#خدعت_به_فأحببته
الحلقة 11
الكاتبةfatoom
ريم/استغربت شوي وسرحت...شهد اسمها مش غريب ...ابتسمت ابتسامة خفيفة بلجودة بيك بس لاحضت مؤيد ملامحه غريبة قعد واقف ومقالش ولاحرف تعابير وجهه ماتتفسرش ...
مؤيد/.....يشوف لفراس وشهد ومصدوم وماتكلمش ولا قال حرف
شهد/شن مايبيش يسلم مؤيد على زميلته في الشغل
ريم/تلفتت لمؤيد...ومش فاهمة شي
فراس/اه شهد تشتغل في الشركة معانا
ريم/اهااا
فراس/هيا قعمزو خلي نطلبلكم عصير
ريم/شربنا العصير ومؤيد مش عاجبني وضعه مش مطمنة الا ساكت وبس ...
مؤيد/اشر لفراس بعيونه...نوض نبيك شوي
فراس/لحظة بس انتو هدرزو وتعرفو احني شوي وجايين
مؤيد/اول ماطلعو لبرا شد فراس مع رقبته...خيرك هبلت انت هدا شن يلي شفته والي سمعته
فراس/اهدا شوي ياصاحبي ونزله ايديه..ماتفهمش غلط تو نحكيلك
مؤيد/ماتحكيلي شي وربي ماتاخد هالكلبة وتمشي بيها ترجعها من وين جت الاماتشوف وجهي التاني يافراس وحندير شي مايعجبك
فراس/تردد اول ماشاف ردت فعله...اسمع شوي كل القصة ومافيها ان البنت ساعدتني هلبا في قصة جمال وحنفدو الكمين غدوة احني عطينا كل شي للشرطة وغدوة جمال عنده صفقة وتهريب سلاح وحشيش غدوة حنكونو مع الشرطة انا وياك ومعانا الدلائل وشهد طبعا حتشهد ضده في المحكمة وتوا هوا ع الحديدة بس خسرنا مبلغ كبييير والشركة رجعتها منه بس تبي وقت بش ترجع زي قبل و ماقعد شي غير نحطوه في الحبس
مؤيد/ولع طرف دخان وساكت ويسمعله اممم هدا فهمته مش مهم الي خسرته حنرجع الشغل احس من قبل انا وياك وهادي هيا خطتنا من قبل بس شهد شن دخلها في النص لاش مدخلها
فراس/ترجتني واعطتني هلبا دلائل ضده و في المقابل
مؤيد/هه طبعا مااديرش شي بدون مقابل
شهد/طلعت مرايا من شنطتها وتعدل في روجها
ريم/ساكتة وتشرب في العصير
شهد/اي احكيلي كيف تعرفتي على مؤيد وكيف صارولفيتي عليه وخليتيه يتزوجك
ريم/تشبحلها وطريقة كلامها مش مريحتها ...بختصار تعرفنا عادي و خطبتني امه وتزوجنا وحبينا بعض
شهد/ههه بس ماتوقعتش هكي الصراحة
ريم/وشن يلي توقعتيه
شهد/امممم حسب معرفتي العريقة بي مؤيد انه مايحبش جو التقاليد يعني توقعت تكون ع علاقة حب وهكي بس شكلكم لاحب لابطيخ مجرد روتين
ريم/تكنطت من كلامهاوحست انها تستفز فيها...لاحبيبتي مش مجرد روتين علاقتنا قوية وعميقة وحبنا كبير واني ومؤيد نموتو في بعض وربي يخلينا لبعض
شهد/ههه اتقولي هكي انتي ياروحي مافش حب في هالوقت كلها مصالح شخصية
ريم/مش كل الناس زي بعض علاقتي مع مؤيد مافيهاش اي مصلحة اني حبيته كيف ماهوا وتقبلته وهوا كدالك حبني وتغير على شاني بعدين مش حتعرفي مؤيد اكتر مني اني مرته
شهد/من قالك مانعرفاش نعرفه هلباااواكتر ماتتخيلي
ريم/انتي خيرك مع مؤيد خيرك ماتحكيش ع فراس مش هوا خطيبك
شهد/خيرك عصبتي ولاغرتي على راجلك
ريم/اني واثقة في نفسي مانغارش من اتفه الاسباب
شهد/شن قصدك اني تافهة
ريم/لا ماقلتش انتي تافهة بس طبيعي مش حتكوني تعرفي مؤيد اكتر من مرته انتي مجرد زميلته في الشغل
شهد/مش مجرد زميلة وبس اني
ريم/رفعت حاجبها 🤨انتي شن
شهد/ اسئلي مؤيد من هيا شهد و تو يجاوبك وضحكت بطريقة مستفزة
ريم/تأكدت مية في المية تكون نفس لبنت يلي بعتت رسالة مرة لمؤيد بس مابيتش نبين هالشي تحكمت في اعصابي الواضح انها وحدة مستفزة...رجعت كملت لعصير وماعطيتهاش اي اهتمام
شهد/تشبح لريم بنظرااات حقد وغيرة ..تفصل فيها من فوق لا لوطا كيف حلوة وانيقة واحلا منها بهلباا وهادية وعاقلة كانت تتوقع انها ادير مشكلة في المطعم بس ريم تحكمت في اعصابها
فراس/اسمعني شهد في المقابل طلبت مني نخلصها من جمال ونستر عليها لانها حامل ولو عرفو خوتها حيدبحوها حرام البنت شن دنبها حتى هيا ضحية وتوا هيا نادمة وانا حبيت نساعدها
مؤيد/يشبحله بصدمة وانت شن علاقتك خليها يدبحوها هادي وحدة رخيصة تي بايعة روحها هادي وانت تبي تورط روحك معاها راهي وحدة خبيتة اكيد ناوية ع شي
فراس/ مجرد مانتزوجها شهور لحد ماتجيب البيبي نطلقها وتمت خيرك انت مكبر القصة ولا لتكون مزال تحبها
مؤيد/شده مع رقبته اسحب كلامك توا اي قلته ولا لاعاد نعرفك يافراس مش انا الي هكي ينحكي معايا فااهم
فراس/بلشوي خيرك انفعلت ...كنت نبصر معاك
مؤيد/مش هكي لبصارة هيا بعدين لو ريم عرفت بقصة شهد حتزعل وانا مانبيش شي يفسد علاقتنا بعد ماتريحنا
فراس/ولا يهمك ياصاحبي بس انت ماتزعلش مني
مؤيد/ والله ماعارف شن نقولك بس مدام تشوف في هالشي صح ومتأكد منه مش حنوقف في طريقك رغم اني مش راضي بهالشي ومش مرتاحلها هالبنت بس انت حر دير لي يعجبك
فراس/ماشي هيا توا نخشو يستنو فينا
شهد/اهم جو الشباب ...هيا جعنا اطلبولنا عشي
فراس/طلبنا شوي ويجيبوه
ريم/مركزة ع شهد كيف عيونها في مؤيد
مؤيد/ملاحظ هالشي بس ماعطاهاش اي اهتمام
ريم/حبيبي كول ماكليت شي
مؤيد/ياعمري ناكل ...حتى انتي كولي صونيتك مزال معبية شن كليتي
فراس/مركز ع ريم وعيونه بيطلعو فيها...
مؤيد/هيا افتحي فمك كولي هادي من ايدي
ريم/هههه ياروحي تحشم شوي
مؤيد/عادي مش مع حد غريب احني ...هيا هممم صحة ياعمري
ريم/تاكل وتبتسمله
شهد/الدخان بيطلع مع وذانها تشوفلهم بحسد
مؤيد/هيا احني توا بنروحو وصحيتو ع العزومة الحلوة
فراس/مزال بكري اقعدو شوي
مؤيد/لا خلاص واحني تعبانين اليوم نبو نرتاحو في حوشنا
ريم/اي ان شاءالله مبروك مرة تانية ويسلمو ع العشي
شهد/المرة الجاية العزومة عليكم بس مانبوش في مطعم نبوها في حوشكم نبي نذوق تطييبك ياريم..بما اني مانعرفش نطيب اني ومانحبش الطبخ والنفخ ...بس فراس شكرلي تطييبك قال سمح
ريم/بضحكة صفرة...اي ان شاءالله تتفضلو في اي وقت
مؤيد/مسك ايد ريم وطلعو من المطعم
طول الطريق ساكتين وكل واحد يفكر بألف فكرة
شهد/امممم صار هادي هيا ريم ماتوقعتهاش هكي
فراس/شبحلها ربع شبحة..شن تقصدي
شهد/توقعتهاش حلووة وجدابة... تاريك عندك دوق سمح يافراس ...بس نبي نعرف كيف قدرت تلف عليكم وتسحركم لاتنين واتحبوها شكلها مش هينة هالبنت
فراس/حط الطاسة بقوة ع الطاولة...اسمعيني جاي انتي تعرفي الغرض من اتفاقنا نفدي كل شي بدون دوة زايدة وريم معاش تجيبي سيرتها ع لساانك فاهمة ..
شهد/بلشوي علينا...معاش اطيق حرف فيها..بس مش غريبة فيك يافراس من يوم يومك لفعة من تحت التبن
فراس/ضمي فمك ..اعرفي كيف تتكلمي معاي
شهد/باهي نبي حصتي من الفلوس
فراس/المبلغ مش هين يعيشك ويعيش دولة كاملة ..تبي تفضحينا انتي خلي تفوت مدة ونتصرفو بيهم لفلوس وحقك يوصلك انا مانبي شي توا غير ريم تكون ليا
ريم/وصلنا للحوش واتنينا ساكتين
مؤيد/انا خاش للحمام حبي شوي وجايك
ريم/هزت بي راسها ماشي..غيرت حوايجي ولبست بيجامة لونها وردي حرير ناعمة وفتحت شعري
مؤيد/طالع من الحمام ولابس شورت بس
ريم/نمسح في مكياجي ونفكر في كل كلمة قالتها شهد ...
مؤيد/حبيبي هيا تعالي نرقدو
ريم/خديت مخدتي وبنطلع للصالة ارقد انت اني مش ناعسة
مؤيد/ريم خيرك وين ماشية
ريم/للصالة بنقعمز نتفرج شوي مش جايني نوم انت ارتاح
مؤيد/ناض من مكانه ..فيك شي حبيبي
ريم/شبحت لعيونه ...مافي شي
مؤيد/شد وجها...لافيك شي عيونك يحكو هيا تكلمي شن فيك
ريم/مؤيد..منو هادي شهد وشن علاقتك بيها قووول
مؤيد/تغير وجهه ...كيف مافهمتش
ريم/لا فاهم كل شي احكيلي مؤيد ماتخلينيش زي الغبية راهو مية فكرة ادور في راسي
مؤيذ/ماتخليش الافكاارهادي اتسيطر عليك قعمزي تو نحكيلك
ريم/قعمزت...هياا احكيلي بسرعة
مؤيد/حكالها كل شي بلمختصر كيف انخدع ب شهد وخاناته مع جمال وكيف خدو نص الشركة وخلوه يخسر هلبا فلوس وكيف هوا وفراس حاولو يرجعو الشركة وسبب خطبة فراس من شهد حكالها كل شي وضحلها كل شي
ريم/يعني فراس وشهد مايحبوش بعض خطبها هكي باش يستر عليها وتساعدكم بش ترجعو الشركة وتحبسو هدا شن اسمه جلال ولاجمال
مؤيد/يضحك اي اي زي ماحكيتلك
ريم/اي وتوا شن
مؤيد/شي انا وانتي مع بعض توا وديييما مع بعض
ريم/بس يعني شهد مزال تحبك واضح هالشي من كلامها ومن تصرفاتها وحتزعجنا
مؤيد/يضحك لالا شن تزعجنا تمشي تروح انا انحبك انتي بس وهيا ماتقدر ادير شي لان مصيرها توا بيدينا و فراس لو فكرت ادير شي حيفضحها وحتخسر كل شي
ريم/اني مش مطمنة للموضوع وقلبي مش مريحني
مؤيد/ياقلبي ماتغاريش منها راهو والله مانحبها ولامعتبرها حتى موجودةنهائيا
ريم/اني واثقة فيك بس مش واتقة فيها لو شفتها بس في المطعم كيف تستفز فيا عصبتني
مؤيد/حضنها ...ياعمري ماتفكريش فيها مستحيل نخليها تزعجك او تخرب علينا انا معاك وليك انتي وبس
ريم/حضنته بقوووووة... بس في داخلي مزال مش مرتاحة
اليوم التاني
فراس ومؤيد مشو للشرطة وسلمو كل الاوراق والادلة واعطو المعلومات كلها بخصوص عملية التهريب الي حتصير
مشو الشرطة للمكان يلي فيه جمال وحاصروه من جميع الجهات وشدوه بلجرم المشهود يهرب في اسلحة ومخدرات والقو القبض عليه وهوا مش فاهم شي لقي روحه خااسر كل شي وماعنده ولا شي
مؤيد/واخيرررا توا وين ارتحت بعد ماتخلصت من الكلب جمال وهدا كله بفضلك ياصاحبي
فراس/ماتقولش هكي انا وانت واحد والي يصير عليك يصير عليا
مؤيد/خلي نكلم ريم نطمنها
فراس/حكيتلها كل شي
مؤيد/ضحك اي اكيد بنحكيلها هيا مرتي لازم تعرف كل شي
فراس/حكيتلها حتى على موضوع شهد
مؤيد/هدا اول موضوع حكيتهولها طبعا بعدين موضوع شهد ما يهمنيش ...بس فهمها تبعد ع ريم ومااضايقهاش
فراس/ولايهمك ...باهي شن رايك الليلة بمناسبة هالفوز تعزمنا ع الغدي
مؤيد/ ههه ماشي العزومة ليوم عليا بس مانبيش شهد تجي
فراس/هههه عيب عليك لبنت راهي تغيرت بعدين هيا توا خطيبتي اقل شي بجنب ريم ماتبينش ان هالشي يضايقك وخلي الامور طبيعية
مؤيد/مايضايقنيش هالشي اصلا مايهمنيش وانت تعرف مصلحتك وين تصرف كيف مايعجبك انا مش حندخل في حياتك
فراس/خلاص امالا كلم ريم اتوتيلنا غدي سمح وانا حنكلم شهد ونقوللها
مؤيذ/اي ان شاءالله
ريم/كلمني مؤيد...وقالي عازم فراس وخطيبته شهد ...اضايقت شوي بس مش مهم مش حنعطي هالشي اهمية بلرغم اني حنموووووت كيف نشوف في بنت كانت حبيبة راجلي زمان في حوشي واااك هالشي صعب ويقتل فيا بلعرق ومش عارفة كيف مؤيد عنده هالشي عادي ومش مدور ثقته في فراس عميااء بس اني مش مرتاحة لهالشي. كيف فراس يخطب شهد هكي وعنده عادي به حتى لو ساعدتهم بس مش شرط يورط روحه ويبتلي فيها بس ممكن يكون سخف عليها ويبي يساعدها
يلا اني شن دخلني ربي يهنيهم ...خشيت للمطبخ وبديت في تحضير لغدي طيبت فتات بلبصلة ومعاه طاجين وكفته وكبة محشية ونوعين سلايط كملت بلتحديد الساعة 12:30 باهي الي لحقت ههه رتبت كل شي وخشيت نحضر في روحي لبست سروال قماش واسع لونه اكحل ولبست بلوزة قصيرة شيفون لونها موف حطيت ميكآب هادي و خليت شعري ستريت وحطيت وشاح لان حنتعشو مع بعض كلنا ع الطاولة
مؤيد/حلوتي امنمم. نشم في ريحة تشهييي
ريم/ابداعات مرتك يابعدي 😇
مؤيد/شادها من خصرها...وريم تحضر في الطاولة....خاطي ريحة الاكل في ريحة تااانية تشهييييي وهياا ريحتك 😍شن رايك نسكرو تليفوناتنا وحوشنا ونتغدا عليك 😋
ريم/هههه قريب يوصلو هني روحك مؤيد
مؤيد/باسها مع رقبتها...خلي يوصلو
ريم/فلتني ورتب معاي الطاولة...
مؤيد/لااا ...زاد حضنها ويبوس فيها
ريم/لباب لباب يطق بسرعة بعدد
مؤيد/وااك مش وقتهم توا لكن الامانعدبك الليلة خلي يروحو بسس
ومشي فتح لباب
مؤيد/تفضلوو مرحبتين
شهد/خيركم مافتحتوش طول شن كنتو اديرو
مؤيد/شبحلها بستهزاء من فوق لالوطا هواانتي شن دخلك ...خش فراس تفضل
فراس/فنص في شهد وخشو
ريم/اهلين نورتونا تفضلو
فراس/عيونه بيطلعو من مكانهم... منوور بأهله
شهد/سلمت ...وتشبح لريم وبتمووت منها قعمزو ع الصالو شربو عصير وهدرزو بعدين ناضو يتغدو
فراس/يسلمو ايديك ع الغدي والله انك فنانة في كل شي
ريم/تحشمت..صحة صحة هدا من دوقك
شهد/عيونها في مؤيد بتاكله ...ااحم معليش وين لحمام نبي نغسل ايديا
ريم/تعالي معاي ناخدك ليه
شهذ/لالا انتي قوليلي وين تو نخشله لاش نتعب فيك كملي عشاك
ريم/تشوفي في الممر ع ايدك ليمين تلقيه طول
شهد/ماشي حبيبتي شكراا ومشت وخدت شنطتها ع اساس تعدل في مكياجها ...اول ماوصلت للممر لفت للجهة التانية وخشت لغرفة النوم هيا كانت جناح كبير ..طبعا شهد ماتعرفش وصف لحوش بس فراس شرحلها عليه ووراها الصور ف كان سهل عليها ...خشت دارت دارت في الغرفة وطلعت من شنطتها حجاب صغير 💔 حطاته تحت السرير يلي يرقدو عليه
طلعت وعلامات النصر على وجها
فراس/شبح شهد جاية اشرلها براسه بمعنى شن
شهد/هزت براسهاوابتسمت بمعنى كل شي تمام
فراس/يلا احني تأخرنا لازم نوصل شهد وعندي شوي شغل
مؤيد/ماشي براحتكم
شهد وفراس طلعو روحو وفي الطريق
فراس/شن كل شي تمام
شهد/اكييييد...
فراس/ابتسم
شهد/اووو هيا ايمت هالشي يصير
فراس/اصبري الصبرر باهي...شوفيني انا صاابر من اول يوم تزوجو فيه وانا النار تاكل فيا وكل هدا ساكت ونستنا في هاليوم
شهد/نبي نفهم مدامك تحبها من قبل علاش خليت مؤيد يتزوجها علاش ماقلتلاش عاجبتني علاش خليتهم يتزوجو وصعبت على روحك وعليا كل شي
فراس/من اول يوم شفتها عجبتني حبيتها من اول نضرة ولما خطبتها ام مؤيد انصدمت وانكسر قلبي و ماقدرتش نقول قلت مجرد اعجاب وتو يزول بس في كل مرة نشوفها نزيد نتعلق بيها وتزيد رغبتي فيها وحندير المستحيل بش نحصل عليها
شهد/وكيف حتواجه مؤيد بعدين
فراس/انتي خيرك تدوي هلبااا مش هدا يلي تبيه حتى انتي مش تبيهم ينفصلو ويكرهو بعض و ترجعي لمؤيد خلاص انا وياك هدفنا واحد بعدين مؤيذ مش حيخسر شي من الاول مايحبهاش ومش طايقها بلسيف تعود عليها وهوا عنده شن ينسيه عنده فلوس واملاك مش صعب عليه يتزوج تاني بعدين الي زي مؤيد صعب يحب يفكر بلفلوس بس وانتي خليك شاطرة واعرفي كيف تأتري عليه بش يرجعلك
شهد/ ااخخخخ ايمت بسسس نكون معااه فراس/قريباا قريبا ويضحك
في الليل
ريم/كلمت ماما بلتلفون واطمنت عليهم وارتحت لما قالتلي استجابة بابا للعلاج سريعة ومرات اقل من شهر ويروحو احلا خبر نسمعه فرحت هلباااهلبااا
مؤيد/ياروحي انتي ان شاءالله يرجعلكم متعافي ويمشي ع رجليه وتكمل فرحتك
ريم/اتكيت ع كتفه وناكلو في الفوشار ونتفرجو ع فيلم ومنسجمين واني ننعس
مؤيد/حياتي نعستي قبل لايتم الفيلم 😂هيا هيا نوضي نرقدو ع سريرنا
ريم/حطيت ايديا على رقبته هيا نمشو حبيبي ...قامني يبووس فياا وحطني ع السرير الليلة قلتلك نعددبك 🤤🤤
ريم/حاطة ايديها ع راسه ومستسلمة ليه
مؤيد/ باسها مع فمهااا بوسااات عدااب 💋💋💋💋💋💋 نزل لرقبتهاقطعهاا نزل لباقي جسمها يبووس فيها ومع كل بوسة يخلي اثر ليه انفاسه عطره بوساته علامات حبه ورغبته فيها علمت ع كل جسمها
ريم/دايبة فيه وجسمها لااراديا يتحرك وشادة راسه بقوة وتحضن فيه
مؤيد/وصل ل....
مؤيد بدون لايحس ع روحه وصوته تقييييل وكأنه سكراان ...اااهههححح ااننحببك اننحببككك شهدد ونبيييك
ريم/😳😳 مؤيييييد ...
مؤيد/انحبك شهدد انحبكك يبوس فيها بقووة وعاصر عليها
ريم/بدت تبكي تعيط وتبعد فيه...حست انه مش طبيعي بعددد مؤيد بعددد عليا
مؤيد/كان راغبها بس معش قدر يكمل معاها حس روحه مربط بسلاسل ...والكلام يطلع منه بروحه بدون وعي
شد ريم بقوة ويبدي يكشخ فيها شن تبي مني شن تبيي
ريم/تبكي وتحاول تبعده....مؤيد شن جاك خيرك اني ريم
مؤيد/بدي يصارخ عليها بقوة اطللعيييي اطلللعي من قداام وجهي
ريم/بعدت بسرعة ولفيت لغطا عليا وطلعت للصالة واني نبكي ومش فاهمة شي
مؤيد/مسح على وجهه وناض سكر الباب عليه و يكسر في كل شي قدامه ويصارخ ومش فاهم شن السبب
ريم /وقفت ورا الباب ولافة لغطا عليا واطق عليه وخانقتها العبرة ....مؤيد شن فيك خيرك شن جااك تبكي بحرقة
مؤيد/ابعددديي ابعددي عليااا معش نبيك ابعددي مخنوووق معش نقدر
ريم/انهرت وطحت ع الارض نبكي ...مش مصدقة ومش مستوعبة الي صار والي شفته والي نسمع فيه قبل دقايق جونا حلو ورايق شن صار شن جاه فجأة طول الليل مؤيد ع الحالة هاذي وريم ع الارض و لاصقة في الباب ولافة نفسها وتبكي مقدرتش ادير اي شي وهيا نفسها مش فاهمة شن قعد يصير
الصبح
ريم/راقدة ع الارض ولافة نفسها ونص جسمها عريان ....فجأة صوت الباب انفتح ....
ريم/فتحت عيوني وشفت يمين ويسار ...بلكي يطلع حلم ونلقى روحي في سريري وفي حضن مؤيد...بس لقت روحها ع الارض💔
رفعت عيونها لقت مؤيد فوق راسها
مؤيد/.......
ريم شن اديري هنايا خيرك
ريم/تفرك في عيونها يلي كانو متورمات من البكي
مؤيد/حضنها وقامها ...ياروحي خيرك راقدة اهنايا نضت مالقيتكش جنبي شن صايرلك
ريم/بعد عليااا ...شادة لغطا بيديها لاتنين ...شن صاير اسئل نفسك انت مبارح كنت راقد معايا وتعاشر فيا وتنادي في اسم شهددد وفجأة وليت زي لمجنون بديت تعيط عليا وتضرب ..وطردتني من الغرفة وسكرت لباب وبديت تكسر وتصارخ
مؤيد/يشبحلها مصدوم ومش مصدق ... ...
