#خدعت_به_فأحببته14
الحلقة الاخيرة
الكاتبة Fa Toom
مؤيد/مصدوم ومش مصدق.😳....
شهد/نعرف انك مستحيل تصدقني بس
وربي هادي اول مرة نقولك الصدق
مؤيد/شدها من رقبتها😡...تتهمي في فراس ياحيوانة ياتافهة فوق ماستر عليك تتهمي فيه فراس مستحيل يدير هكي هداا خووي خوووي
شهد/انت طيب هلباا يامؤيد 😓بس فراس استغلك خدعك طول هالسنين يخدع فيك وياخد في فلوس من الشركة وحتى جمال كان يعرف
مؤيد/معش قدر يستوعب الدنيا بدت تلف بيه..حط ايده ع الحيط وانهار ع الارض ...كداابة انتي كدااابة فراس فرراس خووي هدا خوي عشير عمري مستحيل
شهد/هوا والله الا هوا ...فراس يحب ريم من اول يوم شافها فيه وهوا يلي يبي يفرقكم واني ساعدته بس كنت عارفة ان اليوم هدا حيجي ولو مش مصدق حنسمعك تسجيلات ليه ...كل المشاكل الي انتم فيها بسببه هوا
مؤيد/حاطت ايديه ع راسه ومش مستوعب شي
شهد/ولعت التسجيل الاول كيف فراس يخطط ويتكلم ولعت التاني .... التالت ...
مؤيد/معش تحمل بدي يعيط بأعلى صوته ...خلاااااااااص خلااااااص🤬🤬
شهد/خافت بدت ترعش😰 ...وراسك مؤيد اني مادخلي بشي حنمشي ونبعد عليكم والله ندمت ومعاد نفكر نجي في طريقكم
مؤيد/ادكر انه باعت لفراس وقايله خود اغراض لريم ركبت فيه نااااار
مؤيد/فك منها التلفون الي فيه التسجيلات وطلع يجري ركب سيارته ويجري بأقصى سرعة...وجهه ملامحه عيونه مايتفسروش ... يضرب في الدومان كيفف كيفف هكي ...انا امنته ع كل شي كيف يغدر بيا ...يجري بقوة يبي يلحق يوصل للشقة
عند ريم ✨✨
ريم/ولعت سورة البقرة ...ضميت الشقة دوشت بلرقية ولبست توتة خفيفة لونها عنابي شديت شعري فوق وقعمزت نشرب في قهوتي وحاسة اني مرتااااحة والغصة الي كنت حاستها اختفت ❤ ...سمعت لباب طق لفيت وشاحي وفتحت وقعدت واقفة ورا لباب
فراس/كيف حالك ريم شن مدايرة
ريم/لحمدلله كويسة وانت
فراس/بشوفتك احسن ...ااه جبتلك شوي حاجات وصاني عليهم مؤيد
ريم/بارك الله فيك..ومسكت لأكياس بندخلهم شد ع ايدي
ريم/أأأئئــ ...سحبتها بسرعة لين طاحت مني الكيسة
فراس/بسم الله خيرك ..هاتي انا ندخلهم تقال عليك
ريم/لالا تو ندخلهم انت اكيد مش فاضي عادي تقدر تمشي
فراس/بدون لايرد عليها دف لباب وجي خاش ...مانقدرش نمشي ونخليك ادخليهم بروحك تقال عليك
ريم/ عدلت وشاحي ...باهي حطهم ع طاولة المطبخ ...
فراس/خش حطهم وخلا الباب مفتوح
ريم/يسلمو تعبناك
فراس/تعبك راحة...ااشن بنقولك مؤيد حكالي ع المشاكل يلي صارتلكم ان شاءالله خير انا كم مرة ننصح فيه يبعد عن شهد لانها ماتنفعش
ريم/شن قصدك اصلا مؤيد مايفكرش في شهد و بعدين مش شهد خطيبتك
فراس/لا مابينا شي انا درت هكي باش نسترها بس مانفكرش فيها وهيا مزال تحب مؤيدو يعني طبيعي حبيبته الاولى حيشوفها كل يوم وقريبة منه اكيد حيحنلها انا ماكاسر خاطري غير انتي
ريم/ ...مستحيل هالشي بعدين كيف تقولي هكي يافراس
فراس/شد ايدها لاني خايف عليك ومؤيد ديما يجرح فيك مانتحملش نشوفك هكي قلبي يوجعني
ريم/كتر خيرك اني نعرف مؤيد كويس وواثقةفيه
فراس/صدقيني انك مخدوعةفيه
ريم/اي خدعت فيه وحبيته ولوسمحت مانبيش نسمع حرف منك هدا صاحبك كيف تقول هكي عليه متخلينيش نكرهك
فراس/ اكرهيني بس شن بندير انا انحبكك مانقدرش نتحمل نبيك ياريم راني انتعدب كل يوم
ريم/ضربته كف اخر واحد كنت نتوقع منه هالشي شن دنب مؤيدالي واثق فيك ..اطلللع لبراااا اطلع والا انلم عليك النااس
فراس/شادها من يدها بقوة انا شن دنبي البنت الي نحبها خداها صاحبي
ريم/اني مانحبكش واليوم اتبتلي انك واحد رخيص دفاته ومشت جيهة الباب
مؤيد/جي خاش لقي لباب مفتوح وصوت ريم عالي ..خش والشرار في عيونه والنارر راكبة فيه
ريم/...مشتله تجري مؤييد ...وتبكي
مؤيد/بدون لايتكلم ولايدير اي ردة فعل بعدها ..ويشوف لفراس وراها
فراس/خش بعضه ....أأ وو وينك ماتردش ع هاتفك ريم انشغلت عليك انا جبت لاغراض لي وصيتني عليهم هيا انا طالع
مؤيد/استناااا...
ريم/خافت ماقدرتش تقوله شن صار وقفت وراه ساكتة
مؤيد/بكلل هدووووء ياصاحبي اليوم انا عرفت شي لحد توا مش مصدقه
فراس/وجهه يصب عرق واقف مقابل مؤيد..لسانه انعقد.شن
مؤيد/لحظة بس...ولع التسجيلات ..
ريم/حاطة ايدها ع فمها من الصدمة وقعمزت ع الارض
فراس/ساكت وعرف ان كل شي انكشف
مؤيد/رفع عيونه في فراس ....هكي تجازيني ياصاحبي مش عارف كيف نشكرك بارك الله فيك ياخوووي
فراس/مم مؤيد مش هكي هدا كله كك كدب
مؤيد/مزال تبي تكدب تاني.😡..خدي الهاتف وكسره بقوة...وبدا يصاارخ علااااااش علاااش شن درتلك. علاااااش ادير فيا هكي انا الي اعتبرتك خووي دخلتك لحوشي امنتك على شغلي ...حكيتلك اسرراري كلينا شربنا مع بعض اهلك اعتبرتهم اهلي ماقصرتش معااك راك خوووي خوووي ...في الاخير بشن جازيتني بلغدرررررر الغغغددرررر ياصاحبي طعنتني من ظهري اعتبرتك خوي وانت خنتني انت انت ماتستحقش حتى إني نكرهك
فراس/انهار ع الارض ....وحس الذنيا كلها صغرت بيه ....فاق ع روحه ...
ريم/تشوف لمؤيد وتبكي
مؤيد/ قرب منه وشاده من كتافه بقوة قوووول قوووول رد عليااا قول هدا كله كدب قول انك مش هكي
قول ان الي سمعته كله مش صح قووول
فراس/يبكي وعيونه في الارض ....لاماهوش كدب صح انا خاين غدار ماصنتش العشرة ماصنتش الخبز والملح الي بينا ...انت اعتبرتني خوك وغرقتني بفضلك بس انا غدرت بيك وحطيت عيني ع مرتك حبيييتها. حبيتهااا بس عمري مافكرت نضرها بس والله ماهو مني ... ويشوف لريم
مؤيد/ضربه ع وجهه بكل قوته وطيحه ع الارض ...تقوول فيهااا هكي في وجهي عاادي سااهلة عندك...ماضريتناش باهي الي درته فينا شن يقولوله شششننننييي نزل فيه ضربب ضررربب بكل قوته لين دقدقه كسره خلطله وجهه كل الغل الي فيه فرغه
فراس/ماقاوماش ولا تحرك خلاه يضربه ويفش كل غله وقهره فيه حس انه خسر كل شي وكل هدا يلي داره مااستفاد شي
ريم/شادة مؤيد مع جاكيته وتعيط...خلااص مؤيد ماتوسخش ايديك حيمووت
مؤيد/بعدد عليه ووجهه احمر وكله عرق وداهش ويتنفس بقوة
فراس/طايح ع الارض وكله دمايات ...ناض ومش قادر يوقف...منزل راسه سامحني مؤيد سامحني وراس خوي سامحني
مؤيد/اطلع من قدام وجهي مانبيش نقتلك اطللعع ولاعاد تناديني خوي من اليوم لاعاد نعرفك لاتعرفني نهيت علاقتي فيك حنعتبرك متت كان عندي صاحب وخو بس اليوم ماات مااااات
فراس/طلع وساند الحيط ومش قادر يوقف ركب سيارته والدنيا كلها ادور بيه وكل شي قدامه مظلم...
مؤيد/منهار ع الارض ...هداا صاحبي هدااا خويي يدير فيا هكي ...شن خلا للغريب شن خلاا للعدو
ريم/حضناته وتبكي...بدون لاتتكلم لانها عارفة مستحيل تقدر تهون عليه والا تخفف عليه صدمته لو مليون كلمة ومليون حرف مستحيل يقدرو يوصفو كمية الوجع والقهر الي حاسس فيها مؤيد في اللحظة هادي
فاتت تقريبا نص ساعة
مؤيد/مقعمز ومهموم والنااااار تاكل في روحه من داخل ...مغمض عيوونه ودمعته نزلت...ادكر كل شي كل ايامهم مع بعض صداقتهم ضحكهم بصارتهم مواقفهم حزنهم فرحهم كل شي كل شي ومش مصدق ان في لحظة كل يطلع كدب وخداع
ريم/حطت ايدها ع وجهه....مااديرش في روحك هكي ...قلبي بيتقطع عليك
مؤيد/نحالها يدها ...وناض
ريم/لحقاته...مؤيد
مؤيد/ريم الله يخليك خليني شوي في حالي راني مش قادر نتكلم
ريم/عيونها دمووع. ..ماشي
ترن ترن ترن
مؤيد/شاف التليفون وماردش
ترن ترن ترن
مؤيد/رد بدون لايتكلم ....
مؤيد/ طاح التلفون من ايده
ريم/مؤيد شن فيه
مؤيد/طلع يجري من الشقة ووجهه مايتفسرش
ريم/لحقته نجري...مؤيد مؤيد وين ماشي ماسمعنيش لبست ع السريع عباتي ولحقته
مؤيد/نازل من الدرج ...ووجهه مايتفسرش. ..ركب سيارته
ريم/مؤيد ماتخوفنيش قول شن صاير فتحت باب السيارة وركبت معاه مؤيد شن في
مؤيد/كلموني من المستشفى فرراس دار حادث قوي
ريم/ااه. ...مش مصدقة...
مؤيد/ وهوا طالع من عندنا دار حادث ...
ريم/لاحول ولاقوة الا بلله
وصلو للمستشفى ....
فراس حالته صعبة الحادث كان قوي هلبا
مؤيد/سئل الممرض ع الحالة الي وصلتهم توا
الممرض /الولد مدخلينه وكله دم مايبان فيه شي مااعتقدش ينجى من الحاذث توا دخلوه
مؤيد/حط كل افكاره مشاعره غضبه ع جنب وقعد معاه في المستشفى 💔
الدكتور/طالع ويمسح في العرق من جبهته
مؤيد/قرب منه شن وضع فراس
الدكتور/البقية في حياتكم ...الله يرحمه اصابته كانت في الدماغ الجمجمة كلها متضررة ماقدرناش ننقدوه 😓
مؤيد/حط ايده ع الحيط وفقد توازنه
ريم/شديت ايده بسرعة...مؤييد 😰
مؤيد/نزل ع الارض وقعمز...حاطط ايديه ع وجهه ...
علاااااش علااش يافرراس الموووت خداك هكي قبل لا نعاتبك ونلومك علاش استخسرت فيا حتى هالشي علااااش..غدرتني ومشيت ربي يسامحك لاعاد عرفت نزعل منك لانزعل عليك
ريم/حضنته ونبكي ...
سمعو اهل فراس وجو للمستشفى وانقلبت الدنيا عياط وامه انهارت وصارت فيهم حالة 💔
باختصار موت فراس كان صدمة للجميع بس لمؤيد كانت صدمتين الصدمة الاولى ان في اليوم يلي عرف فيه ان صاحبه وخوه غدر بيه هوا نفس اليوم الي خسره فيه
خلاص فراس ماات
خدي معاه كل اغلاطه
خلا كل شي وراه لاعاد ينفعه مال ولاالطمع ولا الغدر حينفعه
مشي وكل الدكريات الحلوة كسرهم ومحاهم في يوم بسبب غدره ونفاقه خلا بصمة تجرح في قلوب الي اعتبروه صديق واخ خلالهم وجع ماينسوهش طول عمرهم
فراس ماات واهله ودعوه دفنوه حطو فوقه التراب صلو عليه ....دعوله بلرحمة.... سامحوه ...
تمت الدفينة وكل الناس روحت
ريم/عزينا اهله وقعدنا معاهم الى الليل وروحنا
كان مؤيد علامات الحزن ع وجهه وعيونه حمر ماحبيتش نتكلم ولانجيب طاري فراس
لان هالشي صعب عليه صار كل شي بسرعة وفي يوم واحد
شديت يده وخشينا لشقتنا
مؤيد/مقعمز مهموم ومخنوق
ريم/قعمزت جنبه وحضنته وحطيت ايدي ع وجهه ...كل شي قضاء وقدر كل شي نصيب من ربي هادي حكمة ياقلبي اني مانقدرش نصبرك او نهون عليك بس حنقعد جنبك نسندك...ماتجوز ع الميت الا الرحمة توا ..حاول توقف ع رجليك وتنسى كل شي الحياة مزالت قدامنا
مؤيد/معاد عندي شن نقول توا هوا مات وخدي معاه كل شي الله يرحمه وخلاص
ريم/شديت ايديه لاتنين...
مؤيد/نحى ايديه بسرعة وناض...ريم خليني في حالي توااطلعي تعبان نبي نرتاح.
ريم/بدون لانكلمه طلعت وخليته...عدرته لان الي صار معاه اليوم مش هين خليته ع راحته وطلعت رقدت في الغرفة التانية
الصبح
مؤيد/ريم نوضي وتي حوايجك في شنطة
ريم/بسم الله ...علاش نوتي حوايجي
مؤيد/بنرفعك لأهلك
ريم/ كاني بنمشي حنقولك ارفعني بس توا مانبيش نمشي نقدرش نخليك في حالتك هادي
مؤيد/تنهد نوضي ريم وتي شنطك وحطي فيها كل حوايجك بنرفعك لاهلك تقعدي عندهم اسبوع اسبوعين قداش ماتبي ...
ريم/...خيرك علاش هدا كله .
مؤيد/ هالفترة خليك بعيدة عليا وانا بعيد عليك كل مانشوفك ندكر في كل شي معش قادر
ريم/بديت نبكي...واني شن دنبي شن دنبي يامؤيد ادير فيا هكي ...انت توا بكلامك خليتني نحس اني السبب في كل شي صار ...
مؤيد/انا نازل وتي روحك نستنا فيك
ريم/انهرت نبكي ...اني شن درت شن درت باش تقولي هكي علاش تبعد فيا عليك علاااش
مؤيد/ركب سيارته وحاط ايده ع وجهه..انتي مادنبك شي مادنبك شي بس انا مش قادر ننسا نبي وقت
ريم/ركبت السيارة ودموعي ع خدي ماقلتش ولاحرف لين وصلت
مؤيد/سامحيني ريم ...انا درت هكي باش اتنينا ناخدو وقت كافي وننسو فيه
ريم/اني نبي نكون معاك.
مؤيد/انزلي توا....ويصير خير لابعدين
ريم/نزلت وخشيت لحوش اهلي ومابينتش اي شي قلتلهم مسافر وعنده شغل وحنقعد اسبوع او اسبوعين
