. انتي لي يا حبوبة كدة بتتسلطي علينا دايما ..وانا ود عمتي ما بعرسو واعملو العايزينو. حبوبتها دي يا اخواننا. .مرة عندها كلمة حتي في الرجال لو قالت كلام خلاص بعدو تاني ماااافي. ..مفترض يسموها حبوبتي هتلر هههههه. اها الحبوبة قالت ليها. والله والله وانا حلفت ما تعرسي الا ود عمتك ده بالذات واشوف البمشي كلام منو. ؟ يا قليلة الادب يا عديمة الحياء. سمية جرت جري دخلت الغرفة وتااااخ قفلت الباب. اها السيدة هتلر واقفة طبعا علي طولها ما قعدت قالت لصفية هاك التلفون ده. اتصلي لي للاسمو صهيب ده خليهو يجي هسه اها صفية اتصلت لي صهيب. وكلمتو قال ليها جاي هسه مسافة السكة. صهيب يا جماعه رجع لي زينة تاني. قال ليها انتي مالك ياخ كرهتيني التلفونات. عايزة تعملي لي مصيبة انتي زينة انا عيانة يا صهيب. بنزف كتير لي يومين وراسي بلف ومرات قدامي ما بكون شايفة انا كدة بجيني فقر دم. انت وديني عالجني وخلاص تاني ما بضايقك. اها قال ليها خلاص. انتي شايفة هسه ناس البيت اتصلو لي امشي ليهم واجيك راجع. اها دور العربية..وعلي وين؟ ؟ ع بيتو. فتح الباب ودخل ..لقي امو سلم عليها. اها قالت ليهو تعال اقعد لي هنا. وافتح اضانك كويس بنتك سمية وعمار ود صفية خلاص حنعرس ليهم مجرد ما عمار ينزل اجازتو. البنت كبرت وانت فاكيها زي الحصان تنط هنا وتنط هنا. قال ليها حاضر يا امي. قالت ليهو اسكت هووووس انا كلامي ما تميتو ما تقاطعني يقطع راسك ((قطعة الراس جاياهو هههه ما تستعجلي ي هتلر )) اها صهيب بلع لسانو جوة تب هههه. قالت ليهو .تعرس ويسوقها برة يريحنا من خلقتها دي ومن يوم الليلة البنت دي ما تطلع من البيت لحد العرس يتم.تقفلها في الغرفة ..وانا زاتي حاحرسها ليكم ♥♥ وبيتي ما ماشية ليهو قاااعدة لحد ما اعرس ليها المطلوقة .. شادية واقفة وتعاين وخشمها ما قادرة تفتحو. ((دي هتلر عاد كيف يتكلمو معاها هههه)) اها قالت لي صهيب العندي وقلتو خلاص. صهيب قال ليها والله انا زاتي كنت بفكر زيك كدة واحسن ما عملتي يا امي ..خير وبركة ..لكن يا امي عمار لو ما وافق! قالت ليهو :نعم! ما يوافق. والله ده كلام تاني .. كدي خليهو يفتح خشمو ويقول لا ما عايزها. عشان الوي حنكو كيف. قال ليها خلاص يا امي انا معاك اي حاجة تعمليها موافق عليها. بالنسبة لي زينة تعبت شديد وجاتها مضاعفات ما بعد الولادة لبست عبايتها وماسكة بطنها. وطلعت من الشقة .وبسبب السلالم الالم زاد عليها وجاها النزيف من جديد ..وبقت تصرخ باعلي صوت عندها وتبكي اها م قدرت تنزل لحد الطابق الارضي وقعت قبل ما تصل السلم في الارض واغمي عليها ..ودمها ملاء الارض سكان العمارة شافوها. طووالي اتصلو بالشرطة وبعدها الاسعاف وودوها المستشفي واتضح انو البنت دي والدة ليها كم يوم .ومن المضاعفات الكتيرة والنزيف. فقدت سوائل وجاها فقر دم طبعا كل الكلام ده الشرطة سجلتو في الملف .الدكتور قام بالواجب ولقو ليها متبرع بالدم وحالتها شبه استقرت وبدت الشرطة في تحقيقاتها وفي التحقيق مع سكان العمارة. قالو نحنا والله ما حصل شفناها هنا. .وما عارفينها في العمارة دي. الا حارس العمارة طبعا دة الوحيد اللي بعرف الداخل والمارق. منها. لمن سألوهو قال :والله البنت دي شفتها قبل كم يوم مع راجل لكن ما عارف اسمو لانو جديد شكلو ساكن ..الا تسالو مالك العمارة. اها الدكتور. قال للشرطي ما ينفع تحقق معاها هسه الا بكرة الصباح وانا بديكم خبر. الشرطة وصلت لي صاحب العمارة وفعلا حققت معاهو اها صاحب العمارة واسمو جاد الله. قال ليهم .....
