اها جاد الله ..قال ليهم انا الناس اللي مؤجرة مني شقق كلهم قديمين في ناس سنة وفي ناس سنتين. الا في واحد اجر مني اسمو عطية الحجاز.ده ليهو قريب اسبوع ..وانا اجرت ليهو .. قالو ليهو وساكن وين ومكان شغلو وين؟ قال ليهم ما عارف والله. الشرطي قال ليهو انت بتاجر ساي كدة بدون اوراق ثبوتية ولا شي .. قال ليهو اي جاب لي اوراق ثبوتية وكلها صحيحة 100%. اها بعد يوم من التحقيق ..الشرطي جا راجع تاااني لزينة وبدا معاها التحقيق قال ليها يا بنت انتي متزوجة. قالت ليهو يا حضرة الشرطي انا حاحكي ليك الحكاية كلها من البداية ولحد ما وصلت للحاله الانا فيها دي :وبدت تحكي :. انا اسمي زينة ....من الولاية الفلانية كدة ((ما حاذكر الاسم احتراما للمكان وتقديرا لاهله بالرغم من انه لا يوجد مكانا الا ووجد فيها صالحا وطالحا)). جيت الخرطوم هنا للجامعه. وانا والله كنت ماسكة الدرب كوبس ومحترمة نفسي شديد. لكن في يوم من الايام طلعت زيارة من الداخلية عمتي قلت اسلم عليهم ..وعاملتني معامله كعبة شديد. وطردتني والدنيا ليل. وم عرفت امشي وين طلعت وانا منهارة شديد. وماشةلي وين ما عارفة وما كان عندي تلفون اساسا عشان اتصل لي زول او اتصرف ..وقفت في الاستوب عشان اركب اي مواصلات ومكان ما تنزلني بنزل والله كريم. اها واا واقفة كدة جات عربية برادو مظلله وقفت قدامي ..نزل منها راجل كبير بكون قدر ابوي.سلم علي. وقال لي يا بنت مالك واقفه في المكان المقطوع ده؟ انتي عارفه المواصلات هنا ما بتجي بسهولة وبالذات الزمن ده وانا دموعي اصلا ما وقفت . قال لي انتي ماشية وين يلا اركبي انا بوصلك. قلت ليهو انا ما عارفة اساسا وين ماشة. قال لي خلاص تعالي معاي اوديك لبناتي في البيت تنومي معاهم والصباح رباح ..انا اطمأنيت ليهو ووثقت فيهو ..ركبت طوالي معاهو ..مشينا مسافة طويلة شديد. لحد ما وصلنا عمارة كبيرة قال لي العمارة دي كلها حقتي انا. جزء ساكنين فيهو اولادي والجزء التاني مستثمرو. اها نزلت معاهو وطلعنا لحد وصلنا الطابق الثالث. وطلع المفتاح من جيبو وفتح باب الشقة. قال لي اتفضلي ادخلي. البنات بكون نامن. انتي نومي في الغرفة دي لحد الصباح اعرفك علي ناس البيت واحكي ليهم حكايتك. دخلت جوة الغرفة وقال لي انا حامشي المطبخ اجيب ليك حاجة تاكليها وعصير. فعلا مشي المطبخ جاب لي اكل ومعاهو عصير. اكلت وشربت.وبعدها نمت تااني ما وعيت الا الصباح ..بعد الفاس وقعت في الراس. في اللحظة دي زينة العبرة خنقتها وما قدرت تكمل .. الشرطي قال ليها اها وبعد داك سكتت حبة وقالت ليهو :خلاص لقيتو انتهك شرفي وعرضي. وطلعت برة عشان اشوف ناس البيت ما لقيت اي زول ..الا هو قاعد في الصالة وبعاين لي قلت ليهو :انت غشيتني. انت ده شنو السويتو فيني ده : قال ليها براحة اعصابك. كدي تعالي اقعدي هنا وما تكوركي والا بطلع اخليك. وتاني م حتعرفي طريقي. انا من الخوف قعدت قال لي هو انا عوير ولا غبي عشان افوت فرصة زي دي مني. معقولة الجمال ده كلو يضيع ساي. احمدي ربك اني لميتك من الشارع. وكدة كدة كان حيلاقيك اي واحد ويعمل العايزو ..وانتي محظووظة لانك لقيتيني . والله ما تسكتي وتحترمي نفسك ..دي صورك عندي ..حابشتنك بشتنة. احسن ليك تقعدي معاي وتعملي العايزو كلو وتنفدي طلباتي والا الصوور موجودة. انا ما كان عندي خيار غير اوافق لي طلبو وفي اللحظات الاخيرة يئست شديد قلت خلاص هو شرفي وضاع تاني ما فارقة لو اتكلمت او سكتت. قال لي خلاص. ديل ورقتين انتي امضي وانا حامضي وبي كدة نكون متزوجين. وفعلا مضيت علي الورقة
نتابع
