بعد مضيت الورقة قال لي نحنا خلاص كدة متزوجين. ومرت الايام وبقيت حامل لمن كلمتو قال لي الا تنزليهو ..وانا رفضت قلت ليهو ما بنزلو. ده حرام. واستحالة اعمل حاجة زي زي. وكذبت عليهو قلت ليهو ما تشيل هم انا ما بدخلك في القصة وحتي كان ولدت ما بتكلم واجيب سيرتك. برضو ما اقتنع نهائيا ..الفترة دي كان لي زي اربعة شهور وجات اجازة السميستر الاول ومافي طريقة بتقعدني في الخرطوم. الا ارجع البلد. ولمن كلمتو وافق اها مشيت البلد فعلا وحتي ناس بيتنا لاحظو اني متغيرة شديد ..حتي الاكل بستفرغو طوالي ومرات راسي بلف. بقولو لي الا نوديك الدكتور وانا برفض بحجة انو ده تعب وارهاق الدراسة وبروح. امي بتطلع من صلاة الصبح بتجي راجعه المغرب. شغاله بتعمل اكل في السوق. واخواتي واحدة اكبر مني متزوجة وزوجها مسافر قاعدة معانا. واخوي اصغر مني شغال عتالي في السوق برضو. اي زول في شغلو ومافي زول جايب خبري ما بنتلما الا في صينية الاكل. قعدت شهر في البلد ورجعت. لحد ما وصلت الشهر الخامس وما كان عندي مشكلة اساسا لاني فكرت في جواي لو اجهضت الطفل او كتلتو كدة برتكب جربمة ..قلت خلاص بعد اولدو حاختو في كرتونة جمب دار الاطفال ولا اي مكان يلقاهو زول ويشيليو وكدة ما حيضيع وانا بكون مرتاحة .. لمن وصلت الشهر الثامن. جاني ارتفاع في ضغط الجنين. كنت مرات ما بقدر امشي ورجليتي اتورمن شديد .. لحد ما وصلت الشهر التاسع وكنت خلاص علي وشك ولادة. وكنت مطمنة لانو بطني ما ظاهرة وصحتي ذاتها ساعدتتي. اها يوم من الصباح جاني صهيب قال لي انا مسافر يومين تلاتة وما بقدر اخليك هنا دي مسئوولية. اتصرفي شوفي ليك داخلية ولا اي مكان.اها فعلا مشيت وسالت من داخلية ووصفو لي. وتعبت كتير في اجراءت السكن لحد ما سكنت مع بنات طيبات لكن ما كنت بقعد في الداخلية قعدت فيها زي تلاتة يوم بس وباقي الايام كنت برجع الشقة لانو صهيب لسه ما سافر واشتري لي تلفون قال لي اتواصلي بيهو معاي وبرضو التلفون ده ذاتو بقيت اتكلم بيهو مع ناس بيتنا حتي امي سالتني قالت لي التلفون جبتيهو من وين ؟ قلت ليها من قروش الكفالة وامي صدقتني ... اها بعد العشاء كدة البنات طلعن ينومن وقالن لي اطلعي معانا فوق السطوح وانا رفضت بعد خلاص كل البنات نامت. انا ابتدت تجيني الألآم بتاعة الولادة وخلاص ما عرفت اتصرف.لو اتكلمت او كوركت حيكشفوني وتبقي فضيحة . قلت خلاص بس اضغط علي نفسي واليحصل يحصل . والالم كان قوي جدا وفظيع لدرجة ولو ما البنات نايمات كان اتصلت لي صهيب قلت ليهو انا حاولد. قال لي اولدي. ووين المشكلة. انصدمت شديد من كلامو .ورسلت ليهو رسالة قلت ليهو يا اما بتجيني الصباح وتسوقني بعد ما احل نفسي من الورطة دي ولا بتصل للشرطة وبجرجرك معاي. قال لي خلاص اديني تلفون الصباح وانا بجيك. وفصلت الخط منو دخلت الحمام قريب ساعه حتي الجنين طلع وللاسف اتشرق وانا زاتي شوية وكان حيغمي علي والطفل اتخنق بالحبل السري .ومات وانا من التعب خلاص كنت حانوم في مكاني. اتصرفت رميتو في الحمام ((اعوذ بالله العظيم ..اعوذ بالله العظيم ..يا رب احفظنا واسترنا ياااا رب) ) والموضوع كان صعب علي شديد والولادة حارة وما كان معاي زول. وخلاص كنت حاكورك من الالم ..اها وانا طالعة من الحمام وبتكل في الحيطة. الحمام بعد طلعت منو قفلتو عشان مافي زول يشوف اي اثار لاي حاجة في المدخل الرئيسي لاقتني طالبه وخفت تكشفني 'قلت ليها لو سمحتي انا عندي الم حاد في المعدة وصليني غرفتنا. البنت ما قصرت وصلتني وطلعت لي عياية لبستها وقلت ليها اخوي جاييني برة يسوقني الدكتور
