#خدعت_به_فأحببته
الحلقة5
الكاتبة Fa Toom
غير مسموح بنقل رواياتي بدون وجود اسمي رجااء والا حيصير كلام تاني فخلوني ريلاااكس 😊
نحبكم و قرائة ممتعة 😘
ريم/انصدمت في اسلوبه هدامش طبيعي ...ااييي توجع فيا راك...خيرك كل لي طلبته تساعدني بس
مؤيد/🤨🤨 نساعدك...
مؤيد/ من عقلك انتي تحسابيني خدام عندك تتحكمي بيا وتطلبي مني نساعدك 😡
ريم/خيرك شن قلت اني😕
مؤيد/شدها مع شعرها ولصقها فيه ...بصوت واطي حدرتك من الكلام معاي ولازم تفهمي ان انا الراجل اهنايا وكلامي أوامر ومن اليوم انتي عبدة عندي وانتي الي بتخدميني وفمك ساكت واي رد فعل منك مايعجبنيش حتشوفي شن يصير فيك ومش حنقولك شن حندير فيك بس حيكون فعل 😏
ريم/مصدومة ومرعوبة وخايفة وعيونها دموع....
مؤيذ/ماتشبحيليش هكي نزلي عيونك لما نكلمك ماترفعيهمش معاي فاهمة 😡
ريم/واطت عيونها 🙁وخايفة اي حاظر بس فلتني شعري تقطع بين ايديك
مؤيد/نحى يده من شعرها بقوة لدرجة خصلات شعرها قعدو عالقات في ساعته
مؤيد/هالكلام ماتنسيهش وتوا اقلبي وجهك وساعدي روحك بروحك 😒
ريم/خشيت نرعش للحمام ونبكي
ياربي شن هدا الانسان في اول ليلة يقولي كلام هكي اني لي جبته لي روحي اااه شكله خوفي طلع في مكانه 💔
غسلت وجهي وتوضيت ولبست روب دخلة ابيض طويل وفوقه طرف طلعت واني نرعش ...لقيته مغير حوايجه ومقعمز شاد تليفونه
مؤيذ/رفع عيونه وشبحلها بربع عين😒 من فوق الى لوطا
ريم/معش عرفت شن ندير نقعمز ولانقعد واقفة
مؤيد/خيرك تمسمرتي كانك بتصلي هيا
ريم/لبست ملاية الصلاة وصليت وراه واني نرعش وندعي وحاسة قلبي مقبوض
كملنا وهوا طلع واني قعمزت ع السرير
مؤيد/طلع جاب لعشي و حطه ....تعالي لو تبي
ريم/كنت جعانة بس تحشمت قعدت ساكتة
مؤيد/خيرك تبكشتي تبي تتعشي تعالي
ريم/قربت وبديت ناكل بلشوي وكل شوي نشبحله وهوا مش معبرني كأني مش موجودة كمل وغسل يديه واني قمت السفرة وحطيتها في لمطبخ ..توقعت ممكن يصير شي اول مانخش للغرفة وكنت خايفة بس اول مارجعت لقيته شاد مخدة وغطا وخدي هاتفه ...قعدت واقفة جنب لباب نشبحله ...بتردد أأئئـ.... وين ماشي
مؤيد/ماشي بنرقد عندك مشكلة🤔 ...
ريم/علامات استفهام على وجهي. ..لاخود راحتك
مؤيد/تجاهلها وطلع😒
ريم/حسيت بحاجة اخيييي....ومقدرتش نتكلم لان نبيش نفرض نفسي عليه. ..بس مدامه مايبينيش علاش متزوجني علاش من الاول خدعني باش نتزوجه وتاني يبيني خدامة عنده ...ااه وخلاص جبته لعمري ...تمددت ع السرير ومباش،يجيني النوم الا نفكر كيف حتكون حياتي مع الانسان الغامض هدا
دعيت دعيت وبكيت لحد ماتعبت ومشي بيا النوم
الصبح ***
ريم/راقدة...لين تحس بحاجة مسقعة تبزعت عليها. ..ناضت مخلوعة😨
مؤيد/من بكري انوض فيك ...متي ولاانطرشتي ماتنوضيش😡
ريم/ مجنووون انت هكي الناس تنوض تبزع عليا اميه واني راقدة شن هدا.😑
مؤيد/قسم بلله الا مجنون اي 🤬
وضمي فمك ومعش تعلي صوتك شن قايلك امبارح بعدين هيا طاسة امية درتي منها قصة
ريم/بس انخلعت 😑
مؤيد/مصارلك شي مش حتموتي ...قرب منها ..بعدين مزال،ماشفتي مني شي هاذي المقدمة بس😏
ريم/نبي نعرف شن درتلك بس علاش المعاملة اهيا
مؤيد/حرف زايد،مانبيهش منك..وهكي،مادرتيلي شي بس انا بنعدبك هكي كساد 🙄
ريم/قعدت نشبحله وبس مصدومة فيه
مؤيد/بتقعدي هكي مادة خلقتك نوضي غيري هيا وقت بنروحو
ريم/مش بنقعدواسبوع😕
مؤيد/قرب منها وحط اصبعه ع راسها بش تفهمي انتي اهنايا شن في عقل ولا طبل امبارح شن نبهتك قلتلك كلام زايد لا والي نقوله يمشي فاهمة😡
ريم/بخوف ...اي اي 😨
مؤيد/هيا نوضي نراجي فيك لوطا والشناطي ركبتهم ماديريش سبلة
ريم/خشيت غسلت وجهي وغيرت حوايجي لبست قفطان طويل عرايسي لونه عنابي حطيت مكياج خفيف. لبست عباتي وخديت شنطي ونزلت
مؤيد/راكب في السيارة ...هالحصلة عطلت تو نركب انزلها مع شعرها جي بينزل لين ريم وصلت
مؤيد/قعد يشبحلها شوي وفاق ع روحه .. نجيتي مني اركبي 😡
ريم/ركبت واني نرعش
طول الطريق ساكتين مؤيد يدخن وبس
ريم/فتحت الروشن انخنقت من الدخان معليشي
مؤيد/بدون مايشبحلها...صكري امه🤬
ريم/اا بس
مؤيد/شبحلها لين رعشت 😒😂...سكراته وهيا ترعش منه ...
ريم/ياربي كون معاي هدا باين عليه واحد سفاح وارهابي😑
وصلنا لحوشهم
مكانش حوش كان فيلا كبيرة وكان فيها جنان مليان ورد وفيه مسبح كبير وكراسي
اول ماخشيت قعدت باهتة فيه وفاتحة فمي ونتلفت ايمين ويسار 😯
مؤيد/خشي من اهنايا وراهي رقبتك تنكسر.😏
ريم/ 😶😶
ام مؤيد/يااهلين وسهلين بلعرسان وتزغرت...سلمنا اعليها وقعمزنا
ام مؤيد/مشاءالله على كنينتي تهبل ربي يحفظك
ريم/ربي يخليك تسلمي خجلتيني
مؤيد/ساكت ويشبح لريم شبحة كفر 😂
مؤيد/فراس وين امي
ام مؤيد/مشي ل اخته مريضة
مؤيد/علاش ماقلتيش وخيرهم
ام مؤيد/لا مافيها شي ... بس زاد عليها ولد
