مابعد الرحيل
الفصل الثالث عشر
فات يومين على خطوبه جاسم وكان قاعد على ركبه جنب مايسه قرب حوض الورد وقالها بهيام.
-: مش مصدق لحد دلوقتى أننا أتخطبنا خصوصاً أن باباكى كان رافض مبدأ الخطوبه من الأساس رغم أن أى واحده تتمنى أنها تكون خطيبتى بس النصيب كده مكتوبلى ياحبيبتى.
-: عارف ياجاسم هقولك على حاجه أول مرة تعرفها أنا معرفتش معنى الحب غير معاك ربنا يخليك ويديمك نعمه فى حياتى ...سكتت ثوانى وكملت: ممكن أطلب منك طلب.
جاسم بإبتسامه عذبه : حبيبتى تأمر وأنا عليا التنفيذ خير.
-: الأمر لله هو ممكن تفضل معايا النهاردة أصلى فرحانه أوى وحاسه كأنى طايرة من السعاده.
-: لو عليا عاوز أفضل جنبك على طول بس ماينفعش لأزم أرجع الشركه لأن الحمل بقى كتير أوى على أمجد الفترة اللى فاتت وكتر خيرة شايل الشركه لوحدة معلش حقك عليا وأوعدك هعوضك فى أقرب فرصه.
مايسه بإن فى عينيها الحزن : ماتشغلش بالك أهم حاجه راحتك عندى بالدنيا وإن كان عليا نفسى أفضل جنبك بس الشغل أهم علشان مايتعطلش.
جاسم حس بزعلها فطبطب علي كفتها بحنيه.
-: عارف أنك زعلانه خلاص هأقعد معاكى النهاردة كمان.
مايسه قالت برفض : لا ياجاسم روح شغلك علشان محدش يقول أنى معطلاك ومتتأخرش عليا.
جاسم بصلها بفرحه وبيكلم نفسه وهو سعيد أنه أختار صح فأبتسم إبتسامه عذبه وكمل : عارفه يامايسه أنتى كل يوم بتعلى فى نظرى وبتخلينى أحبك وأتمسك بيكى أكتر علشان خايفه عليا وعلى مصلحتى شتان الفرق بينك وبين داليا ..بالظبط زى السما والأرض أنتى نجمه عليا وهى وصلت نفسها للحضيض.
-: ماتعرفش كلامك ده أسعدنى قد إيه وتمنى يجى اليوم اللى أبقى فيه مراتك.
جاسم أبتسملها بحب وبص فى عينيها بعشق : وأنا بستنى اليوم دة بفارغ الصبر يا ماستى ونور عينيا أنتى الهوا اللى بتنفسه.....ضحك جامد وكمل بطريقه طفوليه : صبرنى يارب لحد ما أكتب كتابى عليها.
مايسه قالت بأبتسامه هاديه: يلا بقى روح شغلك علشان لو فضلت قاعد جنبى مش هتتحرك.
جاسم أعتدل فى وقفته وهى قالتله بحب: خد بالك من نفسك وسوق على مهلك لا إله الا الله.
-: محمد رسول الله.
مايسه فضلت تبص عليه لحد ما ركب عربيته وأختفى من قدامها وباباها راح لها ووقف وراها وقال بضيق.
-: وبعدين معاكى أنا غلبت كلام فيكى اللى بتعمليه دة غلط يا مايسه أنا خايف على مشاعرك لتسيطر عليكى وتضعفى قبل جوازكم.
مايسه ألتفت لباباها وقالت بحزم : أنا معملتش حاجه غلط أحنا كنا قاعدين جنب بعض بمنتهى الأحترام والأدب صدقنى لو مش عارفه أن جاسم بيحبنى وخايف عليا ماكنتش أتخطبتله.
أنت تقرأ
مابعد الرحيل
Romanceقابلها صدفه ثم أعجب بها ليتحول الإعجاب سريعا إلى حب واجهوا الكثير من الصعوبات واستطاعوا مواجهتها ثم تزوجها ومع ذلك تبقى الصعوبات فى طريقهم ولكن حبهم كان اقوى من اى شىء .... بالإضافة أنه غيور بطبعه ولكن مهلا فهناك الكثير بانتظارهم.
