اها الشرطي جرا ورا صهيب لحد ما قبضو. وقال ليهو علي وين يا باشا. ياخ والله تعبتنا تعب. لكن لقيناك. اهت صهيب قال ليهو في شنو يا حضرة الشرطي. الشرطي قال ليهو :انت عارف في شنو بدلالة انك هربت وجريت. كدي تعال لحظة. ساااقو ودخلو غرفة زينة وشادية مخلوعه من الحصل قدامها وواقفه تعاين وقلبها خلاص وقع اها لمن دخلو لي زينة قال ليهو بتعرف دي منو يا سيد؟ قال ليهو بي تمتمة ممممم م بعرفها. زينة قالت ليهو خلاص نسيت العشرة سريع كدة؟ نسيت انو نحنا متزوجين ؟نسيت انو بي سببك حملت وولدت وكتلت الطفل وجدعتو في المنهول ...شادية نططت عيونها من كلام زينة ..وراسها زاتو لف. قال ليها انتي بتتكلمي عن شنو؟ انتي واحدة عايزة تتبلي علي. اها الشرطي قال ليهو احسن تعترف بي جريمتك. صهيب جريمتي شنو؟ بالله ما عارف ..اووو ما مشكلة اوريك انا؟. جريمتك انك استدرجت البنت من الشارع ركبتها في عربيتك وخدعتها لحد ما سقتها وعملت العايزو. ووبعدها بديت تبتدز فيها بالصور واتزوجتها عرفي واستغليتها. ولمن حملت منك ما وقفت معاها برضو وقلت ليها تكتلي الطفل .. عارف انو هي ما عندها جريمة غير انها كتلت طفل برئ. اما انت جرايمك كتاااار ... اها العسكري اتصل وجان بقية قوات الشرطة ورفعوهو في العربية. وشاادية اغمي عليها من هول المنظر. الدكاترة رفعوها دخلوها طوالي واتضح جاها انهيار عصبي حاد جدا . اها صهيب لمن وصلو بيهو مركز الشرطة ..كانت المفاجأة القاااتلة ..لقي بنتو سمية برضو بحققو معاها. لمن شافها نسي روحو. وجري علي سمية. الجابك هنا شنو؟ عملتي شنو احكي. نحنا بنفتش فيك. قالت ليهو انت الجابك هنا شنو يا ابوي خليني انا ..انا مصيبتي كبيرة شديد ..مسكها من رقبتها عملتي شنو يا فاجرة احكي الليلة بكتلك. اها العسكري مسكو منها ...قال ليهو الظاهر صدقت الحكمة الشبل من ذاك الاسد ..بنتك عملت نفس الانت عملتو يا استاذ ..وانت فاجر برضو زيها. انت خدعت بنت ناس وهتكت شرفها ..بنفس الطريقة الله انتقم منك وجاب اللي يهتك شرف بنتك ويغشها ويخضعها. بنتك جرايمها كتيرة. لقيناها في بيت دعارة في وضع مخل بالاداب. وسكرانة برضو. وبنتك متزوجه عرفي وبلاوي ما ليها حد. .كما تدين تدان صهيب قعد يكورك ويجوعر زي النسوان في بيت البكاء. موقف صعب جدا. البنت وابوها متهمين بنفس الجريمة رغم الاختلاف البسيط بينهم ..في انو ابوها استدرجرالبنت وغشاها ..لكن هي مشت باءدرادتها تحت مسمى الحب. والعشق والهيام. وعن زينة حالتها انتكست تاني وساءت من جديد لحد ما فارقت الحياةوتاني حسابها مع ربها الله يرحمها .. وامها واهلها سمعو بالقصة اخوها طفش من البلد وامها اتجلطت واختها اتطلقت راجلها قال ليها ده نسب ما بشرف. . وصهيب اعترف بجريمتو وحكي ليهم انو كيف استدرج زينة ..كل الكلام القالتو زينة بالتفصيل هو قالووو بحذافيرو. وجاء يوم المحاكمة. الاب وبنتو يتحاكمو في نفس اليوم ..محكمة واحدة ..والقاضي واحد. موقف مهيب جدا. ليصدر الحكم علي صهيب بالاعدام شنقا حتي الموت. لانه زاني محصن. وحكم علي سمية بالجلد 100جلدة حد الزنا و40جلدة حد الخمر ((140سوط هههه حااارة والله)) . وايضا حكم عليها بفترة زمنية معينة في السجن بغرض التاديب والاصلاح .. اما شوقي وعمر فكان الحكم عليهم كالاتي. الجلد 100جلدة حد الزنا وال40جلدة حد الخمر وايضا اتضح انهم بتاجرو بالمخدارات لذلك حكمو عليهم بالسجن المؤبد مع الاعمال الشاقة . نال كل ذي حق حقه ..استحقو العقاب الرادع ولللاذع لجرائمهم وهذا مصير كل من تسول له نفسه بالوقوع في الكبائر . واخيرا. عايزة اجيز القول. منو المسوول؟ نقول دي ثقافة البترول وسيف العولمة المسلول.؟؟♥♥♥♥♥♥♥
