. في بنت من بنات الداخلية ..الشرطي حقق معاها ... ومن خلال الاستجواب ..كانت بتحكي: انا كالعادة بصحي الساعه 4صباحا لاني ممتحنة ..اها صحيت ودخلت الحمامات عشان اتوضي اصلي لي ركعتين وابدى قراية ..دخلت الحمام ..في خشم الباب. واللي هو المدخل الرئيسي للحمامات ..سمعت صووت. بتاع زول زي بئن كدة ومتالم ..خووفت خوووف وجريت جري لمن عرقت. قلت خلاص الداخلية مسكونة ..وم كان في بت صاحية ..انا من الخوف ما قدرت انوم ...لحد زي الساعه 6الا ربع اتشجعت وقلت امشي الحمام وفعلا فتحت باب الغرفة عشان اطلع. الوقت ده في بنات لسه م صحو من النوم ولاننا في الطابق الرابع دخلت الحمامات لقيتها مليانة لانو البنات من السطوح حمامات الطابق الرابع قريبة ليهم بدخلوها طوالي ..قلت خلاق انزل لحد الطابق التالت ما لقيت موية ... لمن نزلت الطابق التاني. لاقتني بنت واااحدة طالعه وشكلها متااالمة وما قادرة تمشي عديل وماسكة بطنها ..قالت لي يا اخت انا عيانة شديد ..وبطني بتوجعني .. عليك الله بس وصليني لحد غرفتي ما قادرة اصل حاسة نفسي حاقع في الارض .. اها ساعدتها لحد ما وصلت الغرفة. ولقيت غرفتهم فاضية ..قلت ليها وين ناسك قالت لي ديل فوق نايمين. وم بصحو هسه لانهم شغالين الساعه 10محاضرات .. اها بعد دخلتها نامت في السرير واتصلت لي واحد اسمو صهيب. قالت ليهو يا صهيب تعالي لي ضروووري في الداخلية ..وانا ما سالتها قلت خلاص صهيب ده اخوها. وفعلا طلعت ليها من شنطتها عباية وطرحة ..لبستها ..وطوالي زي الساعه 6كدة صهيب اتصل ليها ... قال ليها انا برة يلا تعالي ..قالت لي عليك الله وصليني لحد باب الرسيبشن ..اها باب الرسيبشن لقيناهو مقفول ..الا ضربناهو شديد حتي الحرس صحي فتحو لينا سندتها لحد ما وصلت الباب والولد ساقها من يدها دخلها جوة .. الشي اللي خلي الشرطي يحقق مع البنت دي بالذات .. الحرس بتاع الداخلية حققو معاهو. وفي اقوالو ..وعلي حسب انهم بفتشو في الغياب ..والزمن اللي غايبين فيهو البنات بعد الجريمة .. اها الحرس قال انا امس زي الساعه 6صحيت صليت الصبح ورجعت اخدت غفوة ما صحيت الا علي صوت الباب بضرب بشدة فتختو لقيت الطالبه ..وقال اسمها عفراء لانو بحكم شغال فترة بعرف البنات كلهم ... قالت لي يا عم سعد عليك الله الطالبة دي عيانة وحيوديها اخوها الدكتور وفعلا في راجل كبير ..ساقها وركبت معاهو. والصراحة نسيت اسالو من اثبات الشخصية لانو دي اساليب امنية بنتبعها بالذات لمن يكون الزائر رجل .. والبنت علي كدة مشت. اها الشرطي من خلال التحقيقات مع الجميع وربط الاحداث ببعض ..اتضح ليهو انو البنت اللي اسمها زينة دي ..احتمال 99%تكون مرتكبة الجريمة لانو كل الادلة ضدها. الرحلة التانية حتكون رحلة البحث عن زينة. كيف الشرطة حتقبض زينة ووين ومع منو ..وزينة مشت مع صهيب وين؟ .
