#خدعت_به_فأحببته
الحلقة 6
الكاتبة Fa Toom
فراس/خش بيناتهم بقوة وسحب ريم منه
ريم/عيونهادموع 😢
مؤيد/فرراس بعد خليني نربيها هالكلبة🤬
فراس/وجعاته ريم هلبا... ع خاطري يامؤيد خليها وتعال نبيك لبرا
مؤيد/ماشي ...وانتي حسابك عندي ع طولت اللسان متعك
ريم/اول ماطلع سكرت لباب وانهرت نبكي ...من اول يوم واني في الضرب والاهانات وهدا اكتر من اسبوعين فاتو ع نفس الحال نخاف نمشي لاهلي ونطلب الطلاق ولسانات الناس ماترحم شن حيقولو عليا مروحة مطلقة وهيا مزال عروس لو مش ع خاطر اهلي لكنت روحت من اول ليلة
فراس/شن لي درته من عقلك تضرب في مرتك😐
مؤيد/ينفخ في الدخان...خدامتي مش مرتي
فراس/زودتها راك هكي تعاملها لبنت
مؤيد/ مزال مشافت شي بعدين انت خيرك خاش معاها وادافع عليها🤨
فراس/سكت....لأئئـ ..لأن الي درته غلط لبنت طول لوقت محترماتك ومش مقصرة معاك وانت الا تهين فيها وتضرب فيها ومش محترم حتى وجودي اهنايا
مؤيد/الشي هدا بيني وبينها لاانت ولاامي تدخلو فيه فاهم وإلا وربي مانرحم فيها واحد
فراس /ماشي مدام مسكر راسك هكي بس حيجي يوم وتعرف ان كل هدا غلط الي ادير فيه وحتندم
مؤيد/ينفخ في الدخان ومش هامه😤
ريم/وين نمشي بروحي وين ياربي شن هالمريض هدا يلي تزوجته
شوي ويطق لباب ....افتحي يابنتي هدا اني
ريم/مسحت دموعها وفتحت ...
ام مؤيد/تحملي معليش هداراجلك وحاولي تفهميه وتكسبيه في صفك
ريم/شفتي بعينك ياخالتي ولدك من اول يوم جيت فيه وهوا نازل فيا اهانات وضرب ويعامل فيا معاملة الخدم نبي نعرف اني شن لي غلطت فيه معاه ولحد توا متحملاته ع خاطر اهلي وع خاطرك
ام مؤيد/اصبري عليه هوا عصبي وطبعه هكي بس من داخل غير انتي حاولي تفهميه وسايريه
ريم /تنهدت ..يصير خير
ام مؤيد/انا يابنتي مريضة وفي اي وقت ربي ياخد امانته نبي نشوفكم متهنيين. نبي نشوف ولدي فرحان وانا نعرف انك بنت اصل وعاقلة وطيبة وحتسعدي ولدي بس اصبري عليه شوي
ريم/باست ع راسها والله مامصبرني عليه غير طيبتك معايا وربي يطول بعمرك
ام مؤيد/انا ماشية وانتي لما يجي. لو كلمك حاولي ماترديش عليه لانه معاندي ومايحبش من يعانده واناي لو ماسكتيش حيزيد
ريم/يصير خير...خشيت غسلت وجهي وتوضيت صليت وقعدت ندعي ربي يفرجها عليا
مؤيد/اوووف تو بنخش نلقاها مادة وجها اطير حتى النوم ..فتح لباب وخش
ولقي ريم متكية ع حاشية السرير وشادة مخدة وماشي بيها النوم ومنظرها زي لبيبي
مؤيد/ قرب وقعمز جنبها ...ااحم هيي انتي نوضي عدلي نومتك
ريم/غارقة في النوم 😴
مؤيد/اووف ..قرب منها وعدللها راسها ع المخدة ونحى لمخدة يلي ماسكتها
فجأة ريم مسكت يده
مؤيد/تو هادي شن لحصلة نحالها يدها عاودت مسكتهاله
مؤيد/معش عرف شن يدير 😂 اتكى جنبها ....
مؤيد/اول مرة يلاحظ ملامح ريم من قريب ...قعد يتأمل فيها ...حس روحه تافه لانه ضربها بس كان غروره وكبريائه مسيطر عليه ومش مخليه يتنازل ومخليه يسكر راسه وقلبه
مؤيد/لو كنتي موافقة عليا كيف ماانا وبدون فلوسي راهو ممكن كانت حياتنا غير كان ممكن نفتحلك قلبي بس انتي كسرتيلي قلبي قبل حتى لنفتحهولك اصلا ... مش قادر ننسى او نسامحك ع اهانتك ليا.. بس منظرك وانتي راقدة زي لملاك بريئ وحلو بس لما تنوضي اااه كان نلقى نقتلك قد مالسانك طويل وصوتك مزعج ...😂😂قعد مؤيد طول الليل متناقض مرة الجانب الخير يفيق ومرة الجانب الشر يسيطرعليه لحد مارقد
