حلقه صغيرة مكمله للفصلين العشرين والواحد والعشرين
فلاش باك
قبل فرح جاسم ومايسه باسبوع وبعد ماطلع شريف من العزبه وركب عربيته علشان يرجع بيته راح لقى عربه بوكس كبيرة واقفه قدام البيت وفى انتظارة فهم ان النيابه العامه استوفت كل الاستجوابات معاة بشأن قضيه الطيارة وان التحقيقات انتهت ركب معاهم العربيه من سكات ووصل القسم واخد 4 أيام على ذمته التحقيقات بعدها اتحول على محكمه الجنايات اللى صدرت ضدة حكم ب25 سنه سجن اشغال شاقه مؤبدة بتهمة اتلاف ممتلكات عامه وخاصه وتعريض حياة الركاب للخطر اما بالنسبه لقضيه مقتل مجد فمصلحه الطب الشرعى لسه ماتبتتش فيها لحين أنتداب طبيب شرعى جديد يشرح جثه مجد ويعرف حقيقه وفاته وأتسجن شريف وبعد يومين كان فى استراحه للسجناء وكان من شروط السجن استخدام الموبايل لمدة 5 دقايق فقط وبعد كدة كان بياخدوة منه اتصل بداليا واول مارن اتنهدت بارتياح لانها كل ماكانت بترن عليه محدش بيرد.
- :ايوة ياشريف انت فين عماله ارن عليك ومابتردش.
- : انا فى السجن ياداليا .
داليا تنحت وردت بصدمه: فى السجن ؟ مش كنت قلتلى ان الاستجواب هيطول ؟
- : فعلا قلت كدة لكن اول ما طلعت من العزبة بعد ماجاسم شافنى وانا بتقرب من مراته وركبت عربيتى وانا راجع لقيت عربيه البوكس واقفه مستنيانى طبعا ركبت معاهم ولما وصلت القسم بت فى التخشيبه وتانى يوم حولونى لمحكمه الجنايات وصدر قرار ضدى ب25 سنه سجن المهم سيبك من الكلام دة كله وتعالى حالا السجن احنا دلوقتى فى فترة الزيارة محتاج اقعد معاكى علشان أقولك على اللى المفيد.
-: تمام نص ساعه واكون عندك
داليا طلعت من الفيلا وركبت العربيه ووصلت السجن وهناك قابلت شريف راحتله وقعدت قدامه.
شريف بهمس علشان محدش يسمعة : اسمعينى ياداليا مافيش وقت كتير للكلام خدى الظرف اللى كنتى طلبتينى بيه اهوة انا عملتلك اللى انتى عاوزة قبل مااتسجن وكان المفروض انفذ المهمة دى المهم بعد ما تطلعى من هنا هتروحى لكافيه......... وهناك هتقابلى واحد اسمه بعد المنعم الراجل دة كنت اعرفه وبتعامل معاة على طول لما تروحى اتصرفى علشان تقابليه وألفى اى حاجه من دماغك المهم بعد ما عبد المنعم مايسمع لك اعطيه الظرف دة واطلبى منه يروح لجاسم يوم فرحه ويحط الظرف فى جيبه ولما هايفتح الظرف كل حاجه هتم زى ماكنتى عاوزة .
-: ايوة ياشريف طب وانت؟
شريف : معرفش ياداليا سيبك منى واعملى اللى قلتلك عليه .
انتهت الزيارة وطلعت داليا ووصلت الكافيه اللى وصفه شريف لها ونزلت من العربيه وعملت نفسها داخيه وبتترنح لحد مادخلت وقعت على اقرب كرسى وهى بتمثل انها تعبانه لحد ماشافها المدعو عبد المنعم وراح لها وقعد قدامها فى الكرسى المقابل وهى لسه مستمرة فى تمثيلها لحد ما عبد المنعم اتكلم .
- : انتى كويسه يامدام .
داليا وعملت نفسها بتعيط وبتشهق وهو طلع من جيبه منديل واعطاة لها . واخدته منه ولسه بتعيط بدموع التماسيح .
- : ارجوكى كفايه عياط انا مش بستحمل العيون الجميله دى تعيط .
داليا ردت بفحيح أفعى زيها :غصب عنى مش بايدى اصل الخاين الغشاش جوزى هيتجوز عليا بكرة نسى حبى له .
- : لا ملهوش حق طبعا معقوله يسيب القمر دة ويتجوز عليها واحدة تانيه المهم قوليلى ايه اللى اقدر اقوم بيه لكى ياست الكل ؟
داليا بمكر وطلعت من شنطتها ظرف واعطته لعبد المنعم.
عبد المنعم بص باستغراب للظرف وبعدين اتكلم :حكم لامؤاخذة مش فاهم ايه دة ؟
-: بص الظرف دة فى جميع ذكريتنا مع بعض وجوابات الحب اللى كانت بينا كل المطلوب منك تروح بكرة القاعة اللى فيها فرحه واعطيه الظرف دة اكيد لما هايفتحه ويفتكر حبنا يمكن نرجع لبعض.
-: ممكن تعطينى صورته اشوفها .
- : اه طبعا ...... طلعت من شنطتها صورة لجاسم واعطتله الصورة.واتكلمت بدموع مزيفه : هو دة جوزى .
عبد المنعم بذهول : يادين النبى دة جنتل مان أوى لكى حق تغيرى عليه المهم هاتى الظرف اعطيه له وربنا يصلح الحال وترجعوا لبعض .
داليا قالت بخبث افعى : يسمع من بوقك ربنا المهم عاوزاك تحط الظرف دة فى جيبه وتمشى من سكات اتفقنا .
- : انتى تأمرى ياقمر .
ظهرت ابتسامه شر على وش داليا وهى فرحانه أن خطتها هتنجح .
إنتهى الفلاش باك
أنت تقرأ
مابعد الرحيل
Romanceقابلها صدفه ثم أعجب بها ليتحول الإعجاب سريعا إلى حب واجهوا الكثير من الصعوبات واستطاعوا مواجهتها ثم تزوجها ومع ذلك تبقى الصعوبات فى طريقهم ولكن حبهم كان اقوى من اى شىء .... بالإضافة أنه غيور بطبعه ولكن مهلا فهناك الكثير بانتظارهم.
