ٧ ونص الصبح وينتهي ٣ ونص ومرتضى يبقى للاربعة ومرات اكثر
خيال : اممم لازم اكول لاهلي
محمد : دكتورة هذا شغلج
خيال : اي اعرف بس لازم اكللهم وخاصة انو اني الصيدلانية الوحيدة الي ابقى
محمد :لا منو كال اكو بنية حتجي جديدة وتتعاونون
خيال : اوك دكتور من رخصتك
محمد : غالية بس مخلصت كلامي
خيال باوعتلة بنظرة انو كمل
محمد : الشفتي اليوم
خيال : بس..
قاطعني وكال
محمد : خليني اكمل اذا تسمحين
هزيت راسي بنفاذ صبر
محمد : الي صار هو وكع عليها عصير ودخلت تنضف ملابسها لا اكثر
بگلبي كلت ( ومن خلت ايدها على خدك وحبيبي )
خيال : واني شدخلني اصلا الموضوع كلة على بعضة مو مهم عندي
رفع حاجبة
محمد : بس اني يهمني نضرة الناس الي نشتغل سوية وعموما ما اخذ من وقتج تكدرين تتفظلين
خيال : وين اكدر اشوف الجدول مال دوام
محمد : دقيقة
طلب من الممرضة تجيبلة الجدول اني جنت واكف وهو وكف بصفي
محمد : هذا الجدول وهذا اسمج
الورقة بيدة واني مقربة راسي اقرة بيها ثواني ورفعت راسي لكيت محمد كلش قريب مني وصافن علية بعدين انتبه على نفسة
محمد : ااا احم اي هاي مواعيدج
خيال : اوك بس اليوم عندي بالليل
محمد : تكدرين ترحين للبيت ترتاحين وتجين عالموعد
خيال : اوكي مع السلامة
محمد : الله وياج
طلعت من عندة واني عقلي مخربط ليش ديحاول يوضحلي الي صار وشعجب هالكد سولف وياية ولاول مرة بدون استفزاز وعصبية وليش هيج صفن علية بعدين كلت سكتي خيال وعوفي تخيلاتج الي ما من وراها شي رحت للبيت وحجيت ويا اهلي بالاول قيس مجان مقتنع بس كتلة هذا تخصصي ولازم اكملة واقتنع اخيرا
نمت كم ساعة وسبحت وبدلت وكلت لكرار يوصلني لان مبية حيل اسوق
_______________
محمد :
من شافتني ويا هدى بوضع غلط واني كل همي افهمها ماكو شي بيناتنا وحاولت احجي ويا بس شفت برودها الي خبلني زين اذا لهل درجة ميهمها ليش عصبت الصبح اول مشافتنا ومن صارت قريبة مني خدرت من عطرها الي مستحيل انساه وملى الغرفة بي ومن تحجي عيونها تحجي قبلها مكدرت اشيل عيني منها بس ليششش زين اني رجال ادري بنفسي نفرتها من يوم العرفتة عنها ليش مجاي امنع نفسي منها ليش اضوج من ما اشوفها
رحت للبيت وكعدت العصر اتصل علية مرتضى نطلع سوة نفتر بس اتحججت عندي شغل بالمستشفى بالرغم اني كلشي ماعندي بس قنعت نفسي بالشغل يمكن حتى اشوفها بس حتى ويا روحي انكر هذا الشي هو واضح على شنو رايح
_______________
سهى : خطية خيال اليوم تبات بالمستشفى
مرتضى : صدك ؟
سهى : اي والله اكلك شعجب مطلعت شعجب مطلعت مو كلت اريد اطلع ويا محمد
مرتضى : الاخ يكول عندي شغل بالمستشفى واني ادري بي يجذب
سهى : ليش
مرتضى : لان كملنا الشغل سوة وادري ماعندة شي
سهى : لعد ليش يريد يروح شنو يحب يتعب نفسة
مرتضى : لا شو شعندة بالمستشفى بس لازم اعرف استاذ محمد
سهى : خاف يحب وحدة هناك
مرتضى : محمد يحب لج نسمي المجمدة ماعندة لامشاعر ولا حب فد يوم
سهى : اسمت اسكت انت هم فقير وصاحبك يشتغل بسكوت هسة يفاجئكم
مرتضى : لا محمد ميضم عني شي
سهى : مادري بعد بس الايام تثبت
_______________
