#خدعت_به_فأحببته
الحلقة3
الكاتبة fatoom
ام مؤيد كان سمعها ضعيف وتفتح في المايك لما تتكلم بلتلفون
وفي هديك للحظة مؤيد كان خاش وسمع كل شي والاتفاق لي بينهم
مؤيد/واقف ومصدوم 😳وحاط يده ع الحيط وقعدت ترن في وذنه كلمة أعور ..
عصب وطلع من الحوش بدون لايتكلم
فراس/شافه طالع ووجهه مايتفسرش ....😶وين ماشي
مؤيد/ركب سيارته وماردش
فراس/فتح لباب وركب معاه. ..عارفها حركتك اهيا ادل ع انك معصب وراقيلك
مؤيد/مردش عليه ولع السيارة وطلع بأقصى سرعة
فراس/احكيلي خيرك نكلم فيك وانت بتقلبها السيارة بلشوي ياراجل
*****
ريم/خالتي اني فكرت والله رفضي مش ع خاطر ولدك اعور لا والله وعمري مافكرت اني نقيم الناس بشكلهم بس عصبت لأنكم ماحكيتوش من لاول هالشي هدا
و ولدك طبعه صعب وعصبي وكم مرة يقلل في ادبه ومايحترمش فيا يعني بعذين كيف حيكون معاي اني مانتحملش الشي اهوا
ام مؤيد/والله مؤيد الا قلبه طيب غير الناس تشوف فيه هكي وهوا مايبينش لحد طبيعته الا الي يحبهم وانتي لو تصبري عليه حيحبك وتو تشوفيه
ريم/والله ماعارفة شن نقولك
ام مؤيد/تربحي ماتكسريش ولدي والله لو يسمع انك رفضتيه هكي لاما يصير فيه وفينا كلنا تعرفيش شن ممكن يدير واني زي ماقلتلك نكتبلك ارض بسمك والي تبيه
ريم/معش تترجيني خالتي راك فمكان امي واني نحترمك بس قصة لفلوس انسيها مستحيل نوافق ع خاطر لفلوس ولو وافقت حيكون ع خاطراهلي بس وان شاءالله يكون مؤيد زي ماقلتي
ام مؤيد/بري ربي يفتحها في وجهك وينور دربك ويفرح قلبك زي مافرحتيني
سكرت...الحمدلله ياارب
مؤيد/يجري بأقصى سرعه ويضرب في الدومان وعيونه شرار بيقلب السيارة
فراس/هدي يراجل خيرك نحكي معاك
مؤيد/هالحقيرة الرخيصة التافهه 😡
فراس/وقف اهنايا وانزل فهمني هكي حتقلبها بينا السيارة
مؤيد/وقف السيارة....
فراس/احكي شن في وخيرك معصب هكي
مؤيد/سمعت كل شي ريم وامي مدايرين اتفاق بلفلوس
فراس/كيف اتفاق مفهمتش
مؤيد/سمعتهم بودني
ريم عرفت بموضوع عيني قالت مش موافقة على واحد اعور شكلها امي ماحكتلهاش من لاول وتوا قالت مانبيش نتزوج واحد اعور شن حيقولو عليها الناس وتبي تفسخ وامي تقوللها وافقي ع مؤيد نكتبلك ارض وشقة ونعطيك فلوس ف قالت حتفكر يعني لو وافقت حتكون ع خاطر لفلوس وبس يافراس 💔
فراس/مصدوم من لكلام يلي سمعه😳😳...معقولة هالشي
مؤيد/حاط راسه ع الدومان لو تشوف امي كيف تترجا فيها وتبكي معقولةتنزل روحها لوحدة زي ريم ع خاطر تتزوجتي وريم اهيا اول ماقلتلها ع لفلوس تغير كلامها وحدة طماعة وكلبة
فراس/امك من حقها تفرح بيك ودارت هكي ع خاطرك بس ريم مكنتش نتوقع منها هالشي
وتوا شن به حتمشي تكلمها
مؤيد/كانش نمشي نقتلها ...تي وربي مايخلصها من ايدي واحد
فراس/رد بالك تتهور
بس كيف حتتصرف توا حتترك منها ولاكيف
مؤيد/حنشوف توا ردها لو رفضت الاتفاق حنخليها في حالها ولو وافقت تي وربي لما اندمها ونخليها تتمنى الموت في كل ثانية معايا وحنخليها تندم ع الساعة يلي وافقت فيها ع خاطر لفلوس هالطماعة الرخيصة
