محمد :
رجعت من بيت مرتضى بعد ماحجيت ويا سهى واكدتلي انه نهاد تكره خيال وتالف عليها اتهامات باطلة وصلت للبيت لكيت اهلي نايمين بس نور كاعدة
نور :هلو محمد تاخرت
محمد : هلو نور شنو نايمين
نور : اي والله ماما انتظرتك بعدين حيدر كللها مرتضى يوصلة
محمد : وانتي ليش كاعدة
نور : دا اتفرج مسلسل
محمد : عبالي منتظرتني 😒
نور : منتظرتك والله كول شسويلك خاف جوعان
محمد : لا بس انطيني جاي واكوي ملابسي
نور : ليش بس لا تداوم
محمد : اي اداوم
نور : صدك تحجي محمد بعدك مريض
محمد : لا صرت زين بس كومي موتيني
نمت وكعدت الصبح بدلت ورحت للدوام بعد عرايك ويا امي
______________
بالدوام واجتني ممرضة كالت دكتور محمد يريدج
خيال : دكتور محمد مدير القسم قصدج ؟
الممرضة : اي
خيال : ليش مداوم
الممرضة : اي داوم اليوم
خيال : ماشي رايحة
هذا شنو حتى ميرتاح استغفرلله عود كلت ارتاح كم يوم دكيت الباب ودخلت شفتة مكاعد عالمكتب كاعد عالتخم
خيال : السلام عليكم
محمد : وعليكم السلام
خيال : الحمدلله على سلامتك
محمد : الله يسلمج تفضلي
خيال : لا مستعجلة
محمد : لتبقين واكفة كعدي
خيال : اوك
محمد : تشربين شي
خيال : شكرا بس صدك مستعجلة
محمد : شسالفة وبعدين حتى اذا عندج شغل محد يحاسبج لان اني داطلب منج
خيال : اممم بس مو مهم انت متحاسبني المهم اني اكمل الشغل المطلوب مني والمرضى مينتظرون
محمد : ليش دائما تحاولين تتحديني
خيال : وليش اتحداك انت زميل بالشغل واحترمك بس انت الي تحاول تستفزني وهذا الشي مو مهم بكد اتهاماتك الية لتفكر ناسية شي لا غلطان بس اني احاول افصل بين شغلي وحياتي الخاصة
محمد : خلصتي
خيال : اي
محمد : خيال اني اريد اعتذر منج على كل كلمة حجيتها غلط بحقج اني ظلمتج واتهمتج
خيال : ليش شنو الجديد الي صار هسة
محمد : اكو شغلات صارت وعرفت بس اريد تقبلين اعتذاري
خيال : وذا مقبلت ؟
محمد : خيال لتصعبيها
خيال : دكتور محمد بس كلي انت من البداية ليش هيج جنت تصرف وشنو النضرة الي جنت ماخذها وليش تغيرت هسة ترا مدافهم شي
محمد : بعدين تعرفين
خيال : اوك واني بعدين اقبل اعتذارك
كمت ردت اطلع صار كدامي
خيال : شدسوي !
محمد : لتعاندين كتلج بعدين راح تعرفين
خيال : شنو من انسان دكتاتوري حتى باعتذارك
محمد : انتبهييي لكلامج
صاح بية
خيال : وانت انتبه لتصرفاتك
محمد : منتبه كلش زين واعتذار واعتذرت كافي بعد
خيال : ولنفرض اني مثل مجنت مفكر ليش جنت تتعامل وياية هيج انت شعليك
محمد : وين تريدين توصلين
خيال : ما اوصل ولا الي علاقة بيك مليت من هاي التصرفات وبدون مبرر
محمد : يعني هذا قرارج
خيال : اي
محمد : خيال راح اخليج هالمرة براحتج
خيال : اي احسن
محمد : كافي طلعي كوة لازم نفسي عنج
خيال : شنو ؟ شلون بالله يعني شتسوي وشنو هاي طلعي
محمد : شكد تشلعين الگلب بابا كافي يلا روحي
خيال : ماروح
محمد : هههه شنو ماروح
خيال : اي مو بكيفك تطلبني وتطردني
محمد : يعني تبقين يمي
خيال : شنو ابقى يمك
محمد : غير انتي متقبلين تطلعين بس اذا كد كلامج ابقي
خيال : اي ابقى
محمد : اوك
شفتة بدا يفتح دكم قميصة
خيال : هاي شدتسوي
محمد : ممرتاح بالقميص
غمضت عيني وطلعت بسرعة واسمعة يضحك علية
______________
شمس : اكلج يوم شنو رايج بأخت مهند
ام محمد : والله يوم اخوات زوجج كلهن حبابات
شمس : لا هاي الصغيرة ممتزوجة واريدها لمحمد شتكولين
ام محمد : هي بالكلية
شمس : اي مرحلة رابعة حتتخرج
ام محمد : ياريت بس غير كون اخوج يقتنع
شمس : من يجي احجي ويا
شوية ورجع محمد من الدوام سلمت عليه
شمس : هلو حمودي شلونك
محمد : هلا بشمس اليوم بيتنا منور وين الجهال
شمس : طلعو ويا حيدر
محمد : نور صبيلي غدا
نور : اي هسة بس شوية تكمل المسلسل
محمد : كومي نور جوعان
شمس : هسة لو عندك مرة جان تلكتك وصبتلك
محمد : متكومين انتي مو اخيج
شمس : صار تدلل
صبيت الغدا وجبتة
محمد : عاشت ايدج شموسة
شمس :محمد ليش متتزوج
محمد : ها صبيتي الغدا وتستغليني
شمس : ههههه شلون لكيتلك مره
محمد : ماريد
شمس : اخت مهند حلوة وحبابة
محمد : لا ماريد هسة
شمس : لعد شوكت استاذ
محمد : شمس باعي اكل واكمل وحتى توصل امي ونور تكمل مسلسلها وتتكابلن علية تصير الكعدة احلى
شمس : اووف منك وين اكدر للسانك
محمد : ام حمودي الوردة مال بيتنا انتي
شمس : اي اضحك علية
محمد : لتستعجلين اتزوج
دخلو حيدر وجهال شمس
سارة : خالللو محمد اجة
محمد : يروح خالو مسويلج مفاجئة
حيدر : اي انت كاعد عالحاضر وركضت عليك واني صار ساعتين افتر بيهم ومعاجبها ست سارة
محمد : هههههه لتتدخل بيناتنا
سارة : شنو المفاجئة خالو
محمد : الفستان الي عاجبج ع اميرات دزني حجزتة من فترة من برا وهسة وصل
شمس : تحجي صدك حمودي
محمد : اي كم سارة عندي
نور : من البارحة وصل يجنن
شمس : مشكور حبيبي بس انت ممقصر وياهم ليش تكلف نفسك
محمد : لا شهل حجي غير هي هم بنتي
حيدر : الله يا حنين
شمس : حنين مين
حيدر : ههههههه لا مو حنين خوخ خوخ
نور : هاي شدتححون
محمد : متضحكونا وياكم
شمس : اي خوية شخبار الخوخ نزل لا 😂😂
محمد : واني شمدريني
شمس : لا مو ادري بيك تحبة
حيدر : ههههههههه
محمد : هاي شبيكم
حيدر : لا تمتمت خوية نسالك عليهم هسة شحجينا
نور : لا السالفة بيها انّ فهموني
شمس : ههههههه لا نشاقة ويا حمد
محمد : الحمدلله والشكر عالعقل
نور : اي والله
حيدر : انتي المطفية سكتي
محمد : انجب وكوم خلي نغسل السيارة يلا
حيدر : تأمر امر ابو الخوخ
محمد : امشي لك
_____________
خيال تروي الاحداث :
جنت كاعدة بالصيدلية واجتي هدى صديقة محمد الي شفتها ويا بالمكتب وتجي للمستشفى
هدى : هاي يحلوة
خيال : اهلا تفضلي
هدى : مجاية اشتري علاج الحمدلله محمد ممقصر وياية
خيال : كتلج تفضلي مكتلج اشتري علاج وعالعموم بشنو اكدر اساعدج
هدى : اي هيج الحجي صار حلو شوفي ياحبابة محمد معليج بي مو اني اتعب وانتظرة سنين وتجين انتي تاخذي عالحاضر امهات الولد هاي السوالف مو علية والله هسة اسحلج هنا واخليج فرجة للناس افتهمتي لو لا
خيال : لحضة لحضة شدتحجين عيب عليج انتي بمكان شغلي شلون تتهجمين علية بهل طريقة
هدى : واكسر راسج هم
خيال : احترمي نفسج وطلعي برا
ما حسيت غير من ضربتني راشدي فرني فر ولابسة محبس جرح شفتي وطلع دم واخذت شيشة وكسرت بيها الجامة وطلعت واني وحدي بالصيدلية بحيث سديتها عليه خاف يجون مرضى ويشوفوني بس هي من طلعت كامت تصيح وكل الي حوالينا انتبهو متت بدمي من المستحة
اتصلت على مرتضى انطاني رقم محمد واتصلت عليه
خيال : الو دكتور محمد
محمد : اي نعم تفضلي
خيال : اني خيال
محمد : هلو خيال شلونج
خيال : تكدر تجي للصيدلية
محمد : خير بيج شي ؟
خيال : تكدر لو لا
محمد : اي طبعا بس انطيني العنوان
انطيتة العنوان
محمد : اها تمام اني اصلا قريب عليج هسة لان طالع
خيال : ماشي باي
__________
محمد :
جنت متواعد ويا ولد صديقي ودك علية رقم تفاجئت بيها خيال بس صوتها مبينة باجية وطلبت مني اروحلها للصيدلية وجنت قريب منها عشر دقايق ووصلت
بس هي سادة الصيدلية اتصلت عليها
محمد : خيال اني بالباب انتي وين
خيال : اوك حفتح الباب
فتحت الباب وتفاجئت حلكها مجروح وعيونها مورمة
محمد : شكو خيال شبيج
خيال : اريد احجي وياك
محمد : منو سوة بيج هيج
خيال : حبيبتك
محمد : شنو حبيبتي شبيج
خيال : هاي الي تجيك للمستشفى
محمد : هدى !؟
خيال : اي
محمد : خيال فهميني شصار
خيال : تهجمت علية بدون سبب
شفتها كامت تبجي صرت اعصاب ترفة ومتتحمل كلشي اخ لو الزمج يا هدى
محمد : اهدي خيال واحجيلي شصار لتبجين
حجتلي كلشي انصدمت
خيال : اصلا اني شعلية بيك ليش هيج تكلي وتغلط وتضرب تدري اني محد ضاربني بحياتي والاهم فضحتني كدام العالم وتصيح
محمد : تروح فدوة لهاي دموعج اني اعرف اتصرف وياها بنت الكلب
خيال : بس اريد تفهمها انو اني معلية بيك ولتتهجم بعد بهاي الطريقة اني اكدر اوصلها لاخواني بس ما احب المشاكل وتصير هوسة
محمد : ولا يهمج حقج يمي وميكون خاطرج الا طيب الا اندمها على هاي العملة
خيال : لا عفية لتأذيها ما اقبل بس هي مفتهمة خطأ وميصير تحاوز عليها
محمد : صدك تحجين شوفي شمسوية بيج باعي شلون مفلشة الجام وانتي تدافعيلها
خيال : الله يسامحها بس تبقى بنية كل الي اريدة تبعدها عني رجاءً يعني
محمد : عوفج منها هسة انتي جاي تتأذين
خيال : مو مشكلة الالم المشكلة شكول لاهلي
محمد : عقمتيها
خيال : لا نسيت
محمد : خلي اعقمها الج وحطي بلاستر
خيال : لا اني اسويها
خيال محمد : ديلا بدت تورم
طلعت علاج وانطيتها وبدت تعقم بيها بس تتالم وتستخي تحجي
محمد : توجعج؟
خيال : اي شوية
محمد : اخ لو هسة كدامي لاكسر ايدها
خيال : مو مهم هسة تطيب
محمد : هذا الجام هسة اخابر ولد يجي يسوي
خيال : لا ماكو داعي شكرا سهلة اذا عالجام
محمد : لتعاندين كتلج اني اسويها لان الصار بسببي
خيال : بكيفك بعد
محمد : هسة روحي للبيت ارتاحي ولتشيلين هم واسف لان اني السبب
خيال : اوك حروح
رحت للبيت
امي : يمة شبي وجهج
خيال : ماكو شي لتخافين
امي : شنو ماكو شي باعي حلكج كلة دم
دخلو الولد
كرار : شكو يمة تصيحين
امي : شوفو اختكم
خيال : ثنين بنات بالصيدلية تعاركو واجتني ضربة
قيس : صدك تحجين وهسة ؟
خيال : ماكو شي فكيناهم
كرار : وكعت بالحاجوز هههههههه
خيال : ليش تضحك علية انت متكبر
قيس : معليج منة كومي ارتاحي
رحت سبحت ونمت كعدت بالليل فتحت موبايلي لكيت محمد مراسلني
محمد : شلون صرتي
كلت خلي اجاوبة
خيال : الحمدلله
محمد : خاف متأذية
خيال : لا مابية شي بس ما اريد يتكرر الي صار مرة ثانية
محمد : اطمني بعد متتعرضلج
خيال : شكرا
محمد : شكد مؤدبة
خيال : شنو؟
محمد : لا هيج
خيال : لا احجي ليش هيج !
محمد : كل ما احجي وياج وكلتي شكرا
خيال : لعد شكول
محمد : اليخطر ابالج
خيال : ما ابالي شي
محمد : متاكدة ؟
خيال : اي
محمد : بس ترا العيون تفضح
خيال : تريد شي بعد
محمد : ليش تنهزمين
خيال : لا ما انهزم بس انت تحجي بالالغاز
محمد : اوك نحجي عالمكشوف
خيال : احجي
محمد : ليش عيونج غريبة
خيال : دكتور اليوم ناوي تشككني بنفسي مبيها شي عيوني
محمد : لا اقصد من الجمال غريبات بحيث من تحجين عينج تحجي قبلج
عزاااا هذا شديخربط بقيت ساكتة ماعرف اجاوب
محمد : وهسة كمتي ترمشين من المستحة مو هههه
ياا هذا شمدري ناوي يخبلني بعدين معقولة منتبه علية هيج بعد هاي السنين الي جنت عايشة بحلم ومحد يعرف بي
محمد : احجي لخاطر الله
خيال : شحجي
محمد : خيال سؤال
خيال : تفضل
محمد : هم جربتي شعور الحب من قبل
خيال : ها رجعنا
محمد : لا بالعكس داسالج لان قبل جنت غلطان وهسة سالت عادي يعني كلنا مرينا بالحب
خيال : وانت ليش تسالني هيج سوال العفو بس ميخصك
