#خدعت_به_فأحببته
الحلقة7
الكاتبة Fa Toom
مؤيد/مقعمز في لمكتب وماسك صورة امه ...
طق طق
مؤيد/حط الصورة تفضل
شهد/ياروحي عضم الله اجرك وجت بتحضنه مؤيد/هيييي شن اديري هنايا انتي 🤬 الزمي حدودك واطلعي برااا
شهد/قعمزت ع حاشية الطاولة مؤيد اسمعني
مؤيد/🤨🤨
ريم/مقعمزة نتفرج ع الصالون وماحسيت لين حد قعمز جنبي...
فراس/خيرك تخممي
ريم/عدلت تقعميزتي ..ااه لالا مانخممش منسجمة نتفرج
فراس/لو مضايقة من شي تقدري تفتحيلي قلبك وتهدرزي عادي
ريم/لالا مش مضايقة من شي ...بس مؤيد وضعه مش عاجبني
فراس/علاش رجع يضرب فيك تاني...
ريم/لالا بس معش زي قبل ...طول لوقت مهموم وساكت تصدق ستاحشت يعصب عليا
فراس/والله انك غريبة...
ريم/ابتسمت ...شن لي غريب فيا
فراس/هممم كلك غريبة وفيك شي غريب ...لحد توا قدرتش نفسرك
ريم/مافهمتش شن تقصد.....
فراس/مانقصد شي بس انتي بنت قوية ومع كل لي داره فيك مؤيد قعدة معاه مع انك تقدري تخليه في اي لحظة بس شن سبب الي مخليك معاه
ريم/مهما يكون هدا يقعد زوجي نقدرش نخليه في وقت صعب مهما كان قاسي عليا اكيد عنده اسباب خلت شخصيته هكي
فراس/يعني مش ع خاطر فلوسه
ريم/حسيت كلامه شوي غريب .كيف يعني ع خاطر فلوسه حتى انت تفكر زيه
فراس/لامش هكي بس حنسئلك وياريت تجاوبيني بصراحة ونتمنى يقعد هالشي بينا ... ..
ريم/نسمع فيك..
فراس/..........
شهد/ايمتا بتسامحني انت ...
مؤيد/اطلعي من قدام وجهي مش ناقصك
شهد/امك الله يرحمها يلي كانت حاجز بيناتنا توا ماتت
مؤيد/شن تدوي انتي اعرفي كيف اطلعي لكلام من لسانك امي ترابها مزال مبلول وجاية تخرطي
شهد/مش قصدي بس نحكيلك لان من يوم تزوجت واني حالتي حالة
مؤيد/مادخليش في حالتك ...السبب في انفصالنا مش امي انتي هيا السبب وعمايلك وتصرفاتك
شهد/اوووف ايمتا بتفهمني كل هدا على خاطرك لاني نحبك نبيش نخسرك
مؤيد/هه ع خاطري ...هكي هوا لحب تخونيني مع عدوي تتقربي مني وتاخدي كل اسراري و تبيعيني ليه وتخليه ياخد نص الشركة يلي تاعب فيها وورطوني في شغل مش قانوني خليتوني نبيع سلاح مش مرخص وحشيش ومخدرات وانا مانعلم بي شي ومسكتوني مع ايدي لي توجع فيا ومانقدرش نتكلم لان عنديش دليل يتبت برائتي لو شكيت فيكم فسكتت وتوا خديتو نص الشركة شن تبو تاني قعد مانسيتش لي درتيه كل هدا بسببك لاني كنت معمي فيك
شهد/لصقت فيه باش تفهم انت هددني بيك بس اني مزال نحبك
مؤيد/تحبيني وتمشي تبيعي شرفك لعدوي مقايل لفلوس هكي الحب هوا
شهد/غلطت باهي غلطت ونعترف مكانش مفروض ندير هكي
مؤيد/معش تفتحيلي هالسيرة واطلعي من قدام وجهي بري لمكتب شريكك امشي معش تجي في طريقي
شهد/حطت يدها ع خده مؤيد ..نعرف انك ماتحبش مرتك ومزال تحبني
مؤيد/نزللها يدها..وشن يتبتلك اني مانحبهاش
شهد/لوتحبها كنت لابس اقل شي دبلتك
مؤيد/عادي مش شرط نلبسها باش نتبتلك اني نحبها وتوا اقلبي وجهك خير مانعصب عليك راني ماعنديش خلوق
شهد/عصبت وطلعت...
مؤيد/كلكم زي بعض متعات فلوس وتبيعو رواحكم ع خاطر وسخ الدنيا
جمال/حصلتك حبي وين كنتي
شهد/دفاته...مش وقتك توا يشوفناحد
جمال/ع اساس محد يعرف ...به ايمت وقتي امالا
شهد/قربت منه في الليل ياسموحي 😉🤫
جمال/احححيه 🤤😍 ليلتك الليلة
شهد/بس اكيد في مقابل 😘
جمال/يذلل الغزال 😍
شهد/سلاام توا عندي شغل ضحكت ضحكة عالية ومشت
ريم/مش معقولة يلي سمعته واني نقول مستحيل يكون تصرفاته معاي من غير سبب هكي ...متعرفش المعروف يلي قدمتهولي توا ومقعدتش حايرة ونسئل في روحي كل،شي ولا واضح توا
فراس/واضح بلنسبة ليك ...بس مؤيد مزال مفكر انك قعذة معاه ع خاطر لفلوس
ريم/كيف حنخليه يصدق اني معاه لاني اني نبي هالشي ومش ع خاطر واني رفضت الاتفاق ورفضت فلوسه،مش حيصدقني معنذيش دليل دليلي الوحيذ خالتي وخالتي ماتت الله يرحمها 💔
فراس/صدقيني لما يشوف،اهتمامك وهكي حينسا كل هدا،ويفهمك وان شاءالله انا نحاول نحكي معاه
ريم/لالا ماتحكيلا شي مانبيشي يتغير معاي بس لانه حيعرف نبيه بي ارادته يحس ويتغير ع خاطري
فراس/ع راحتك وتوا انا ماشي ماتبي شي
ريم/لالا سلامتك بارك الله فيك
فراس/ابتسم وطلع .. هداخيرني شن لي جاني خير بلاياالمفروض نكون فرحان ان حينحل سوءالتفاهم يلي بينهم بس خيرني اضايقت اول ماعرفت ان ريم كانت رافضة الاتفاق وانها قعدة بي ارادتها...تي معناته تحبه خيرني انا هادي مرت صاحبي وخوي مؤيد..بعدين غلط وجودي معاهم في الحوش بعد ليوم خلاص ماعندي لاش نقعد خالتي والله يرحمها ومؤيد صاحبي حنقعد معاه في كل وقت بس معاش نقدر نقعد معاهم في نفس الحوش حاس ان وجودي زايد وماليهش اهمية وممكن يكون غلط يعني مرا وراجلها جاي وحاشي راسي بينهم ...
لازم ندير حل لأفكاري قبل لاتوديني في،داهية
في الليل
مؤيد/خش لوح جاكيته. وتمدد ع الصالون ...
ريم/اهلين ..كيف كان يومك وكيف كان الشغل
مؤيد/ماشي بس علاش تسئلي🤨
ريم/يعني مافيها شي لو سئلت زوجي ع شغله وكيف كان يومه
مؤيد/سكت ...احمم به في عشي
ريم/استغربت ماناضش يكشخ بس فرحت ....نايضة نحظر لعشي ونتعشو مع بعض
مؤيد/علاش حتى انتي ماتعشيتيش
ريم/اي ماجتنيش النية ناكل بروحي قلت تروح ونسايرو بعض
مؤيد/ماشي ...خدي تليفونه واتصل بي فراس...ماتقوليش وينك معش نشوف فيك بدال ماتواسي صاحبك وتقعد معاه
فراس/انا معاك في كل وقت تحتاجني بس انت الله يهديك تبي تقعد بروحك وانا عارفك وعادر وضعك وايمت ماتبي تلقاني بس
مؤيد/اي بس وينك معاش تبات اهنايا مكانك قعد
فراس/لالا معش يناسبني الحق نبي نرجع لحوشنا
مؤيد/خيرك علاش طول عمرنا ساكنين مع بعض ومفيش فرق بيني وبينك شن تغير
فراس/الي تغير اني كنت عايش معاك لان الحوش مافيه حد غيرك انت وخالتي بس توا الوضع يختلف خالتي توفت ومقعد حد غيرك انت ومرتك وانت تطلع الصبح تروح الليل مايجيش نقعد ساكن معاكم في الحوش ولسانات الناس ماترحمش
مؤيد/شن دخلنا فيهم الناس يلتو ويعجنو ع كيفهم انت خوي وصاحبي ...
فراس/هكي خير وانا غدوة جاي وحناخد شوي حجات ليا
مؤيد/ماشي ع راحتك كان هالشي يريحك ...بس تعال اقل شي للشغل في هلبا حجات لازم نكملوها
فراس/خلاص غدوة نجيك للشركة ونتكلمو سلام توا وسكر
ام فراس/احسن شي درته هكي الصح لاايمتا بتقعد ساكن معاه خالتك الله يرحمها وتوا صاحبك متزوج ويبي ياخد راحته مع مرته
فراس/اي صح بس غدوة حنمشي نجيب شوي حجات ليا قعدو وان شاءالله ميكونش زعل مني
ام فراس/لالا مايزعلش مؤيد ..مدامه هالشي يريحك
ريم/تعال لعشي حاظر☺
مؤيد/قعمز ياكل ومرة مرة يرفع عيونه في ريم
ريم/طول لوقت ساكتين لين قلقت ...خاطري نجرب نحكي معاه بس خايفة رد فعله يصدني طول
...اححمم اني شبعت
مؤيد/به شن بنديرلك و نوضي
ريم/الناس تقول صحة ولا يسلمو🙄 ايدك الاكل حلو...
مؤيد/ صحة يسلمو ...شن لفايدة منه لكلام هدا عبارة على نفاق وانا نحبش انافق حد
ريم/ضاربه الجفاف الشخص اهوا 😒....يعني مش حلو تطييبي
مؤيد/خيرك انتي تبي تفتحي اي موضوع معاي ولاشن زابطك راه ريحي روحك وارقدي ماعندي مانهدرز عليك ماعندش خلوق
ريم/قربت منه ...ماتقوليش خيرك هكي معاي اي كلمة نقولها تسكتني وتصدني اعطي مجال لنفسك حتى تتعرف عليا كلفت نفسك تسئلني كيف حالك ولاشن تحبي ولاشن زاعجك ولاخيرك مكلفتش نفسك تعرفني كويس وتعرف شن في،داخلي حكمت عليا بدون لاتعرفني
مؤيد/بكل برود ...معندي علاش نسئلك ولانتعرف عليك ماتهمينيش اصلا
ريم/حسيت كأن من صب عليا مية سخونة حرقتني ...مدام مانهمكش لهادرجة علاش متزوجني ومخليني عندك
مؤيد/هكي بمزاجي
ريم/مش كل شي يمشي بمزاجك ع فكرة
مؤيد/ناض و اتكى ع الصالون مش لاقيلك جهد كان هدا نقصلك لسانك غير تاعب من الشغل
ريم/لحقاته حتى اني تاعبة تعبت تعبت منك ومن تصرفاتك من تجاهلك من استحقارك واستكرادك ليا فهمني شن يلي تبيه مني
مؤيد/شدها وسحبها ليه طيحها فوقه وشعرها نزل على وجهه وقعدو عيونهم في عيون بعض...انتي لسانك هدا يبيله قص
ريم/خلت عينها في عينه ومانزلتهمش
مؤيد/انتي شن لي تبيه بلضبط ااه
ريم/تبكشت معش قدرت نتكلم ...ءء حاولت انوض
مؤيد/زاد شدها من خصرها وسحبها اكترليه ولصق جسمها بجسمه.. وكانو قراب هلبا من بعض
ريم/غمضت عيوني ...وقلبي يدق بسرعة وبخووف ... خليني مؤيد
مؤيد/حط صبعه ع فمها إاشششش قرب لين لصقو شفايفه ع شفايفها ...باسهاااا بكل هدووووووووووءء وبوسة طووويلة ❤
ريم/فتحت عيوني من الصدمة 😳😳وحسيت انفاسي وقفت وجسمي رعش واني ذبت فيه....
مؤيد/قاملها راسها....وعوينه في عيونها....وهيا مزال مصدومة
ضحك ع جنب 😏 خليتك تسكتي وتوا ريحيني نبي نرقد...بعدها من عليه وناض رقد
ريم/قعدت في مكاني ونفس الهيئة يلي خلاني فيها وفاتحة عيوني ومش مصدقة يلي صار قعدت تقريبا نص ساعة بش ستوعبت 😂
الصبح***
ريم/نضت لقيته ماشي للشغل 😓
دوشت ولبست قفطان حاير ولونه ازرق هادي
ستشورت شعري وحطيت كحل وروج خفيف من توفت خالتي ماهتميتش بروحي. ولاحطيت شي ع وجهي درت طاسة قهوة و
طلعت نتمشى شويا في الحديقة بروحي لين نشوف في واحد جاي ناحيتي كان فراس....باهي يلي ادكرتنا وينك
فراس/ههه طول استلمتيني. ..والله
ريم/ماطلعش اعدار انت متغير ومعش لاتجي ولاتسئل
فراس/لاوالله ماتهون عليا العشرة بس هوا هدا معش نقدر نقعد نعيش معاكم ماتجيش
ريم/شنو فيها عادي زي ماكنت قبل عايش اهنايا
فراس/الوضع غير خالتي كانت معانا بس توا انتي ع بروحك وماتجيش نقعد معاكم حتى الناس تتكلم
ريم/اول ماجاب سيرت خالتي عيوني لااراديا دمعو...اي الله يرحمها مخليا مكانها تصدق بديت نخاف في الحوش بروحي مؤيد يطلع مايروحش الا اليل وطول لوقت نتخيل في صوتها تنادي فيا ونقعد نبكي بروحي كانت امليا عليا فراغي وكنت اني وياها ديما نهدرزوبس توا الله يرحمها
فراس/تنهد بحزن الله يرحمها...مؤيد وينه
ريم/مشي للشغل
فراس/اها مش مشكلة انا بنخش ناخد شوي حجات ليا وطالع تو نمر عليه
ريم/ تمام خود راحتك
قعزت جنب لمسبح واني غارقة في التفكير..مؤيد طلع بدون لانشوفه من موقف امبارح واني خاشة بعضي وهوا ياترا كيف يفكر فيا ااوووه مش عارفة اول مايروح كيف حنستقبله ونخلي عيني بعينه نتحشم
فراس/حط شوية حوايج ليه واغراض تانية في شنطة وجي نازل ...وقف لحظات بدون وعي وقعد يشوف لي ريم بعيون كلها اهتمام
ريم/تلفتت لقاته واقف ...فراس تبي حاجة
فراس/ماردش
ريم/ناضت وقفت ...فراس خيرك نكلم فيك تبي حاجة
فراس/فاق ع روحه ...اااه لالالا مافي شي بنقولك هاني ماشي توا توصي شي
ريم/ابتسمت لا سلامتك دير بالك ع روحك ومرة مرة اسئل مش تنسانا
فراس/خشو لكلامت هادم لي قلبه زي السهم وفرح بي اهتمامها ...تلفتلها هوا انا نقدر
ريم/حست بتصرفات فراس متغيرة وكلامه غريب شوي...بس ماعطتش اهمية لهالشي واعتبراته عادي
واهتمامها كان عادي وفراس بلنسبة ليها ك أخ بس فراس بدون وعي وبدون لايحس ع روحه كان ينجدب لي ريم بدون لايحس
