سيف : فرح راح اطلع يلا حتى اوصلكم
فرح : لا روح احنا نتاخر خيال عدها شغل
مرتضى : شباب عيد ميلاد محمد بعد يومين اتفقنا اني وخيال نسويلة مفاجئة
عمر : اي خوش فكرة نسوي بالكافتريا لو بالغرفة الي نكعد بيها
مرتضى : بعدنا ممقررين
سيف : اتخيل وجهة من يشوف المفاجئة
عمر : هههه اي ويستحي ابو وجه الچينكو
فرح : كون تسمعكم خيال
زهراء : لا دكتورة خيال مسالمة
سيف : بهاي صح
مرتضى : هي وينها صدك
زهراء : دتابع ويا المرضى
عمر : ها سيد عبالك ويا محمد
مرتضى : اي بس همة ولا جنهم مخطوبين هي بس تشتغل وهو جنة فار من المستشفى للمذخر للاجتماع عود اني محسب حسابي اخبث عليهم بس ماكو
سيف : ههههههه والله ثنين تحسهم محترمين اوفر
عمر : لك يا اوفر انتوا ممنتبهين لعد
مرتضى : لا بشرفك صار شي واني ما ادري
عمر : اسرار دولة معليك
مرتضى : والله دولة مو دولة اني كاعدلهم
محمد : المن كاعد
مرتضى : الك يا بعد روحي خاف تحتاج شي
محمد : اي متقصر ابو خيال
مرتضى : ممنون رجل خيال
عمر : هههههههه بدا
محمد : خلي مالة جارة مخبل
مرتضى : عالاقل مونس نفسي مو اقاتل على كل الاتجاهات وراسي بدا يشيب
عمر : هجمة مرتدة
مرتضى : اعجبك ها محمد شو سكتت
محمد : ما اتناقش وياك تعبان
مرتضى : من شنو تعبان سلامتك ها قصدك تكول خيال متعبتك
خيال : محد متعبنا غيرك
مرتضى : تعالي شوفي خطيبج يشكي منج ما خلى شي مكالة
خيال : ميسويها
محمد : عوفي ديتمتع حالياً اني اعرفلة
مرتضى : اني الكم بسيطة
عمر : لك مرتضى بس تهدد وكلشي ماكو
مرتضى : شسوي ياخي احبهم وگلبي طيب
محمد : ديلا كملو شغل
مرتضى : اهوو تحول علينا
خيال : يا تحول اذا انت البارحة اجازة واليوم متأخر
مرتضى : لك محمد شسويت بالبنية جانت متحجي
زهراء : تحجي صدك ترا
محمد : شفت
مرتضى : ها ست زهراء انضميتي للعصابة
محمد : هسة غير يبطل ويبدي يشتغل
عمر : يلا روح
مرتضى : رحت رحت عمي الك الله يا مرتضى
سيف : هههههههههه لا ومسوي نفسة مظلوم
محمد : اي واني ابو لهب
مرتضى : يخاف منك ابو لهب
محمد : اي لعد خاف مني
سيف : يلا جااو
خيال : جاو
فرح : ها خيال حنبات اليوم ؟
محمد : اني اوصلكم يلا
خيال : خاف نتعبك
محمد : على اساس ممتفقين من الصبح اني ارجعج مو ؟
فرح : هههههه خيال بعد واستلم كمية الشكراً من توصلها
محمد : لعد اخذوا تكسي نسيت سالفة الشكراً
خيال : ترا ابطل ما اروح وياك 😒
محمد : مو هو بكيفج يلا امشوا
وصلنا فرح محمد مبتسم
خيال : شبيك ليش تباوعلي ومبتسم
محمد : اول مرة تصعدين بسيارتي واول مرة بس اني وياج
خيال : اي صح
محمد : متجين اراويج البيت الجديد
خيال : لا مكلت الاهلي والوقت متأخر
محمد : اووف خيال
خيال : ها ليش
محمد : سلامتج
سكت وبعدين دار وجها علية
محمد : تدرين لو بيدي نتزوج هسة واخذج للبيت وتبقين كاعدة لا دوام ولا صيدلية ومتطلعين الا اني وياج
خيال : نعم نعم لحضة اوكف
وكف السيارة بالشارع
محمد : كلت لو بيدي بس اكيد ما افرض شي عليج
خيال : زين ليش
محمد : اريدج بس الية
خيال : هو اني الك بس بشنو يأثر شغلي
محمد : هاهية سدي الموضوع ماريد اضوجج
خيال : ماشي واني هم ما احب تضوج
محمد : خيال شنو اني بالنسبة الج
خيال : محمد بيك شي
محمد : لا جديات شوفي اني ادري بيج تحبيني بس اريد اعرف منج معزتي عندج مثل معزتج عندي
خيال : واكثر بهواية انت مو مجرد شخص احبة انت رجال روحي متعلقة بي احس يومي ميكمل اذا ما اشوفك او احجي وياك حتى اذا نتعارك اكو لذة بالعركة كلش احبها
محمد : انتي مصخنة ؟
خيال : ههههه والله شبيك
محمد : لو ساكتة لو تنفجرين علية على كيفج يمعودة دتصدميني
خيال : وانت متعرف هالشي الا احجي يعني
محمد : اي والله ما اعرف
خيال : وهسة عرفت يلا وصلني تأخرت وقيس ديدك
محمد : كليلة بالطريق وصلنا
وصلني محمد
زينب : شفت كرار جنت اتحسر عالطلعة وخيال مصارلها اسبوع والدكتور يوصلها بيدة تص الليل عيني
خيال : هاي شبيج زينب
كرار : شو انتي ممحترمة نفسج هواية تجاوزين زينب
امي : باعي زينب خيال مو شفتيها ساكتة اني ما اسكت اولاً شي هذا خطيبها وجانت وياهم فرح هم وصلها ثانياً البنية سيارتها مبيها بانزين يعوفها تجي بالتكاسي لو تنتظر قيس لنص الليل لو تنتظر رحمة زوجج يحن ويروحلها
كرار : يمة شهل حجي
امي : انت اسكت تعبت كافي ادب مرتك لان لسانها طولان كللها تحترم البيت الي كاعدة بي وتحترم ناسة وترا قيس يدري بالولد يوصلها بطلي حجي زايد
