وتريد چلمة بخت ؟
ما عوضو غيبتك لاهلي ولاربعي .
____________________
رجعنا كالعادة دراسة وامتحانات فد يوم اتصل بية زياد وكال اريد اشوفج طبعا رفضت بس هو لح وقبلت مر علية العصر واخذني بسيارتة لحديقة جانت حلوة وهادئة
خيال : تفضل زياد كول
زياد : خيال مداكدر والله لج احبج افتهمي
خيال : ها زياد رجعنا
زياد : هو احنا بدينا خيال تدرين شنو الي مدمرني ؟ انه رفضتيني بدون متكليلي السبب وانجبيت وسكتت بس حبج مديعوفني كولي شسوي
خيال : زياد اني مو ببالي هذا الموضوع وانت مبيك شي خوش ولد ومهندس وتعبان على نفسك
زياد : لعد ليش متقبلين والله لو تدرين شكد كدامي بنات ويتمنون بس اني ممتقبل غيرج
خيال : مو بيدي زياد ما اكدر
صاح بية بعصبية
زياد : ليييش ليش متكدرين
خيال : كافي زياد رجعني
زياد : ماشي خيال ماشي بس ترا منسيت ولاراح انسى وراج وراج
كلامة ضايقني ما اعرف ليش لان جان كلش عصبي
_______________
مشهد :
خيال : سهى كافي اكل يرحم والديج
سهى : مداكدر جوعانة
مرتضى : ههههههه خيال من يمها شبعت واختنكت
سهى : اي اي ضحكو علية ماشي متقصرون
خيال :ولج غير علمودج مو تكولين زايدة وزن
سهى : عود اضعف من اجيب
مرتضى : اي خلي نشوف ههههههه
سهى : كافي مرتضى
خيال : اكلي سهى اكليي مو صوجج انتي
سهى : مشكورة حياني الف عافية علية
خيال : مرتضى بعد يومين تسافرون مو
مرتضى : اي
سهى : ليش انتي محجزتي ويانا ؟
خيال : لا
سهى : اي ليش مو تخرجنا بعد شعندج باقية
خيال : عندي عرقلة بالمعاملة لازم اكملها
سهى : بس مو تطولين ترا راح ادخل
خيال : لا شعندي مطولة يلا هسة لازم اروح اتاخرت
مرتضى : ابقي بعد وكت
خيال : لا والله ما اكدر اشوفكم ان شاء الله قبل متسافرون
سهى : اي اكيد
___________________
خيال :
بالمرحلة الرابعة رجع مرتضى لتركيا يكمل ماجستير وقبل ليسافر من رجعنا للعراق بالعطلة تزوج سهى طبعا لاهي ولا اهلها قبلو بس مرتضى من يلح على شي انتهت بعد 😅
طبعا زواجهم جان كلش حلو ومن سافرنا لتركيا عاشو بشقة واني بقيت وحدي ساكنة عافتني سهى 😭 طبعا بقيت سنتين وحدي كتلني الملل سهى حاولت تقنعني اعيش ويا بنية ثانية بس اني رفضت لان متعودة على سهى بس همة خطية من يطلعون دائما ياصلون علية اطلع وياهم اني ما اقبل لان اكول خلي ياخذون راحتهم بس مرات اطلع وياهم كلش اتونس مرتضى حيل مريح وحباب وكل عطلة نهاية اسبوع يعزموني يمهم وذا معندي امتحان اروح
سهى حاليا حامل بشهر السادس ومعذبتنا ساعة تبجي ساعة نضحك وصار كل همها الاكل 😂😂
اما محمد ف كمل ماستر بكندا ومشفتة بعد
حاليا تخرجنا وبقت بس عندي معاملة التخرج ومرتضى كما ماستر وحنرجع للعراق واخيرا 😍
راحو بيت مرتضى
دك تلفوني شفتة زياد
زياد : الو
خيال : هلو زياد شلونك
زياد : بخير يابة مشتاقين شوكت تجين
خيال : اكمل اوراقي واجي
زياد : باعي الدنيا احنا رجعنا وانتي بقيتي
خيال : لا شبيقيت هم حرجع
زياد : تنورين اصلا بنص گلبي اذا يمي او لا
گلت بقلة صبر استغفرالله
خيال : يلا زياد تاخرت
زياد : اي انهزمي مثل كل مرة
خيال : باي
زياد : بااي
وبالفعل ١٠ ايام ورجعت اول شي من رجعت البيت اهلي حسيت وكانما غريبة لان صارلي هواية مبتعدة عنهم وخاصة من تزوجت سهى عشت وحدي صرت حتى ما اعرف اسولف هواية
اخوية قيس قبل سنة صارت عندة بنية سماها فاطمة وسرى اساسا من سافرت جانت حامل وجابت ولد سمتة رضا وهسة عمرة ٣ سنوات بس هي حاليا ملتهية ببنت قيس تموت عليها بس يبقى علاوي هو مدلل العائلة وبكلشي اله حصة الاسد وهسة حيتسجل اول ابتدائي حبيبي وقيس ترفع صار رائد
