الفانز الحلوين بزيادة الفصل الأخير والتانى نزل أهو تفاعلوا بقى وإن شاء الله هانزل الخاتمة يوم الجمعة مش قبلها وبتمنى أن القصه تكون عجبتكم ودومتم ذوقين😘😘😘
مابعد الرحيل
الفصل 33 والأخير
جزء تانى
عدى أسبوع على وجود جاسم فى الفندق وبيستعيد شريط ذكرياته مع مايسه بيقلب فى صورها هى وأبنه حبه وأحلامه الجميله معاها أنتهت أتنهد بألم وأتصل على صاحبه ورد عليه.
-: إزيك يا أمجد.
-: حبيبى والله كنت لسه على بالى علشان أعرفك أن التذكرة خلصت وجهزت ولازم نروح المطار بدرى علشان نخلص الأجراءت هناك.
-: طب أنت فين دلوقتى؟
-: قدامى بالظبط نص ساعه وأكون عندك .
-: خلاص مستنيك ... بس أوعى تكون قلت لحد.
أمجد رد بارتباك : آآ لا طبعا أنت قلتلى ماعرفش حد.
-: تمام.....جاسم قفل الفون ورجع أتنهد بمرارة ولبس هدومه وشرب قهوته وهو ماسك صور مراته أخد نفس عميق وشال شنطته ونزل يستنى أمجد فى الريسبشن.
جاسم وهو بيبص فى صورهم بشوق: هتوحشونى أوى...هتوحشينى ياضى عينى عارف أنى عذبتك بغيرتى وشكى بس بتمنى من كل قلبى تلاقى الحب مع شوكت هو هيقدر يحافظ ويخاف عليكى أكتر منى...كنتى بين أيديا ياحبيبتى بس أنا اللى كنت غبى ماستاهلكيش وماستاهلش حبك....مسك صورة أبنه وكأنه واقف قدامه بيكلمه :وأنت ياحبيب بابى ماستاهلكش كنت هخسرك زى ماخسرت أخوك...دموعه هددت بالأنهيار وحس بخنقه لا عارف يرجع حبيبته ولاحتى قادر يتخيلها هتكون مع غيرة.
أمجد حاول يتصل بمايسه لكنها ماكنتش بترد قرر أنه يوصل جاسم المطار وبعدين يتصل بيها بعد نص ساعه وصل الفندق ودخل لقى جاسم مستنيه.
-: أتاخرت عليك؟
-: لا المهم التذكرة معاك ؟
-: أيوة أهى أتفضل .......أمجد أعطى التذكرة لجاسم وفضل يفر فيها.
ظهرت أبتسامه سخريه على شفايفه وغمض عينه بمرارة : يلا الطيارة قدامها ساعتين يدوبك على ماوصل وأخلص الاجراءات يكون الساعتين فاتوا.
أمجد ضرب بأيدة على جبهته أزاى نسى أن الطيارة قدامها ساعتين بس وشرد وجاسم أستغرب موقفه.
-: مالك؟
-: ولاحاجه يلا علشان منتأخرش.
جاسم ركب العربيه جنب صاحبه وطول الطريق أمجد بيفكر أزاى يوصل لمايسه ويبلغها قبل سفر جاسم لحد ماوصل لأقرب بنزينه ووقف العربيه.
جاسم أستغراب تصرفات صاحبه وسأله باستفهام : رايح فين؟
امجد بأرتباك : أصلى عطشان هروح أجيب مياة من السوبر ماركت اللى جنب البنزينه.
-: تمام.
أمجد نزل من عربيته وجاسم مندهش بسبب صاحبه وأول أمجد مادخل السوبر ماركت أتصل على مايسه وردت.
-: خير يا أمجد؟
-: بتصل بيكى علشان أبلغكم أننا قدامنا ربع ساعه وداخلين على المطار وطيارتك أنتى وجاسم كمان ساعتين.
أنت تقرأ
مابعد الرحيل
Romanceقابلها صدفه ثم أعجب بها ليتحول الإعجاب سريعا إلى حب واجهوا الكثير من الصعوبات واستطاعوا مواجهتها ثم تزوجها ومع ذلك تبقى الصعوبات فى طريقهم ولكن حبهم كان اقوى من اى شىء .... بالإضافة أنه غيور بطبعه ولكن مهلا فهناك الكثير بانتظارهم.
