#خدعت_به_فأحببته
الحلقة12
الكاتبةfatoom
مؤيد/يشبحلها ومش مصدق ...ريم انتي من عقلك انا درت هكي مستحيل ياريم امبارح رقدنا عادي خيرك بعدين كيف نقول اسم شهد شن تحسابيني هبلت
ريم/دفاته ...بالك تخيلتها هيا ومزال تحبها وتبيها هدا علاش وعصبت عليا وبديت تكسر
مؤيد/شن تقولي شكلك انتي هبلتي
ريم/انت الي بتهبلني... عاود راجع داكرتك باهي ورد بالك تلحقني والا تكلمني خليني في حالي خلاته وخشت للغرفة
مؤيد/يمسح في وجهه يلي كله عرق ومش فاهم شي ولامدكر انه دار هكي معش عرف شن يقول ولاشن يرد عليها حس روحه دايخ وراسه بيتفجر
ريم/خشيت دوشت ودموعي ماوقفوش بكل ويحرقو فيا وقلبي كأنه جمرة والعة فيه ...انهرت نبكي ....مزال مانساهاش مزاااال يحبها. مزززااااال ...كدب علياا خدعني مايحبنيش ااااه ياربي وينادي في اسمها وهوا معاي وعلى سريرنا ...بكيت بكيت بكيت لحد ماتعبت ومعش عندي حيلل
طلعت غيرت حوايجي وصليت ودعيت ان يكون هالشي مجرد اوهام وكله كدب
مش معقولة مؤيد يدير فيا هكي مستحيل يااربي لااا
مؤيد/خش لريم ...قعمز جنبها وشد ايديها حبيبتي بش نحلفلك اني مادرتش هكي الي حكيتيهولي مستحيل انا انديره
ريم/نفضت ايديها منه..يعني اني هبلت ونهلوس ونجيب في حاجات من راسي
مؤيد/مش هكي ياقلبي بس انا ماندكرش اني قلت او درت هكي ...
ريم/تنهدت ...اطللع مؤيد خليني نبي نرتاح شوي
مؤيد/باس راسها ...والله الانحبك مستحيل ندير شي يزعجك ..ارتاحي شوي. ولما تحسي روحك كويسة نحكو
طلع وريم انهارت تبكي معش فهمت شي ومؤيد كدالك مش فاهم روحه ادا هوا حق تصرف هكي معاها ولا هيا من كتر ماغايرة ومزعوجة من شهد بدت تجيب في حاجات من راسها
فات اليوم وريم ومؤيد في قمة التوتر
فات اسبوع وريم ومؤيد كل مرة يصير معاهم شي وكل مايحاول يقرب منها او يلمسها ياإما هيا تباعده وتبدا تعيط والا هوا يبدا يصارخ ويكشخ
مؤيد/النوم معش جاه من جهة يحب ريم يموت فيها ومن جهة مش قادر يفهم شن صاير معاهم وكيف حيرجع علاقتهم كويسة
ريم/طول الوقت شاكة فيه وكل مايروح اما تشد تلفونه تفتشه او تشم حوايجه وع اتفه سبب ادير مشكلة
مؤيد/معش قادر مخنوق بنطلع ماشي للشركة اقعدي فيها..
ريم/اي امشي تريحني معش طايقاتك ولاطايقة نشوفك امشي بلكي تلقى شهد حبيبتك غادي
مؤيد/عصب خدي مفاتيحه وطلع للشركة
فراس/اهلاا وين تأخرت الاجتماع بادي
مؤيد/خش انت معنديش خلوق
فراس/خيرك شن فيك وجهك تاعب ومرهق
مؤيد/مافيا شي تاعب شوي بس وماعنديش خلوق نتكلم
ريم/تمددت ع السرير وفكرة تاخدني وفكرة تجيبني لما يكون مؤيد معايا نحس روحي مخنوقة ومش طايقاته واول مايطلع نبدا نبكي نبيه جنبي
كلمت اهلي شوي اطمنت عليهم حاولت نبين اني عادية بس كنت مستاحشتهم وفاقدتهم ياريتهم جنبي توا استاحشت حضن ماما ستاحشت بابا وحنيته عليا ستاحشت ربى لما نتعارك معاها ونضحكو ونبصرو بكيت بكيت لين تعبت
ريم/ غفيت شوي وفجأة حسيت روحي مخنوووقة وكأن حد شاد رقبتي وخانقني فتحت عيوني نشوف مؤيد وجهه احمر وعروقه بارزات و كله عرق خانقني بيديه لاتنين ..بس كان نفس هيئة مؤيد زمان لما كان اعور. ...هدا حلمم حلمم حاولت نخلص روحي ماقدرتش كان اقوا مني صوتي مايبيش يطلع وكأني تبكشت
حاولت نقاوم نقاوم وفجأة فتحت عيوني وعيطت نضت قعمزت ووجهي عرق وجسمي كأنه مخدر بس مالقيتش مؤيد مالقيت حد قدامي ناديت ناديت مافي حد في الحوش غيري نضت نجري في الحوش واندور في مؤيد مالقيتاش قريب هبلت طحت ع الارض حسيت بوجع في راسي ومعش نحس بشي اغمى عليا
مؤيد/يتصل بي ريم وهيا ماتردش ...انشغل هلبااا ...
فراس/شافه طالع وين ماشي مؤيد
مؤيد/طلع من الشركة بدون لايرد ركب سيارته ويسوق بسرعة
شهد/تشوف مع روشن المكتب ...ضحكت ضحكة ع جنب..بدي المفعوول...يومين بس وتلقي مؤيد جايك ياشهد 😏
مؤيد/فتح لباب ويشوف ريم طايحة ع الارض وراسها دم مشالها يجري قامها بسرعة مخلوع ...رييم ررريييم ياربي شن. صارلها ...قامها وهيا مزال دايخة ركبها في السيارة ورفعها للمستشفى
ريم/فتحت عيوني لقيت مؤيد شاد ع ايدي ..وراسي فيه وجع رهيب اول ماشافني فقت حضني
مؤيد/ياقلبي خوفتيني عليك ياروحي
ريم/ادكرت شن شفت بديت نبعد فيه ...ابعددد ابعددد كله منك كله منك
مؤيد/ياروحي خيرك شن صارلك...كيف طحتي
ريم/بديت نبكي مانعرفش مانعرفش ...حكيتله شن شفت وبعدها معش ندري ع روحي حسيت بدوخة وطحت ع الارض بقوة
مؤيد/حضنها وكان خايف عليها هلباااا ويحاول يهدي فيها ...
ريم/هديت شوي ....نبي نروح للحوش خلاص
مؤيد/سندها وركبها للسيارة ورجعو للحوش. ..
مؤيد/هيا قعمزي ارتاحي شوي ....حضنها ويلمس في شعرها...خفت خفت عليك ياروحي..شن جانا شن صارلنا في يوم وليلة ...بعدنا هلبا ع بعض
ريم/تعبت تعبت يامؤيد حاسة روحي وكأن من محاصرني بسلاسل من جميع الجهات وكل مانحاول نرقد نحس كأني مخنوقة و تجيني كوابيس ...
مؤيد/كل شي توينحل اهدي
ريم/حطت ايديها ع وجها وتبكي
مؤيد/زاد حضنها اشششش معش تبكي خلااص انا معاك ومزال نحبك مش حنخليك...هيا خشي ارقدي ماتقعديش في الصالة
ريم/لالا مانبيش كرهتها الغرفةوكرهت كل شي فيها كل مانخشلها نحس روحي مخنوقة نبي نمشي لحوش اهلي ستاحشت حوشنا وريحته
مؤيد/ حوش اهلك فاضي
ريم/ بس نبي نمشيله نحس في روحي نبي نموت اهنايا
مؤيد/في هالليل لا غدوة نرفعك شوي وتروحي
ريم/لالا توا بلله عليك حوشنا مش بعيد راهو نطلع بروحي ونمشي ع رجليا في هاليل
مؤيد/ووااك منك راسك يابس هيا نوضي اركبي
ريم/باساته من خده..شكراا...وطلعو
مؤيد/والله الامختشة...تخليني في هالليل نطلع بيك لحوش اهلك ومافيه حد فاضي تو يحسابونا مخانب
ريم/المخانب عندهم مفاتيح هما بلله فكني..فتحت لباب وخشيت ولعت الاضوية ...اااااه محلااا ريحتك ياحوش بوي
