اين قلبي من ذاك القلب المتحجر
او كلما تقربت اليه خطوة ابتعد
وكلما حاولت ابعاد قلبي عنه اقترب
فيتركني في نارً لاترحم ولاتذر
______________________________
بقى ساكت واني ساكتة بس ليش حتى ما سلم علية زين اخر مرة مو سلم عليه عادي بغض النظر صار بيناتنا مشاحنات بس مو لدرجة يعرفني ويكعد بصفي وميسلم بعدين كلت اعتبرة مموجود افظل
اني مرجعة راسي عالمقعد ودايرة وجهي عالشباك من الملل غفيت مادري بنفسي فتحت عيني لكيتة صافن بوجهي 🙄
محمد : احمم هذا اكلج
اني عدلت نفسي ورفعت راسي
خيال : لا ما اريد شكرا
بدون ميحجي حط الاكل كدامي وفتحة وكعد ياكل استفزني كلش اني سديت الاكل وصحت عالمضيفة تشيلة ودرت وجهي
محمد : ليش حتى تتخربطين
خيال : لتخاف ما اتخربط وذا تخربطت ما الزم ايدك
محمد : اني اصلا ما اريدج تلزميها
كلامة مثل السهم بگلبي حسيت بالاهانة صدك
هزيت ايدي وكوة حابسة دمعتي ردت اكوم بس وين اكعد حتى خطية سهى اخلي مرتضى يكوم واكعد بدالة كلت هي كم ساعة اتحملها
طول الطريق بقينا ساكتين المشكلة ما اعرف ليش هيج ديتصرف
صار موعد الهبوط وشديت على ايدي من الزم شي بايدي تهدا معدتي اني متعودة هيج فلزمت الكرسي حسيت على محمد يباوعلي بس بطريقة مو مباشرة
بدا الطيار بالهبوط واني مجمدة جريت بطل المي اريد اشرب
محمد : لا لتشربين مي
طنشتة وفتحت البطل جرة من ايدي وسدة
خيال : ليش
محمد : عندج لعبان نفس ميصير تشربين
خيال : اي صح بس عطشانة
محمد : مبقى شي وننزل
سكتت شوية ونزلت الطيارة واحس روحي تطلع من تنزل ومهتميت الوجود محمد اخذت راحتى واني شوية ادنك وشوية ارجع راسي عالكرسي بس هو احس منتبه علية
وكفت داريد اعبر من يمة حتى انزل اشو هذا كاعد بمكانة اخر شي طكت روحي
خيال : من رخصتك اريد افوت
محمد : وليش مستعجلة
خيال : وشعندي باقية هنا
محمد : صبري
خيال : استغفرالله رجاءً كافي وخلي اكوم لان تعبت
وكف وكال
محمد : من شنو تعبتي
خيال : من تصرفاتك
محمد : وشبيها تصرفاتي
خيال : مابيها بس خليني انزل ترا كلها نزلت بقينا بس احنا
ابتعد وكلي يلا فوتي
خيال : الحمدلله والشكر عالعقل
محمد : شكلتي ؟
خيال : مو وياك
عفتة ومشيت واني ميتة منه شبي هذا
نزلت شفت سهى ومرتضى ياخذون بجنطهم ومشو يسولفون وكفت اريد اخذ جنطتي وفجاة سحبها حازم ونزلها
خيال : شكرا ليش تعبت نفسك
حازم : لا تعب ولاشي اصلا ثگيلة عليج
رفعت راسي شفت محمد يباوع علينا
حازم : شبي محمد ليش كعد يمج
خيال : شمدريني سألة
حازم : محمد تعال هاي جنطتك
تقدم علينا محمد
محمد : متنزلها لو هاي وحدد
حازم : البنية ضعيفة والجنطة ثگيلة عليها انت شبيك واشيلها الك
محمد : اي ابو الواجب انت
يالله شبيهم هذولة اريد انهزم اباوع على سهى تسولف ويا حازم هسة وكت حبكم من وجع
خيال : شكرا حازم مرة ثانية ومن رخصتك
حازم : تدللين الله وياج
صاح علية مرتضى
مرتضى : خيااال
رحت يمهم واجرنا تكسي ورجعنا للشقة واني بين التعبانة وبين الي افكر هذا ليش هيج ديتصرف
عزلنا الشقة اني وسهى ونمنا للصبح كعدنا
سهى : صباح الخير ياحلوة
خيال : صباح الورد سهاوي
سهى : ممصدكة خلصنا سنة وهسة حالياً مرحلة ثانية رسمي
خيال : اي الحمدلله وزين هنا عدهم كورس صيفي لو ماهو جان انتظرنا للسنة الجديدة يلا ندرس مرحلة ثانية
سهى : بس محتصير عدنا عطلة صيفية غير شهر
خيال : هو هذا الشي المزعج
سهى : خيال البارحة انتي تعبانة ومحجيتلج مرتضى كال من تخلصين هذا الكورس والكورس الاول بالسنة الجديدة بمعنى من اصير مرحلة ثالثة يتقدم يخطبني
خيال : احلى خبر الف مبروك حياتي
سهى : بس اخاف اهلي ميقبلون
خيال : مرتضى خوش ولد ورايدج بالحلال ولتفكرين هسة الله كريم منا لهذيج الفترة
_______________
مر يومين وداومنا شفت سيف من بعيد
سيف : خيااااال
سهى : ههههههههه انفضحتي
خيال : شبيك مخبل اسكت
سيف : مشتااااقلج يول
خيال : يااا ولكم سكتو يمعودين
سعد : ههههههه لك شبيك اسكت
خيال : بطلت لتشتاقلي بس اسكت
سيف : تسكتين لا احضنج حضن اخوي وافشلج
سعد ، زينة ، مروة ، سهى : هههههههههههههههههههههه
خيال : دسويها وشوف وعلي افضحك
سعد : هههههههه حلفت بعلي بعد وانت تعرف يعني تسويها
سيف : لج شهل جمال
خيال : اسكت سيف
زينة : لا جديات محلوة بزيادة رغم انتي من زمان حلوة وناعمة
سعد : حجاية التنكال صايرة احلى بس ضعفانة
مروة : اي صح ولج شو ضعفانة بالزايد
سهى : اي والله كتلها بس انتو تدرون اكلها مال عصافير
سيف : اي هذا الحب مو بس يضعف يعمي هم هههههههه
خيال : سيف تسكت احسنلك تمام
سيف : ياشريرة يا قاسية ليش هيج
سعد : هههههههههههههههه خرب يومك خيال شريرة
سيف : المعنى في قلبي المن اقصد
نهاد : شقصدك
سيف : انتي ياهو يمج
نهاد : مناقصتك سيف
سيف : واني الي كاتل نفسي عليج خاب سكتي مالي خلكج
ضحكنا على سيف الي دائما ينرفز نهاد ويسكتها
شاورت سيف
خيال : سيوف البنية وجها صار اصفر خطية
سيف : يطبها وجع ام عطوب الثولة
سعد بصوت ناصي : ولك اسكت كافي سكتي خيال
سيف : سكتت سكتت
خيال : هههههههه مشتاقة لسوالفك والله
سيف : فدوة لعمرج مو بكدي
مروة : ها لعد احنا شبينا
سيف : اني ماعندي اخوات والي حسستني بهذا الشي خيال تسال علية وتنصحني وتدليني عالصح وانتو هم اخواتي الله شاهد
سهى : اي والله اني هم معندي اخت بس خيال صارتلي اكثر من اخت
خيال : جيبولنا ملاية الوضعية طلبتها
زينة : هههههههههههه همة مندمجين وانتي تضحكين عليهم
_______________
