اها سمية خلاص وافقت علي خطة عمر لكن خايفه خوف شديد ..فعلا انتهزت الفرصة المناسبة ورنت جرس لي عمر. طوالي قال ليها خلاص مسافة السكة. يلا في الزمن ده وكان زي الساعه 11صباحا وعمر عشان يصل بيت ناس سمية عايز ليهو زي ساعه ونص ...اها في الزمن ده حصلت حدث فظيع. واللي هو اتصلو لحبوبة هتلر قالو ليها بيتك حصل فيهو حريق كهرباء تجي سريع ..من الخلعة وبتكورك. اجرو يا ناس بيتي حرق ..كر علي ساعدوني. اها من الحصل لي بيتها بقت ما قادرة ترمز كويس جرت فتحت الغرفة بتاعه سمية لفحت توبها وبقت جاارية علي باب الشقة ..صهيب لحقها عشان يوصلها بالعربية وبرضو شادية من الخلعة جرو كلهم بيت حبوبتهم ..لكن سمية ولا اشتغلت بالموضوع وهم ذاتهم نسو حاجة اسمها سمية من الهجمة هههه. سميه قالت يحرق بيتها ياااخي ان شاء الله تحرق بي جاز وتريحنا العجوز الفقر دي ..الحمد لله ارتحت من خلقتها. اها في اللحظة دي عمر اتصل ليها .قال ليها انا جيت وحاليا في مدخل العمارة. قالت ليهو اطلع سريع مافي رمن اها لمن دخل لقاها براها. قال ليها وين ناس بيتكم. قالت ليهو الله يخليك ياخ م تجيب لي سيرتهم احمد ربك انهم جاتهم حريقة في الوقت المناسب والا كان اتقبضت بي نقابك ده ...والله مفترض تمشي داعش بس. ههههه قالت ليهو يلا نطلع من هنا سريع ..نشوف لينا مكان وانا تاني البيت ده ما راجعه ليهو والعرس العايزين يعملوهو ده. .يطرشق ولا يتفرتق في ستين كلهم .. وطوالي هم الاتنين طلعو سريع. وركبو في عربية واحد صاحب عمر. .مؤجرين الشقة سوا ..ولمن سمية تكون مع عمر في الشقة بقول لي صحبو ما تجي. الا بعد المزة دي تطلع ((مزة في عينك انت وامثالك)).. لكن الاوضاع لي قدام حتختلف شديد. اهاا من طريقهم دااك وعلي شقة عمر وصحبو. وصلو الشقة ودخلو هم الاتنين وصاحب عمر واسمو شوقي قال ليها بجيك بعدين يا مان نروق ونظبط المزاج ..هسه اخليكم يلا باي ..ومشي خلاهم قاعدين في الشقة وكالعادة هم والشيطان والحرام في مكان واحد ((ربنا يحفظنا ويسترنا) ). اها شوقي ده عندو حبيبتو او صحبتو ولا شنو ((الفاظ الشباب بتاعة الايام دي ههه)) .اسمها زهرة. مشي لاقاها في مطعم كدة وقعد واتونس معاها وقال ليها انا سايقك معاي لي صحبي وزوجتو اعرفك عليهم قالت ليهو اوكي بمشي معاك ((تمشي معاهو وين؟ يمشي فيك لستك هههه راجلك هو ..غايتو الله يهديكم )). اها وافقت الغبية تمشي معاهو. وشوقي اتصل طوالي لي عمر :اسمع يا فردة عليك الله ظبط الوضع كويس ..جايب مزتي وجاي عليكم ((الواحد من يقول مزة ده ماااا محترم ولا بحترمك ولن يتزووجكي تقطعيهو معاهو ستة صفر بلا مزة بلا بطيخ)) . زهرة مشت مع حبيبها العزيز. شوقي الشوك اليقدد عيونو .وصلو ودخلو سلمو علي جوز اللوز ..اها عمر مجهز القعدة كويسـ.. طلع ليهو مشروب كدة من التلاجة شكلو مسكر سقاهو ليهم. .وهو وشوقي طلعو ليهم كيس بدرة. وقعدو يشمو فيها. والاربعه سطلو علي الاخر ودخلو في حالة تانية وزغم كدة عاااايشين حياتهم ..اها سكان العمارة ليهم كم يوم شاكين في الشقة دي بالذات لانو كل يوم بدخلن بنات اشكال وانواع فيها ..اها في العمارة دي في ضابط شرطة السكان بلغوهو بالحاصل ....الضابط بعد اتاكد فعلا انو في ناس هنا ...بلغ باقي الشرطة وطوووالي داهمو ليك الجماعه الحلوين ههه ...جاااك الموت يا تارك الصلاة.
