خاتمه القصه نزلت ياحلوين وبكدة تبقى القصه خلصت وأتمنى أنها تكون عجبتكم ودومتم ذوقين 😘😘😘😘😘😘
الخاتمه.
#جاسم_مايسه
فات ثلاث سنين ونص جاسم ومايسه أولادهم كبروا وكانت بتكبر معاهم شقاوتهم ودة كان مخليه مهووس بيهم خصوصاً أنهم واخدين ملامح أبوهم وأمهم مهند بقى عندة 7سنين وزياد وآسيل 3 سنين وكالعادة جاسم بيلعب مع ولادة هو ومايسه كان بيحبهم بجنون أما هى فكانت لسه حامل جديد ويدوبك بطنها لسه صغيرة وفى يوم قررت أنها ترجع المرسم والمعرض بعد ما أهملتهم وأهتمت بجوزها وولادها هو شافها لابسه ومتذوقه ودة عصبه جدا .
بص لمايسه بضيق وقال :ممكن أفهم لابسه ومتذوقه وراحه فين كدة دلوقتى؟
-: هنزل المرسم طبعاً ياحبيبى.
جاسم بغيرة : مافيش نزول يامايسه .
مايسه حطت أيدها فى خصرها وقالت بضيق : ممكن أفهم ليه.
-: أولاً لما تحبى تتكلمى معايا ماتحطيش أيدك فى وسطك ثانياً قلت مافيش نزول يعنى مافيش نزول.
مايسه لفت أيدها حوالين رقبه جاسم وردت بدلع : حبيبى أنت عارف كويس أنا بحب الرسم قد أيه وأهملت المرسم والمعرض من يوم مارجعنا لبعض وخلفت زياد وآسيل وولادنا كبروا وبعدين أنت اللى طلبت منى زمان أنى أفتح معرض بأسمى وحققت فيهم أنجاز كبير مع ذلك أبديت أهتمامى ليك وللاولاد يبقى أيه المانع أنى أرجع أفتحهم تانى.
جاسم قالها بغيرة : المانع أنى بحبك وبغير عليكى هو المعرض دة مش فيه رجاله؟
-: أيوة بس عادى أنا بتعامل معاهم كلهم وبعتبرهم أصدقاء وأخوات مش أكتر.
جاسم قالها وهو عينه على كل ملامحها اللى بيعشقها : عارف بس ياترى هما عارفين أنك بتبصى لهم زى أخواتك مايسه كل واحد بيشوفك بيبقى يتمنى يكون مكانى أيوة بغير عليكى حتى من نفسى شوفى بقى لما تروحى كل يوم المرسم والمعرض وافضل حاطط أيدى على قلبى من كتر خوفى عليكى.
مايسه أتنرفزت وقالت بعصبيه لأنها عندها يقين أنه ماتغيرش: طب ما أنا قبل ما أرجعلك كنت بشتغل أيه اللى جد بقى.
جاسم ضيق عينه عليها ورد ببرود : أنتى نسيتى شوكت مش كان عينه منك وأخوكى كان مصر تتجوزيه.
مايسه أتنهدت بيأس : أيوة بس أنا أتحديت العالم كله علشانك وصبرت وسبق وقلتلك أنى بحبك ومافيش حد تانى فى حياتى غيرك بس الظاهر أنك مابتثقش فيا وفى حبى ليك.
جاسم بعد خصله من شعرها ورا ودنها وكمل : حبيبتى والله عارف أنك بتحبينى بس أعمل أيه فى الرجاله اللى شغالين معاكى اللى هيندب فى عين كل واحد منهم رصاصه وهما عينهم منك طب بلاش كده على الأقل فكرى فى بنتنا دى.
مايسه بعدته عنها وكملت بتحدى : طب والحل أبطل رسم يعنى لا طبعا.
-: ودة آخر كلام عندى مافيش شغل ولانزول لا مرسم ولا معرض.
أنت تقرأ
مابعد الرحيل
Romanceقابلها صدفه ثم أعجب بها ليتحول الإعجاب سريعا إلى حب واجهوا الكثير من الصعوبات واستطاعوا مواجهتها ثم تزوجها ومع ذلك تبقى الصعوبات فى طريقهم ولكن حبهم كان اقوى من اى شىء .... بالإضافة أنه غيور بطبعه ولكن مهلا فهناك الكثير بانتظارهم.
