رواية#خدعت_به_فأحببته
الحلقة 1
الكاتبة fatoom
رواية حقيقية فيها الحلو وفيها المر رواية فيها الف عبرة وكابداية اي قصة لازم نتعرفو ع ابطالها 😍❤
مؤيد م91 مواصفاته طويل وجسمه عضلاات بشرته حنطية وشعره ولحيته ع القهوي
عيونه كبار وملونات
للاسف
علاش قلت للاسف حتعرفو
مؤيد من عيلة غنية هلبا امه وبوه حالتهم المادية فوق الريح وعندهم خير واملاك هلبا بو مؤيد وامه مطلقين من لما هوا عمره 10سنين بوه تزوج ع امه وامه مارضتش بهالشي وطلبت الطلاق وبوه من يومها سافر ولايسئل ولايشوف فيهم وخلالهم خير هلبا بي اسم ولده وسافر يحساب لفلوس هيا يلي حتعوضه عن حنان الأب وامه حتى هيا من عيلة غنية وعندها املاك هلبا يعني مؤيد شاب مذلل ويملك كل شي جمال وجسم وفلوس وكل شي
طبعه صعب شوي لانه عاش بذون اب. وامه دلعاته هلبا والي يبيه يجي لعنده قبل لايرمش عينه والكل كانو يخافو منه. الصغار لي في لمدرسة والي في الشارع كانو الكلهم يرعشو منه ويسمو فيه مؤيد الوحش
لحد جي يوم ومؤيد خسر كل شي 💔
وهوا في الاعدادي كان يضرب في ولد ديما ويهين فيه ويخلي في الكل يضحكو عليه لحد جي يوم الولد هدا ضرب مؤيد بلقلم فوسط عينه عورهاله ومؤيد خسر عينه ومن الوجع مؤيد مايندريش ع روحه دف لولد وطاح ع راسه ومات في وقتها وصارت هالقصة فاجعة في المدرسة والمنطقة كلها انتقلو مؤيد وامه من حوشهم وباعوه ومشو سكنو في الفيلا يلي مخليهاله بوه
ومن هداك اليوم مؤيد صار انسان تاني وبدال مكانو ينادو فيه مؤيد الوحش صارو قولوله مؤيد الاعور 💔مؤيد رغم حالتهم المادية مشاءالله بس رفض فكرة العملية وقرر يعيش هكي وطول لوقت لابس نظارة وين مايمشي وماينحيش فيها وصار طبعه احرف من قبل وقح مع الكل واي شي يحطه في راسه ياخده واي حد يوقف قدام وجهه ينهيه عنده شركات وكل شي بس بدي يشتغل مع ناس مش مزبوطة وخش في تجارة السلاح وهكي مايطلعش بلا سلاح وكلمته تمشي ع الكل وميقدرحد يقوله لا و الكل يخافو منه محد يقدر يوقف قدام وجهه بس من داخل طيب وقلبه ابيض بس ماحد قدر يفهمه عنده امه بلدنيا كلها وصديقه فراس
مؤيد من بعد ماخسر عينه مقعد معاه حد كل اصداقئه خلوه وكلهم مصالح معاه عدا صديق واحد وهوا فراس نفس العمر هوا ومؤيد ونفس الطول بس نقشه ع الاكحل وعيونه عسلي. فراس من عائلة فقيرة مؤيد متعلق بيه هلبا لدرجه خلاه يخلي حوش اهله ويسكن معاه لان ماعنده حد الا هوا وامه
مؤيد وفراس كأنهم توم مايتفارقوش. كل شي يديروه لازم مع بعض
لبسهم وماكلتهم وطلعاتهم وكل شي مع بعض مايتفارقوش نهائي
وصداقتهم حلوة
فراس/هيا يراجل نوض وانت تشخر قبضتني
مؤيد/اخطا فيتي حاسدني في هالنومة
فراس/ بنعطلو هيا
مؤيد/صالة الحديد مفتوحة في كل وقت بعدين نمشوخليني نرقد
فراس/بعدين عندنا خدمة نسيت
مؤيد/ووواااك قداش تنق زي لمرا الحامل
فراس/هههعههه هيا جاية النية في فراولة حبيبي
مؤيد/ضربه بلمخدة 😂 عارف امي نكره فيتهم النسون صكر فمك وهاني نايض
فراس/نفطرو ونطلعو
مؤيد/اي باهي بتاكلني تفطر من لفجر زي الدجاج
فراس/😂😂
