#خدعت_به_فأحببته
الحلقة8
ريم/طلعت وخليته في المطبخ ودموعي ع خدي
مؤيد/هادي شن جاها😕 ...ريييم. لحقها
ريم/سكرت الغرفة علياا وطحت ع الارض منهارة ومصدومة ودموعي ينزلو زي النار يحرقو فيا💔 ...
مؤيد/يطق ع الباب ريم رييم خيرك شن جاك
ريم/ماكلمتاش استمريت في البكي بحرقة و بدون صوت وخلاص
مؤيذ/شن جاك يابنت خيرك..ماتشغلينيش ..
ريم/نطلع نواجهه ونسئله منو هادي ولا علاش تتصل وباعتتله ..بس علاش هكي يدير معاي مدامه مايحبنيش ويحب وحدة تانية علاش ايخلي فيا نحط في امال واحلام...قداش اني هبلة كان ابتسملي يوم خلاص صدقت روحي ...
مؤيد/يطق ع الباب ...وريم ماتبيش لاتتكلم ريم افتحي لباب ولانكسره توا
ريم/كسره شن لي قعد ماكسرتاش انت
مؤيد/ماتعصبينيش افتحي وفهميني شن جاك
ريم/فتحت لباب بقوة ....وعيوني متورمات وحمر شن شن تبي مني اهو فتحت ارتحت توا لما شفتني هكي
مؤيد/قرب ايده لوجه ريم ..تبكي؟
ريم/بعدت بسرعة..ماتلمسنيش. ..
مؤيد/خيرك شن جاك فجأة هكي توا مكان فيك شي
ريم/اسئل نفسك...
مؤيد/أنــ......رن تليفونه📞📞
مؤيد/شبحله ومااهتمش بلإتصال ...اسمعي ريم ان
ريم/شبحت لتليفونه نفس الرقم 💔 شبحتله وعيوني دموع و خشيت نجري للغرفة بدون لانكلمه وسكرتها يقدرش يردعليها قدامي اكيد...يحسابني غبية مش فاهمة شي
مؤيد/ياربي هادي شن جاها
والتليفون معش سكت يرن يرن ...رد
منو معاي
شهد/غريبة ماعرفتنيش شكلك ماقريتش رسالتي
مؤيد/هدا انتي ....شبح للباب وبعد....
انتي شن تبي ومن وين جبتي رقمي هدا😡 وكم مرة نغير فيه افهمي بلعقل هيا مانبيكش تكلميني علاش تتلصقي
شهذ/.بلشوية خيرك معصب ولاقاطعت عليك العسل انت ومرتك ه 😏
مؤيد/اي مع مرتي عندك مشكلة ...اسمعيني حركاتك عارفهم وربي مازلتي تتصلي تشوفي شي عمرك ماشفتيه ومزال نشوف رسالة ولااتصال ماتلومي الانفسك😡 وسكر وحطها في الحظر ...شاف الرسالة وشك ان ممكن ريم شافتها...قرب من لغرفةنكلمها ونسئلها ونفهمها لالا مش ضروري مش حنكلمها ولانبررلها تو تهدا بروحها بعدين انا مش ملزم نبرر لأي حد ..خدي جاكيته وطلع ...
ريم/حتى اني غبية وحاطة امال واحلام ع الفاضي ...اكيد ماشيلها 💔
مغباني حتى اني من بوسة حيحبني ويتغير فيقي ياريم ماكش عايشة في مسلسل ولارواية يلي في يوم وليلة بتصير معجزة ومؤيد بيغير نضرته فيك ويحبك اكيد الي يحبها بنت حلوة وغنيةوماشية معاه مش كيفي بنت عادية وبسيطة شن فيا يلي بيخليه يحبني في يوم اااه بس اني الق حبيته زي لهبلة 😓💔
العشية
اتصلت بأهلي ليا ايام ماشفتهم بعتت لمؤيد رسالة اني بنمشي نزورهم
مؤيد/شاف رسالة ريم .. قعد يفكر اكيدريم...شافت رسالة شهد وفهمتني غلط كيف حنوضحلها ونفهمها ان مافي شي بيني وبينها بس هكي حنبين روحي اني قاتل روحي عليها ونبي رضاها ... بعتلها حضري روحك تو نجي ناخدك
ريم/هه طول ماصدق وقال حضري روحك لاسئل خيرك ولا علاش ماصدق يفضاله الجو
حضرت روحي وقعدت نستنى فيه
