الفانز الحلوين عاوزة تصويت حلو زيكم كدة دومتم ذوقين😘😘😘😘😘😘قراءة ممتعه أن شاء الله.
مابعد الرحيل
الفصل الواحد والعشرون
مايسه بعد الكل ما سابوها فضل جاسم جنبها نام على الكرسى اللى جنب السرير اللى هى نايمه عليه ففضلت تتأمله بعشق ولعبت فى شعره وبتدعى إنه يخليه لها جاسم فتح عينه فجأه وظبطها وهى متلبسه بتأمله وعمل نفسه نايم بعد شويه ضمها بقوة وإبتسملها وهى بادلته أبتسامتها وقالها لها بحب جارف.
-: عامله إيه دلوقتى.
-:أنا كويسه ياجاسم صحيح اللى حصل ماكنش سهل وكنت هموت من كتر الخوف ساعه لما قربت العفريته أوشبح الست المرعبة دى واللى متأكده أنها داليا بس الحمد لله وجودك جنبى طمنى وحسيت بالأمان معاك.
جاسم حط كف إيده على وشها وهو مبتسم وكمل :روح قلبى طول ما أنتى معايا ومهما حاولوا هتفضلى هنا...... شاور بإيدة ناحيه قلبه : مهما بعدونى عنك مش هأبعد هفضل جاسم حبيبك وأنتى حبيبتى وكل ماليا .
مايسه قالت بخوف :أنا خايفه آوى ياجاسم الأيام تبعدنا وتفرقنا عن بعض خايفه أوى.
جاسم قال بحنيه :مستحيل هأسمح لحد يفرقنا.
مايسه ردت بأمل: يارب وتفضل تحبنى طول العمر.
-:ويخليكى ياقلب جاسم.
شويه والباب خبط وجاسم بعد عنها وإذن للطارق بالدخول.
-:أدخل.
الكل دخل يطمنوا عليها.
باباها سألها عن حالها :إزيك دلوقتى يابنتى.
-:الحمد لله يابابا أحسن.
فوزيه ردت وهى بتضرب كف على كف رافضه اللى بيحصل لابنتها : ياعينى عليكى يابنتى والله ما عارفه هما عاوزين منك أيه عملتيلهم أيه علشان كل شويه عاوزين يخلصوا منك.
جاسم أتكلم بثقه: أطمنى ياطنط أنا بعت واحده ورا داليا تعرف عنها كل صغيرة وكبيرة وتراقبها.
مايسه سألته بدهشه :طيب وليه ماقلتليش ياجاسم.
-:مايسه من ساعه ماشوفت الصوابع معلمه على رقبتك وأنا شاكك فيها وماسكتش وكلفت واحده تدخل الفيلا على أنها خدامه وتراقبها وتقولى كل حاجه بالتفصيل الممل أطمنى لأن لو طلع أحساسى صح مش هعتقها.
مايسه ردت بخوف: لا ياجاسم بلاش علشان خاطرى.
جاسم قال بضيق: ولحد إمتى هفضل ساكت لازم أعلمها إنها ماتجيش جنب حاجه تخصنى وأنتى ملكى ياحبيبتى.
شويه وموبايل جاسم رن فتحه ورد على طول.
-:أيوة ياست فاطمه وصلتى الفيلا ولا لسه.
-:أيوة ياسعادة البيه لسه واصله حالا.
-:تمام زى ما أتفقنا تسمعى كل كلمه هتقولها وتبلغينى أول بأول مفهوم.
- :حاضر ياسيدى.
جاسم قفل معاها وبص لمايسه وكمل :خلاص الست اللى كلفتها راحت الفيلا وهتبلغنى وياويلها داليا لو أتاكدت شكوكى وظنى طلع فى محله ....المهم تستريحى وماتشغليش بالك خالص.
*********************
فى فيلا السويفى .
الجرس رن وفتحت داليا بقميص نوم زهرى وعليه روب خفيف بصت لفاطمه من فوق لتحت بفوقيه وأتكلمت بعجرفه.
أنت تقرأ
مابعد الرحيل
Romanceقابلها صدفه ثم أعجب بها ليتحول الإعجاب سريعا إلى حب واجهوا الكثير من الصعوبات واستطاعوا مواجهتها ثم تزوجها ومع ذلك تبقى الصعوبات فى طريقهم ولكن حبهم كان اقوى من اى شىء .... بالإضافة أنه غيور بطبعه ولكن مهلا فهناك الكثير بانتظارهم.
