اين قلبي من ذاك القلب المتحجر
او كلما تقربت اليه خطوة .. ابتعد
وكلما حاولت ابعاد قلبي عنه اقترب
فـ يتركني في نارً لا ترحم ولا تذر
__________________
خيال :
من بعد الي كالة محمد حسيت مات گلبي بحياتي مجنت اتوقع ينكالي هيج كلام جرحني بأخلاقي وبكرامتي وطردني بهاي اللحظة تمنيت لو ممسافرة ودارسة بالخارج ومشايفة محمد الي مخبلني اكثر حتى لو الكلام صح هو ليش معصب وضايج مني المهم رجعت لشغلي واني خايفة حتى انطي علاج لان بالي مو يمي واكثر من مرة غلطت بالعلاج وسيف يلحكني
سيف : خيال طلبي اجازة وطلعي اليوم مو على بعضج بيج شي
دمعت عيني من كلام سيف
خيال : سيف شنو رأيك بية يعني انت صارلك هواية تعرفني اني بية شي ؟
سيف : شنو هالحجي خيال مدافهم
خيال : اقصد تصرفاتي واخلاقي
سيف : يخسى الي يجيب طاريج بس كولي منو وياج
خيال : لا محد
سيف : شنو محمد شوفي سؤالج وشوفي نفسج شلون تعبانة
خيال : مابية سيف
سيف : كومي خيال طلعي اصلا بقت ساعة عالدوام ارتاحي
خيال : اي هو هم هيج وانت اخذلي اجازة فدوة
سيف : تدللين بس ديري بالج على نفسج
طلعت من المستشفى ومرجعت لبيتنا مريت على سهى اشتاقيت لخيال الصغيرة اريد الهي نفسي
سهى : شبيج خيال تضربين صفنات
خيال : لا سهى بس تعبانة
سهى : انطيني خيال تعبتج
خيال : لا عوفيها مشتاقتلها
سهى : خيال ليش هالكد مشتريتلها ملابس
خيال : انتي شعليج قابل جايبتهم الج هاي هم بنتي
سهى : فدوة انتو ثنينكم بناتي
خيال : ههههه ديلا ماما سهى حيبي الحليب البنية جوعانة
سهى : اي يلا كايمة
خيال : اكلج سهى شوكت تمتحنين المعادلة
سهى : ما اكدر كلشي اسوي هسة خيال بعدها صغيرة اصلا حتى اذا امتحن وانجح ما اكدر اتعين بعدها صغيرة
خيال : اي زين فتحتي هذا الموضوع
سهى : ليش
خيال : باعي سهى الصيدلية مالتي بيها بس صيدلاني وديريد يسافر واني فكرت انتي تشتغلين بيها وسعد لان من حجيت ويا كال ممرتاح بالمكان الي ديشتغل بي
سهى : حبيبتي والله ما اعرف شكلج متقصرين
خيال : خليني محترمتج مو بنتج بحضنج 😒
سهى : ههههههه اكلج بس ليش تكولين بيها بس صيدلاني لعد انتي وسيف مو توكفون بيها بعد الدوام
خيال : اني مو كل يوم اروح لان دا اخلص الاكلينك ( صيدلة سريرية ) وسيف سكتي وخليها كوة لازمتة يوكف بيها
سهى : والله حمستيني خلي تكبر البنية حتى اداوم بيها
خيال : اكيد ومكانج موجود يلا هسة لازم اروح
سهى : دبقي شوية بعد حبابة
خيال : لا والله ما اكدر اريد امر عالصيدلية
سهى : خيال بيج شي
خيال : لا
سهى : دبطلي تكتمين واحجي
خيال : باي سهى
سهى : باي☹️
رحت للصيدلية بقيت للتسعة وعزلتها تعبت بعدين بقيت افتر بالسيارة ما اريد ارجع للبيت احس اي مكان يخنكني واتصل علية قيس
قيس : الو خيال وينج
خيال : شوية واوصل
قيس : ليش متاخرة اليوم
خيال : ماكو شي قيس جان عندي شغل بالصيدلية
قيس : يلا منتظرج بالباب لتتاخرين
شوية ووصلت وجذبت عليهم كلتلهم متعشية واني كلشي مماكلة اليوم كلة
ثاني يوم صبحت فلاونزا وصخونة كوة كعدت غسلت وجهي وبدلت واني اجر بروحي جر نزلت لاهلي
خيال : صباح الخير
امي : صباح الانوار
قيس : يلا خيال الريوك الي تحبي كيمر وكاهي
خيال : لا قيس بالعافية مجوعانة
سرى : خيال اليوم مريضة كلش وكلتلها لتداومين ومتسمع كلام
كرار : طبيب يعالج الناس وهو عليلُ هههههه
خيال : اي خوية اضحك متحس بعظامي الي عبالك متكسرة
كرار : بزينب ولا بيج
خيال : هههههه خرب يومك الا اكللها
كرار : لا بروح ابوج
قيس : خيال اليوم كعدي صايرة نار متكدرين حتى توكفين
خيال : لا عندي شغل بس اذا تكدر وصلني
قيس : ماشي يلا كومي
وصلني وراح بديت اشتغل واني حتى عيوني ما اكدر افتحها وراسي موتني
خيال : هند بس خلي ارتاح ربع ساعة
هند : ولج شجابج هسة جان اتصلتي علية واخذتلج اجازة
