#خدعت_به_فأحببته
الحلقة10
الكاتبة Fa Toom
سامحوني غزالاتي ع التأخير
تفاااعلو الحلقة راهي نااار 😍😍
سافرو مؤيد وريم ووصلو لي دبي
حجزو في اوتيل واول ماوصلو رقدو طول من التعب
تاني يوم
مؤيد/هيا ياقلبي نفطرو ونطلع بيك ندهورك
ريم/خليها بعد لا نطمن ع بابا ...
مؤيد/حاضر ياروحي...
فطرنا وطلعنا مع اهلي للمستشفى وكملنا الاجرائات الدخول الدكتور طمنا ان بابا حيبدا علاج طبيعي وان شاءالله يرجع يوقف ع رجليه
وبلنسبة لرعشة يده ممكن تخف بلأدوية
ماقلتلكمش بو ريم تعرض لي حادث قوي وقعد مقعد سنين وايده بدت فيها رعشة ونبضات قلبه مش منتضمة وعلاجه غالي هلبا وهما حالتهم ع قدهم وريم من يومها وهيا تحملت مسؤلية عيلتها كلهم وتخدم وتصرف عليهم وبش توفر لعلاج وكانت تحرم في روحها من هلبا حجات وهلبا لبس بش توفرلهم شن ناقصهم ومايحسوش انهم محتاجين وتوا ربي بعتلها مؤيد وعوضها عن كل شي وكان ليها السند الحقيقي
ريم /حنقعدو اسبوعين معاكم ونرجعو. لان مؤيد شغل يقدرش يخلي الشركة
امنة/كفيت ووفيت ياولدي ربي يفتحها في وجهك ويبارك فيك ويسعدك
مؤيد/باس ع راسها...ويخليك لينا ياامي
امنة/ربي يحفظك وليدي
ريم/عيوني دمعو ...شديت روحي بلسيف ...مؤيد اكيد فاقد امه ومستاحشها ...هالانسان ماتوقعتاش يكون فيه كمية الخير هادي اول ماشفته
بس بعد لاعرفته اتبتلي العكس وكل يوم نزيد نحبه ❤
مؤيد/ديرو بالكم ع رواحكم وانا كلفت اتنين من جماعتي نوتق فيهم هلبا و حيقعدو هنايا معاكم واي شي ينقصكم ماتتحشموش يجيبوهولكم قبل لاترمشو
امنة/بارك الله فيك ماتقصرش...
ريم/طلعنا اني ومؤيد وتفتلنا في شوارع دبي ...المباني كلها ضخمة تهبل والاضواء تحفة
تغدينا في مطعم نسيت اسمه 😁 كنت جعانة
زرنا الجزر الاصطناعية وجزيرة النخلة ومشينا لحديقة الزهور الكبيرة وزرنا العجلة الترفيهيه عين دبي
باقي الايام كدالك نطلعو من الصبح نروحو الليل
زرنا برج العرب..اتلانتس ...مارينا دبي ...دبي مول ...اكواريوم
ماخلينا مكان مامشيناله مؤيد ماقصرش معاي ومخلا شي في خاطري وطبعا ماخليت حاجة ماشريتهاش لبس مكياج عطور اكسسورارات احدية كل شي كل شي 😂 ونص لحاجات والاسماء والاماكن نعرفهمش هوا سماهملي 😂😂احلا ايام عشتها معاه
ريم/شن اسمه هدا
مؤيد/هدا يابعد شبدي شارع الشيخ زايد
ريم/اياه 😂😂 محلاااه ياطويل العمر
ريم/اصبررر هدا برج خليفة ولاه
مؤيد/اي برج خليفة شن رايك نمشوله😍
ريم/حقة حنمشوله 😍اي خاطري فيه
مؤيد/غاالي والطلب رخيص هيا انزلي
ريم/نخشو عادي
مؤيد/تي انزلي ...حاجز فيه وبلسيف حصلت حجزت تعرفي زاحم ومايجوهش الاالمشاهير ورجال الاعمال الراقيين بس قلت مدام جبت معاي مرتي لحلوة مستحيل نفوت هالفرصة ...
ريم/ياحليلي منه رجل الاعمال الراقي 😍😍
مؤيد/شدلها ايدها ....هيا خشي ..
خشينا تفتلنا في المناطق العامة يلي فيه وكل منطقة معبية زوار هلبااا والريحة خيال مافهمتش هدا بخور ولاعطر المهم حاجة تهبل🤤 لين رجليا تعبوو ودخت 😂😂
تعشينا وركبنا لجناحنا
مؤيد/شن ياروحي تعبتي ليوم
ريم/اي شوي ...
مؤيد/هيا تمددي ع السرير و ارتاحي بنخش ندوش
ريم/حاضر ياروحي...
رن تلفون مؤيد ....
ريم/ماقمتاش فته اكيد حد من الشغل ولا شي يطلع ويرد عليه ...قعدت متمددة وناعسة شوي لحد ماوصلت رسالة ...
ريم/مش حنشوف لالا غمضت عيوني
اوووف والله الفضوول الفضووول ياكل فيا ...شديت تلفونه...هدا فراس باعت
مؤيد/هييي حصلتك 😏 شن تمنخسي في هاتفي
ريم/حطيته..لا بس كان يرن قمته ووصلاتك رسالة اعتقد من فراس هدا رقمه
مؤيد/ ماشي هاتي تو نعاود نتصل بيه ..
الوووو..اهلا فراس شن جوك تعرف كنت نفكر فيك قلت وينه مااتصلش من لما سافرت مع اني باعتلك الرقم
فراس/كنت مشغول شوي بموضوع لاوراق لي يخصو جمال
مؤيد/استنا شوي...ريم انا طالع شوي نكمل مكالمتي ونجيك
ريم/لا ماتطلعش حبيبي كلمه اهنايا عادي
مؤيد/بنتكلمو في مواضيع شغل ونفخ حنزعجك ..
ريم/به به قول مانبيكش تعرفي شي عن شغلي ديما هكي انت نبي نفهم شن هالحاجات الخطيرة يلي ماتقدرش تهدرزهم بجنبي
مؤيد/باسها ...شوي وراجعلك تو نهدرزو ...
فراس/مفتوح لخط ويسمع فيهم ...وهوا على اعصابه
مؤيد/هاشن كنت تقول ....
فراس/خليت لكلب يوقع ع كل شي بي كامل ارادته
مؤيد/كيف صار...ماقراش الاوراق والتنازلات والاعترافات يلي في الاوراق
فراس/حنقولك كيف بس ماتعصبش ...
مؤيد/مانعصبش قول كيف خليته يوقع ع الاوراق ...
فراس/ساعدتنا شهد
مؤيد/كيييييف شن شهد اهيا ...كيف تخلي وحدة زيها تخش في الموضوع كيف توثق فيها وادخلها في الموضوع هدا😡
فراس/غير اسمع ....شهد نادمة ع كل شي وحبت تكفر على دنبها وتبيك تسامحها ...وبعدين دارت هكي لانها معش قادرة تتحمل جمال والوسخ متعه وهيا كل ماتبي تخليه وتهرب منه يضربها و يهددها
مؤيد/ان شاءالله يقتلها وانا شن علاقتي تحكيلي في كل هدا...وانت مصدقها هالكدابة الخاينة
فراس/انا مكنتش مصدقها بس شفت هالشي بعيني ليوم حصلت جمال في الشركة يهدد فيها وخانقها وبلسيف خلصتها منه وقعدت تترجا فيا نساعدها ونخلصها منه وبلمقابل هيا جابتلي هلبا دلائل عليه وبطريقتها خلااته يوقع بدون لايعرف
مؤيد/هادي وحدة رخيصة زي هيا زي هوا وانت كيف تصدقها ...اهم شي توا نتخلصو من جمال ونحطوه في الحبس
فراس/اكيد ..انت مااتشغلش بالك حنتصرفو معاه ونديروله كمين ونبلغو فيه وع الحبس طول
مؤيد/ان شاءالله حنروح اخر الاسبوع هدا ونتلاقو ياخوي
فراس/اول ماتروح كلمني نستقبلكم في المطار. . .
مؤيد/ان شاءالله ..سكر
ريم/واخيرا جيت..شن كملت مكالماتك توا تقدر تجي ترقد جنب مرتك😒
مؤيد/ههه غيرااانة
ريم/لا وعلاش بنغار 🙄
مؤيد/غير قولي....تغاري من فراس
ريم/لاللا مانغارش بس انت كل مايجيك اتصال تطلع وتخلي فيا ...شن الاسرار لي ماتبينيش نعرفها🤔
مؤيذ/لااسرار لاشي بس مواضيع الشغل ومشاكله ومانبيش ندخلك فيها
ريم/ماشي ماشي براحتك...خديت لمخدة وحطيتها فوق راسي ...اني بنرقد
مؤيد/تعالي تعالي شن لحركات اهيا..مافيش نووم الا في حضني ....نحى لمخدة منها ولف ايديه عليها وحضنها...ياروحي تو يجي يوم ونحكيلك كل شي بس توا لين نحل هالمشاكل ونرتاح منها حنحكيلك ...نبيكش تخافي من شي
ريم/زادت حضناته...مدامك جنبي مستحيل نخاف من شي ...
مؤيد/باس ع راسها...ريم بنسئلك
ريم/هممممم قوول نسمع فيك
مؤيد/علاش تحبيني
ريم/رفعت عيوني فيه...وحطيت يدي ع خده ... لانك مؤيد هدا علاش انحبك
مؤيذ/قداش ماانا محظوظ فيك يابنت
ريم/اني الي محظوظة فيك
مؤيذ/به كيف تشوفي فيا بنظرك
ريم/خيرك تسئل انت في اسئلة غريبة ههه
مؤيد/جاوبيني بس
ريم/قبل كنت نشوف فيك مغرور ومتغطرس وعصبي ووقح وكنت نقول مستحيل نتقبله او نحبه في يوم
مؤيد/ع خاطر اني اعور ولاه
ريم/ضرباته ع كتفه لااا مادخلش عينك في الموضوع صح اول ماكتشفت موضوع عينك عصبت وخفت لان انخدعت فيك وماحكيتليش من الاول بس بعدين حبيتك
