#خدعت_به_فأحببته
الحلقة9
الكاتبة fa toom
مؤيد/من يلي مايتحشمش ع وجهه هدا😒 جاينا لبس ع السريع وخطف بوساات من ريم ومشي يفتح في لباب
ريم/حليلي مش مصدقة كأني في حلم.😍😍..اااخخخ قلبي الصغير 🤤❤
مؤيد/فتح لباب وقعد واقف وباهت 😳
شهد/متكية ع الباب...هلا حبيبي.... خيرك مصدوم
مؤيد/سكر لباب وراه وسحبها ع جنب ....انتي كيف تجي هنايا كيف ليك الجرأة تجي لعند الحوش واطقي لباب 😡
شهد/حاطني في الحظر وماتردش وفي الشركة كدالك ماتبيش تسمعني جيتك اهنايا انت الي خليتني نجيك
مؤيد/شدها مع مرفقها بقوة. ..شوفيلي جاي وربي ماتطلعي من اهنايا خلال دقايق ...وربي الامانبتلا فيك ونقتلك 🤬
شهد/علاش خايف مرتك تشوفني😏 ..شن ماكش مقايللها ع حبيبتك الاولى له له يامؤيد...بعد خلي نمشيلها نبي نتعرف عليها عندي فضول نشوفها خيرك خايف عليها
مؤيد/اسمعي مرتتتتيييي خط احمررر فاهمة خط احمررررر🤬
وربي تفكري تلعبي لعبة امسخة ولاتحاولي تجي في طريقها الامانقتلك وندفنك بيديا😡
شهد/لهالدرجة تحبها...😤
مؤيد/اي نحبها وانمووت فيها ..اطلعي توا ومعش نشوف وجهك هنايا 😡
شهد/باهي يامؤيد الاماتندم ومشت
......./شن صار معاك
شهد/ماصار شي لحد توا ....بس حيصير وتو نوريه ...مش اني يلي يبدلني بوحدة فقيرة ويطردني
....../خليك شاطرة زي مانعرفك وردي بالك تغلطي ...والا كل شي يطيح في لمية
شهد/بس ماتنساش وعدك...لازم تخلصني من جمال لانه خانقني مدرهلي كبدي ... ولو يعرف اني مزال نحب مؤيد حيفضح كل شي درناه
..../جمال موضوعه ساهل كل الاوراق يلي توديه في داهية عندي ...بس اول نتخلصو من جمال تبدي في شغلك مع مؤيد معش نقدر نصبر فاهمة
شهد/لا اني نقدر نصبر... لازم مؤيد يرجعلي بأي ثمن
ريم/حبيبي وين كنت ومن يلي كان ع الباب
مؤيد/اهه لا مافي حد هدا فراس مش عارف شن يبي ومشا
ريم/علاش خليته شديته فطر معانا. . لكن هدا فراس متغير معش زي قبل شكله مكبد 😂
مؤيد/لالا كان هدا انا اول واحد يقولي انتي ماتشغليش بالك هيا حبيبتي غيري واحلقيني حنذوقك احلا فطوور من ايدين الشيف مؤيد 😊😊
ريم/لا ماتقولهاش اني مدلعة اليوم😍
مؤيد/اليوم وكل يوم انتي دلوعتي🤤
ريم/اني نحلم صح انت مؤيد يلي نعرفه🤔
مؤيد/ههه نوضي نوضي ولانغير رايي وانخليك انتي تحضريه لفطور
ريم/خلاص نضت 😁😁
ريم/خليته خش للمطبخ وخشيت دوشت ع السريع ولبست تيشرت احمر وشورت قصير لونه ازرق كحلي وخليت شعري ع جنب بذون تجفيف وحطيت شوي روج مع رسمة عين خفيفة
خشيت للمطبخ ومؤيد يحظر في لفطور.جيت ورا ضهره وحضنته
مؤيد/ شدايديها وزاد حضنها ياقلب مؤيد انتي....اممم كيف تحبيه فطورك ياعصفورتي😍
ريم/كيف ماتحب عادي😊 ...مهم يكون حلوو
مؤيد/ماااشي ..ياحلوة..وهداا احلا عصير فراولة طبيعي لفراولتي🤤 ...حطه ع الطاولة
ريم/يمممييي😋 بس هيا عجل جعانة راهو🤗
مؤيد/يخسي الجوع ياعمري ...بس فلتيني شوي معش قدرت نتحرك 😂
ريم/انللاااا نبي نقعد لاصقة فيك 🤤😍 تحرك،عادي واني حاضناتك
مؤيد/ياروحي انتي ..بس ماتلومينيش لو نحرق التست 😂
ريم/عادي ناكله محرق مش هوا من تحت ايديك اكيد حلوو 🤤😍
مؤيد يتحرك في المطبخ وريم حاضناته وتمشي معاه متعنكشة فيه تقول بيهرب منها 😂😂
مؤيد/قعمزع الكرسي ...يلا قعمزي حبيبتي نفطرو ...
ريم/قعمزت في حجره وايدي على رقبته....كترلي من النوتيلا 😋
مؤيد/لاف يده ع خصرها ..انتي كلك نوتيلا🤤
مؤيد/ افتحي فمك هي 😍
ريم/محلاااه اول مرة ندوق تست بهالحلاوة هادي 😋
مؤيد/😂😂تتسهوكي ...
ريم/لالا والله حق طعمته حلووو وكله حب وحنية هدا احلا فطوا نفطره في حياتي🤗
مؤيد/ان شاءالله حياتنا كلها حتكون حلوة ياحلوتي ...هيا كمليه كله
اوووهه بلشوية 😂 لبزتي فمك بلشكلاطة
ريم/وين اهنايا.😕..
مؤيد/شد ايدها...ماتمسحيهاش اصبري
ريم/تشبحله..
مؤيذ/تونمسحهالك انا...قرب منها ولحس الشكلاطة يلي على فمها 🙈🙈 وباسها بوسة طويلة وكلها حنية.... عندك علم ان طعمتك احلا من النوتيلا 🤤😋
ريم/تحشمت ودخلت راسي في صدره 🙈🙈
مؤيد/انحبك انا
ريم/رفعت راسي...انمووت فيك
كملنا فطور ومؤيد طلع للشركة واني كلمت اهلي شوي اطمنت عليهم و قعمزت نتفرج وفاتحة نت مكسدة ونفسفس
رن تليفوني
ريم/اهلاا فراس خير في شي
فراس/لا مافي شي بس حبيت نسمع صوتك ونسئل عليك
ريم/تسئل عليك الصحة يارب كيف حالك انت
فراس/ بخير والله ...سامحيني كان ازعجتك ريم/لالا مافيهاش ازعاج انت حسبت خوي عادي في اي وقت
فراس/غاضاته هالكلمة ....معش عرف شن يقول ....باهي ماتبي شي
ريم/لاسلامتك ومشكور وسكرت...ورجعت نتفرج ومليت من التلفزيون قلت انابش مؤيد شوي🙃
