الفانز الحلوين مش هاوصيكم زى كل مرة عاوزة تفاعل حلو على الفصول بلاش أتفرج وأجرى 😂😂😂عاوزكم تدعمونى وبلاش تطنشونى فسعادتى تكتمل بوجودكم معى دومتم ودامت قلوبكم 😘😘😘😘قراءة ممتعة بإذن الله تعالى وكل جمعة وأنتم طيبين.
مابعد الرحيل
الفصل الثالث والعشرون
تانى يوم كان جاسم قاعد على كرسى فى إستراحه المستشفى ومغمض عينه وساند دماغه على الحيط وضامم دراعاته حوالين صدرة وفجأة باباه طلع من الأوضه اللى فيها مايسه وراح قعد جنبه.
جاسم أنتفض من مكانه مفزوع وبص لباباه وهو بيسأله عن مراته بلهفه: ها يابابا طمنى مايسه عامله إيه دلوقتى؟
محمد إتنهد بحزن وكمل : والله لسه زى ماهى بل أسوء....كان بيتفحص ملامحه الحزينه وقاله : برضه مش هتحكى إيه حصل بينكم إمبارح وليه مراتك حاولت تنتحر.
جاسم غمض عينيه بألم وفتحهم تانى ودمعه كانت بتهدد بالأنهيار طلع من جيبه الظرف وأعطاها لباباه وهو بيقول بحزن.
-: شوف الصور دى.
محمد فتح الظرف اللى فيه الصور واللى شريف مصورها بطريقه محبوكه لمايسه وهى معاه فضل يقلب فيها وبحدس أب فاهم وله خبره عرف إن الصور مفبركه.
ظهرت على شفايفه إبتسامه جانبيه بسخريه وقال بتريقه: إيه يعنى شويه صور متفبركه فوتو شوب وأى حد سهل يعملها وأنت طبعا صدقت حبه صور خايبين زيك وشريف نجح يزرع بذرة الشك فى قلبك من ناحيه مراتك.
-: يعنى لما يقولى فى الجواب أن مراتى حلوة وأنى عايش فى وهم وسراب حبها ولما أشوف الصور دى كنت عاوزانى أعمل إيه كل اللى عملته إنى سيبتها لحد ما أهدى وأعرف أفكر صح بس ماكنتش أعرف إنها هتتهور وتحاول تتخلص من حياتها بالطريقه دى.
-: وتفتكر يعنى إنها ممكن تسامحك بعد شكك فيها؟
جاسم بص لباباه وأتنهد بالم: أنت تقدر تخليها تسامحنى.
محمد زعق فى أبنه بحده : إسمعنى ياجاسم أنت غلطت ولازم تتحمل تبعات شكك وللعلم أنا هقف فى صف مراتك حتى لو طلبت الطلاق.
جاسم بص لباباه بصدمه ومش مستوعب الكلام وفضل مستغرب معقول هيقف فى صف مراته ضده الصمت خيم عليهم فترة كبيرة فبلع ريقه بصعوبه شديدة وقال : حضرتك بتتكلم جد؟
-: طبعاً طالما إنت إنسان شكاك ومش بتثق فيها.
جاسم وهو لسه فى حاله ذهول: مش هطلقها ده أنا مصدقت أتجوزها بابا أرجوك بلاش الكلام ده لانه بيوجعنى.
محمد كان فاهم أبنه بس حب يعاقبه علشان يبطل غيرته العاميه اللى بتسبب له مشاكل وقال بمكر : والله لو أصرت على كده هعملها اللى هى عاوزاة دى بنت أغلب من الغلب وإنت كملت عليها وكمان سيبتها ولاهمك.
جاسم قاله برجاء :بابا أرجوك.
محمد قال بعتاب : بقولك إيه ماتتعبش نفسك البنت دى عانت كتير من يوم ماخطبتها لحد ما أتجوزتها وبقولك أنا معاها فى أى قرار هتأخده سواء دلوقتى أو بعد كدة وسيبنى أروح الشركه أشوف الدنيا ماشيه أزاى.
أنت تقرأ
مابعد الرحيل
Romanceقابلها صدفه ثم أعجب بها ليتحول الإعجاب سريعا إلى حب واجهوا الكثير من الصعوبات واستطاعوا مواجهتها ثم تزوجها ومع ذلك تبقى الصعوبات فى طريقهم ولكن حبهم كان اقوى من اى شىء .... بالإضافة أنه غيور بطبعه ولكن مهلا فهناك الكثير بانتظارهم.
