اني ادري مانرهم بعد بس المهم حنيتلك 💔
______________
خيال :
طلع محمد ودخلو مرتضى وسهى
مرتضى : ليش هيج سويتي خيال
خيال : عفية مرتضى روح شوفة
مرتضى : ماشي اخذو راحتكم
طلع مرتضى بقينا بس اني وسهى
سهى : خيال فهميني ليش حرام عليج كسرتي فرحتة وفرحتج
خيال : سهى بعدين احجي خليني اروح للبيت
سهى : لا ابقي يمي شلون ترحين للبيت بهاي الحالة
خيال : سهى مدا اكدر اتحمل مشفتي عيونة والله گلبي مات عليه معقولة اني اقهر محمد والابشع من هذا كلة قبل ميطلع نضرتة حسيتها تحولت من حب لكره
سهى : خيال انتي السبب وها خلي اكلج شغلة تحضري للحرب
خيال : شتقصدين
سهى : اقصد وضعج ودوامج لان اكيد محمد راح ينتقم بصورة غير مباشرة
خيال : ولج مافكرت بهالشي شلون راح نتشاوف كل يوم وشحيسوي !
سهى : الله كريم وترا بس ترتاحين تحجين كلشي لان مدا الكالج مبرر
خيال : مدافكر بشي غير انو الي سويتة هو الصح
سهى : سكتي حبابة فد يوم اريد تعوفين عقلج وتفكرين بنفسج ماكو
خيال : شبيج سهى هسة وكت رزايلج
سهى : وياريت فايده بشي
خيال : سهى كولي لمرتضى ياخذلي اجازة باجر وخلي اروح اتاخرت
سهى : ماشي
خيال : مع السلامة
سهى : الله وياج وديري بالج على نفسج
صعدت بالسيارة وممسيطرة على دموعي بحيث اجيت اسوي حادث اكثر من مرة
وصلت للبيت لكيتهم كلهم كاعدين
كرار : وين جنتي
خيال : كلت لماما رايحة لبيت سهى
كرار : لتبدلين طالعين
خيال : وين
كرار : اريد اشتري قاط واخذح وياي تختارين.
خيال : خليها باجر
كرار : لا اليوم
خيال : زين اخذ دعاء سرى او بنت عمي نهال
دعاء : كلنالة كال الا خيال
كرار : خلص براحتج هسة اشوف وائل يطلع وياي
المشكلة ما اكدر اكسر بخاطر كرار رغم شكد تعبانة
خيال : لا اني اروح هاي لحضة تاريخية
كرار : اكلج مبين صدك ما الج خلك ابقي
خيال : اذا ماعندي خلك الك لمنو عندي لعد
دعاء : الله الله شفت حتى تبطل تعاركها
خيال : صدك قيس وين
دعاء : بالواجب اليوم يبات
خيال : امم ردت احجي ويا يلا على باجر
كرار : دعاء اخذ علاوي وياية نشتريلة
دعاء : خاف يتعبكم
خيال : صدك جذب شنو يتعبنا بدليلة على ما اغسل
دعاء : اوكي بطريقكم من ترجعون وصلو لبيت اهلي لان حروحلهم اليوم
خيال : ماشي حبيبتي
رحنا نشتري وتصرفت عادي لان كرار فرحان محبيت انكد عليه واني بطبعي اعرف شلون اضم ضوجتي واشترينا قاط لعلاوي ووصلنا لامة ورجعنا للبيت ميتة تعب
بس من وصلنا شفت سيارة قيس
كرار: شنو قيس مو عندة دوام
خيال : مادري ندخل ونشوف
دخلنا للبيت
امي : ها ماما شو تاخرتو
خيال : تعرفين كرار شلون يدقق وكلشي ميعجبة اكلج يوم قيس شعجب هنا
امي : ماعرف ديكول عندة اوراق ضرورية بالشغل يريد ياخذها
خيال : هو بغرفتة
امي : اي
صعدت لغرفة قيس ودكيت الباب
قيس : هلو لولو شوكت اجيتو
خيال : هلو قيس قبل شوية ووصلنا علوش لاهل دعاء
قيس : شبيج انتي مبين عندج سالفة
خيال : اي
قيس : متتأجل لباجر لان تاخرت
خيال : لا هي سالفة بسيطة بس لازم اكلك
قيس : كولي شكو
خيال : دكتور محمد الي اجاك قبل فترة ..
قيس : شبي
خيال : اني كتلك موافقة بس هسة غيرت رأيي
قيس : وشنو السبب
خيال : قيس هيج مواضيع يرادلها تفكير واني استعجلت بجوابي
قيس : خيال اريد جواب مقنع اني انطيت كلمة للرجال
خيال : اريد اكمل دراسات اسافر وصراحة مجاهزة للبيت وللاطفال
قيس : ما اعرف شكلج بس جان المفروض تفكرين اكثر بوقتها خيال عيب هسة شيكول علية
خيال : يعني افتهم منك متقبل تحاجي
قيس : لا شنو قابل اغصبج هاهي مثل متريدين باجر اخابرة وابلغة
خيال : ماشي
قيس : بس ليش ضايجة
خيال : مابية شي بس تعبانة من الشغل وها كول للباقين الي بالبيت لان اذا احجي يستلموني ليش وليش
قيس : هههههه ولا تكبرين مثل ما انتي روحي بابا معليج بالكل
خيال : شكرا قيس
قيس : محشم عليج شنو شكرا يلا هسة تاخرت
نمت كعدت ثاني يوم ب ١ الضهر نضفت ورتبت الغرف وغسلت حتى الداير البيت اريد انسى
شوية واجو مؤمل ووائل ولد عمي و ابن عمتي مجد واختة اروى الي متزوجة وائل وعمتي هم وياهم عزمناهم عالغدا
عمتي : لولو مؤمل شوفني هذا الولد الي ديريد يخطبخ يخبل
امي : يا ام مجد غير مقلبت عالولد ست خيال
مؤمل : شنو ؟ شدتحجين عمة شو محد كلي
قيس : اني خابرتة وبلغتة
عمتي : يا ليش شو ولدنا يمدحون بي
قيس : عمة خيال دتريد تكمل
عمتي : حبيبي قيوسي صارلها سنين تدرس لعد تبقة هيج
كرار : عمة اني وياج هي عجزت بس ترا بيها مجال بعد تلحك تلحك
خيال : انت معليك
مؤمل : دطلع منها وهي تنحل خيال ترا محمد خوش ولد فكري زين
كرار : ها مؤمل طبكت ويا صاحبك على حساب بنت عمك لا ممرجية منك
مجد : لك ليش هيج مؤمل هاي المنك وبيك عود
قيس : دسكتو انتو التلاثة لا اسكتكم بطريقتي
مؤمل : ساكتين عمي
وائل : خيال بشرفج اريد گهوة محد يسويها مثلج وهم تخلصين من هذولة القرودة
خيال : اي تدلل ومشكور خلصتني تعالي اروى وياية
اروى : اجيت امشي نخلص هههههه
كرار : اين المفر ترجعون ترجعون
اروى : لا تخلينا نطلعها بخطوبتك
خيال : اي والله الا اخليك تتوسل بس اوكف
كرار : دروحي ام الدراسة اقوى شي تسوية تديرين وجهج وتمشين
عمتي : يا ام قيس هذولة ابد ميكبرون نفس المناكر كلهم
امي : اي والله واحدهم شطولة وعقل ماكو
امجد : ها عمة شو معاجبيكم
امي : لا عمة وين اكو منكم خليني ساكتة
دعاء : قيس خابر على سراوي خطية
قيس : خابرت وكالت ببيت اهل زوجها
دعاء : مشتاقيلها والله
قيس : حبيبتي انتي افرغ واني اروح اجيبها
كرار : ياجماعة منتبه على شغلة قيس ودعاء ليش ميتعاركون
مجد : هههههههه كريت عليهم وشلون عين عندك
عمتي : يا اسم الله الرحمن ولك كرار راح اكوملك بيش مفاول عليهم
كرار : عمة هذا موضوع اجتماعي يعني بعد فترة من الزواج يصير ملل بس هذولة واحد يحب الثاني بالزايد
قيس : بالقران هسة اكوملك اسكت وانجب
امي : هسة هذا شلون اعرسلة وهو مخبل هيج
دعاء : يغار منا
كرار : ماشي ام علاوي على راسي
قيس : غصبا ما عليك
وائل : كرار شو الكل مستلمك رزايل وين المتعة
كرار : لا اني مستمتع متشوف قيس شلون صار احمر
قيس : هسة انت مال واحد يطلع وراك ويروح يخطبلك
كرار : طلقني لو مش عاجبك طلقني
مؤمل : ههههههههههه كارثة انت
امي : دشوف هذا اليضحكلة
كرار : يمة لتصيرين نفسية
عمتي : فدوة لكروري اموت على سوالفك
كرار : من هاي صار شهر ماشايفج
عمتي : والله مشغولة بس اخابرك لتكول لا
كرار : اي تخابريني حتى اكلج مجد وين ههههه
عمتي : انت مو مال عيني واغاتي
دعاء : كرار ابد ميفتن
كرار : اشو اليوم كلش اختلفتي علية ام علي
دعاء : انت البديت
تغدينا وكعدنا شي بالحديقة وشي بالصالة كمت داسوي جاي واجة مؤمل للمطبخ
مؤمل : خيال كعدي شوية
خيال : كعدت كول وذا على محمد ف
مؤمل : سمعي هسة خابرتة وكتلة السبب كال ما اعرف اسالها
خيال : ليش تلحون مو كلتلكم ليش
مؤمل : باعي بس الغبي يصدك الكلتي
خيال : حتى اذا امو شي فماكو داعي احجي بعد
مؤمل : خيال انتي حالج حال نهال عندي اني ابن عمج واخوج يعني بس كليلي السالفة ومعليج
خيال : مؤمل والله اعرف واني حاسبتك اخوية الصدك بس السبب اذا كلتة او لا ماراح نستفاد شي
مؤمل : اوكي على راحتج بس من ترديت تحجين اني موجود
خيال : تسلم متقصر
خلص اليوم وبقيت اقري بعلاوي بالاخير غفة بحضني وتمددت بصفة والدمعة بعيني مشتاقة لمحمد
_____________
محمد : يمة راح اصعد انام ابد لتكعدوني لان تعبان
امي : نام حبيبي بس تعال شو مجبت طاري الدكتورة بعد شوكت نروحلهم مكلت
محمد : ماكو بعد لا دكتورة ولا خطوبة انسي السالفة
امي : ليش شنو شبيها البنية شصار
محمد : مابيها شي بس هي غيرت رأيها واتوقع هذا احسن شي
امي : شنو تلعب عليك شو فهمني
محمد : يمة شفهمج ماصارت وهاهي ماكو شي يجي بالاجبار
امي : واني اكول شبيك متغير ومو على بعضك بس ولا يهمك اخذلك الاحسن منها شنو من قلة البنات الف وحدة تتمناك
محمد : لا اريدها ولا اريد الالف
صعدت لغرفتي تمددت وتذكرت كلامها كلش تضايقت اتمنيت احجي وياها اصيح عليها فكرت اتصل وتراجعت اخر شي دكيت مرتين مجاوبت بالثالثة فتحت خط
بقيت ساكت وهي ساكتة
محمد : ليش خيال ما استاهل منج هالبعد
بقت ساكتة
محمد : احجي لتخبليني
سمعتها شهكت
محمد : لتبجين لخاطر الله
خيال وهي تبجي : محمد
محمد : الله ياخذ محمد
خيال : اسم الله
محمد : تحبيني
خيال : محمد بداعتي لتضغط علية مناقصة
محمد : متخسرين شي هي السالفة خربت بس اريد اعرف تحبيني لو لا
خيال : اي
محمد : لعد ليش تصرفتي هيج راح تخبليني خيال
خيال : كافي ماكدر احجي
محمد : ليش حرام
خيال : علاوي نايم بحضني ليكعد
محمد : ياعلاوي
خيال : ابن قيس يعني يا علاوي شبيك محمد
من كالت نايم بحضني احس نار وكبت بية هاي اذا طفل وهيج شلون اذا تزوجت غيري
محمد : مو عندة اهل شكو نايم بحضنج
خيال : ترا هذا ابن اخوية ومن زمان هو يمي
محمد : اليوم علاوي وباجر استغفرالله
خيال : مقبولة منك دكتور
محمد : من طاحظ الدكتور وحظ گلبة المابي خير
خيال : احجي بعد حتى ترتاح
محمد : مارتاح بس اذا اعرف شنو سبب رفضج
خيال : محمد الحياة كدامك وتكدر تختار صح
محمد : خيال خلي ننسى كلشي ونبدي صفحة جديدة ترا هواية دا اجي على كرامتي
خيال : ابدي صفحة جديدة بس مو وياي
محمد : عادي عندج احب غيرج واتزوجها لعد ياحب هذا اشو اني اغار عليج من الهوا
خيال : ميخالف اني ماحبك وما استاهلك شتريد اكثر احجي اتقبل منك
محمد : لتخليني اكرهج كلامج سم خاف متدرين
سمعت صوت طفل
خيال : كوم حبيبي لازم تاكل شوية واجيك
محمد : اي حبيبج ليش لا
خيال : الطفل كعد شكلة يعني
محمد : راح اجي لقيس من جديد واطلبج منة واكلة حاول تقنعها وانتي قبلي وفضيني
خيال : لا ما اكدر اتزوج ونسد الموضوع ليش تفتحة
محمد : شنو يعني متتزوجين بالمستقبل
خيال : حتى اذا اتزوج مو هسة
محمد : ماشي انتظرج
خيال : لا لتنتظر لان ما اريد اتزوجك
محمد : انتي مستوعبة شنو تحبيني شنو اتزوج بعدين بس ما اتزوجك لعد تزوجين منو هااا جاوبي
خيال : محمد ارحمني كافي ماريد اتزوج ولا احب كرهتوني بعيشتي ما اتحمل بعد اني هم بشر كافي ظلم صار سنين واني ..
محمد : وانتي شنو
خيال : ولا شي محمد ولا شي
محمد : خلص براحتج اتصلت كمحاولة اخيرة حتى منتندم بالمستقبل بس الظاهر جنت متعشم زايد اخذي راحتج دكتورة ومن اليوم علاقتنا شغل وان شاء الله خير
______________
بعد اسبوع من الدوام مشفت محمد جان ماخذ اجازة
جنت كاعدة اني وفرح الي مبطلت كلام عن محمد
