حبيبتي المسترجلة

part 1

وجدان. اللهم صلي ع محمد وال محمد فدوة شكد حلوة دمعت عيني وانطيت البنية ال امهة شنو سميتوهة
نورة. مريم سميناهة مريم
وجدان. مريومة فدوة تجنن تتربى بعزكم ان شاء الله
نورة. تسلمين يوم ال الج حبي
وجدان. امين
رجعت للبيت ومتت من البجي ضليت ادعي وابجي ربي ليش مكاتبلي بنية تصير ليش ربي فدواتك حققلي امنيتي وارزقني ببنت تملي البيت علية
محمد. كافي يروحي الله كريم تجي البنية تجي انتي بس كوني صبورة وثقي بالله تجي
وجدان. اسمي وجدان عمري ٣٠ صارلي ١٠ سنوات متزوجة من محمد تزوجتة عن حب وعايشين احلا عيشة الحمدلله عندي ٤ ولد احمد عمرة ٨ سنوات وكرار عمرة ٦ سنوات وعلي عمرة ٤ سنوات وسامر عمرة سنة ونص طبعا جنت بعد كل ولادة بفترة قصيرة احمل حتة تجيني بنية وتنور حياتي بس شوفة عينكم صار عندي ٤ ولد والبنية ماكو سامر حبيبي بعدلة شهرين ويصير سنتين واحمد راح للثالث وكرار هاي اول سنة الة بالمدرسة قررت احمل بعد عسى ولعل وتجي بنية جنت ببيت صديقتي حتة اباركلهة ع اول مولود اجتهة بنت وسمتهة مريم كلش فرحتلهة وبنفس الوقت انقهرت اني هم اريد بنية
محمد. اسمي محمد عمري ٣٦ سنة زوج وجدان مثل مكلتلكم تزوجنة عن حب وجانت تتمنى وجدان تصير عندهة بنت جنت هم اريد هالشي بس اني اقوي نفسي واسندهة وانطيهة امل اما هي ف جانت ام دميعة كل ما تشوف موقف تدمع وتضل تبجي مثل الطفل
.......
مشت الايام وحياة محمد ووجدان من سعيدة الى اسعد اضافة للفيلق اللي ميخليهم يتنفسون 😂 بس عايشين ببساطة وماعدهم مشاكل
وجدان. محمد مخلص هندسة حاسبات ومتوضف بشركة راتبة زين وعايشين الحمدلله بيتنة ملك مرتب صغير ع كدنة طابقين الطابق الفوك بي ٣ غرف نوم وحمام والجوة بي صالة ومطبخ وحمام وممر يطل ع الباب الخارجي اني مخلصة كلية تربية وكاعدة بالبيت خياتي شوي بيهة تعب وخاصة بالمدرسة مالحك احك راسي بسبب الجهال اكعد من الصبح اسوي ريوك للجهال ومحمد واحضر ملابسهم واكعدهم ابدل للجهال واحضرلهم لفات ياخذوهم وياهم ويجي الخط ب ٧ ونص عليهم يروحون ويروح محمد للشغل هنا الزم البيت انضفة اغسل ملابس واسوي غدة ويكعدون سامر وعلي اريكهم ويضلون يلعبون واسبح ارتاح شوي يجون الجهال من المدرسة اغديهم وينامون واغسل اماعين الغدة واغسل ملابس المدرسة يكعدون ووي كعدتهم بين ال ٣ وال ٤ يجي محمد احضرلة الحمام ع ما يسبح اطلعلة ملابس اصبلة غدة نتغدة اني ويا ماعرف اتغدة الا ويا وينام ساعتين بين مينام الزم الجهال ادرسهم نكعد العصريات اسوي جاي وكعك وحبشكلات نكعد اني ومحمد والجهال نسولف شوي نلعب ويا الجهال نتسامر يصير المغرب اسوي عشة اعشيهم واغسل الاماعين وانيمهم يصير الليل اسبح وامكيج والبس واروح لمحمد
محمد. لج شنو انتي ام بيت معدلة وين اكو مثلج هيج منضمة وعدهة وقت ال كلشي اروحلج فدوة
وجدان. خجلت وابتسمت شعندي غيركم ياحمودي انتو كل حياتي 😊🙈
محمد . اشتعل حمودي وعشيرة حمودي تعاي نامي بحظني يروح حمودي ........
كعدنة الصبح كالعادة نفس الروتين بس ايام الخميس والسبت نطلع نتونس ونونس الجهال ونتسوق ونفتر ونرجع مرات نروح للاقارب مرت الايام ببطئ بيت بيت وجهال ومحمد حسيت عندي اعراض حمل وخمول مو طبيعي طلبت من محمد نروح نحلل وفعلا طلعت حامل جنت كلش خايفة خاف هم يطلع ولد وليل ونهار ادعي بعد ما انتضرنة تكبر بطني شوي ويتكون الطفل حتة نعرف جنسة رحت سويت سونار وطلع بالسونار ........
وجدان. طلعت من المستشفى ابجي بحركة ودموعي تنزل عشرة عشرة اني ما اعترض ع حكم الله بس ليش ما مقسوملي اجيب بنية محمد حالة مو احسن من حالي هم ضايج بس محب يبين خلي نرجع شوي لمن جنت يم السونار الدكتورة كالت ولد محمد كال الحمدلله مو مهم ولد لو بنية كلشي يجي منج حلو جودة هو يصيحلي جودة او جودي تشكر من الدكتورة وطلعنة كال خلي اجيب السيارة لاتروحين ال اي مكان راح واني ضليت امشي وابجي بحركة
محمد. رحت جبت السيارة واجيت ملكيتهة لا يالله وين راحت هاي دتبجي ومقهورة استغفر الله يربي ضليت امشي بالسيارة علكيف لكيتهة دتمشي عالشارع وايدهة ع وجهة وتبجي وممنتبهة عاللي حواليهة دتعبر الشارع جان تجي سيارة كلش سريعة ......
وجدان. مشيت وابجي ومادري اني وين بس ابجي وايدي ع وجهي سمعت صوت هورن مللللش عالي ضليت اباوع عالسيارة الكدامي واني مصدومة ومخروعة خليت ايدي ع اذاني وغمضت وصرخت بفزعة سمعت صوت شحطة قوية شفت نفسي بحضن محمد مادري شنو اللي صار عبالك عقلي جان فاصل عن الدنيا وهسة صحة شصار وشجابني بحضنة وليش اكو هوسة هنا مادري اجة الرجال جان متوسط العمر كال الي ها اختي خو ما بيج شي اني ساكتة كلة محمد لا الحمدلله مابيهة شي تلاحكتلهة ع اخر لحظة ضل يتعذر الرجال وكال اذا متأذية من شي اني اوديج للمستشفى كلة محمد لا عمي مصار شي توكل ع الله السبب مو منك مرتي مجانت منتبهة فضت ورجعنة للسيارة جابلي مي وحذرني ماتحرك مكاني
محمد. شفت سيارة متقدمة ناحيتهة وهي مو منتبهة نزلت من سيارتي رأسا وشفتهة حطت ايدهة ع اذانهة وغمضت عيونهة وصرخت مفزوعة جريتهة من السيارة ووكعت عالرصيف وصارت هي بحظني والباقي تعرفو جبت مي وشربتهة وغسلت وجهة رجعنة للبيت جانو الجهال بعدهم بالمدرسة ورحت جبت علي وسامر من بيت صديقي جانو يم نور ام مريم زوجة صديقي اسمة يوسف احنة اصدقاء عائلة نروحلهم ويجونة ومن نطلع مشاوير سريعة نخليهم يمهم لان قريبين علينة بنفس المنطقة واصدقاء احنة يلعبون وي اطفال نور عدهة ٣ ثنين ولد وبنية واحد عمرة ٥ سنوات وواحد عمرة ٣ سنوات وهسة عدهة مريم عمرهة ٧ شهور اهلي من البصرة واهل وجدان من كربلاء تعرفنة بالزيارة جنة جايين الكربلاء وتشاوفنة وصارت العائلتين اصدقاء وعن طريق العائلتي تواصلنة وحبينة بعض وتزوجنة مجانت اكو مشاكل وعراقيل بزواجنة لان اهالينة واعية ومثقفة مرفضت لان يدرون نحب بعض واحنة هم مو صغار جنة واعين وكبار ومعليهم بقراراتنة جان عمري بوقتهة ٢٦ ووجدان ٢٠ المهم نرجع للحاضر اخذت الجهال وتشكرت منهم وانطيتهم خبر جاينة ولد بالطريق تباركولي وطلعت رحت للبيت لكيت وجدان ع نفس كعدتهة وما مبدلة مو من عادتهة هيج باردة الجهال صار وكت حلت المدارس مالتهم وهي ممسوي غدة خليت الجهال يلعبون بغرفتهم واجيت كعدت يمهة
محمد. حبيبي جودة جودي ام خديدات اروح فدوة ال هالخدود اذا متضحكين يذبلون اموت وراهم اني حبيبي لتسوين بنفسج هيج كلشي منج حلو الله كريم نسوي درزن جهال حتة تجينة بنية وغمزتلهة😉 ومننتضر سنة وسنتين رأسا ورا ولادتج نسوي 😈
عندي امكانية مادية ونعيشهم احلى عيشة كوني صبورة
وجدان. باوعتلة بعيون باهتة لا انتة ليش متفائل اني ايست ميصير عدنة بنية وقبل كلشي هذا الطفل مراح يجي للدنيا لازم يموت اي لازم يموت حجيت بهستيريا وماعرفت شنو دا اسوي بس ما احس الا ايدي ع خدي لان حسيتة صار نار محمد ضربني راجدي اي ضربني صارلي ١٠ سنين متزوجتة ما فد يوم كالي لج واليوم محمد يضربني راجدي
محمد. دلعتهة وشاقيتهة حتة يتغير المود وتطلع من حزنهة بس هاي ضلت تخربط ولازم اقتلة ولازم يموت فار دمي شنو هالتفكير لا اني ولا ربي يقبل بهالشي ضربتهة راجدي وجانت اول مرة بحياتي اضربهة راجدي عفتهة وطلعت كلش ضايج رحت ع يوسف خابرتة وطلعنة شوي غيرت جو وافترينة وسولفتلة اللي صار واتغدينة نصحني اساندهة المرأة حساسة وخاصة بهيج مواضيع واخفف عنهة وهي حجت بعصبية متسوي هيج المهم رجعت للبيت واخذتلهة هدية سوار وكلادة ع شكل تفاحة كلش نازكة شبهتهة بخدودهة طبيت للبيت و ............